سيارتي سوناتا ماشية 115 ألف .. وش اغير فيها ؟

بحووور الشوووق @user_225190 · 08-10-2013

السلام عليكم ورحمة الله
اخواني .. انا عندي سوناتا 2011 لها عندي 3 سنوات وشهرين
السيارة ماشية 115 ألف تقريباً ... اخر تشييك سويته فالوكالة على الـ 90 ألف ومن بعدها كل 5 آلاف اغير الزيت والسيفون ف ورش بس

زيت القير ماغيروه لي الوكالة الا مره وحده على حسب علمي
السير غيروه لي مره وحده
البواجي آخر مره غيرتها على الـ 90 ألف

وش الأشياء اللي محتاج اسويها فالسيارة ؟
انا فكرت اغير زيت قير .. زيت مكينة .. فلاتر .. بواجي .. السيور .. الفحمات .. ترصيص و وزن اذرعة

اذا في شي زيادة يحتاجله تغيير او شي من اللي ذكرته مايحتاج تغيير ياليت تعطوني خبر
وكم تقريبا ً بتكلف قطع الغيار بدون شغل اليد ؟

انتظر ردكم ولاهنتوا ..

super_safari @user_201024 · 09-10-2013

أهم شيء سير التيمن (إذا كان مطاطي و ليس جنزير) يتغير كل 100 ألف كم. هذا أهم من كل شيء.
زيت القير اقرأ الكتالوج و اعرف كل كم يتغير. أتوقع عندك SP3 و يتغير كل 60 ألف كم لكن ارجع للكتالوج آكد لك. لو زدت عن 60 ما هي خطورة ,, يفترض إنك تفحص لزوجة زيت القيرلا لو شكيت أنك تأخرت بس أنت ما شاء الله ما عندك تأخر.. و لا تخاف.
البواجي تأكد منها في الكتالوج: لو بلاتين تتغير كل 100 ألف كم. و إذا عادية كل 50 ألف هي و فلتر الهواء و صفاية البنزين ,, هذي الثلاث اشياء علشان صفاوة المكينة و العزم و تجنب التفتفة.

أبو ماجد البشري @user_109566 · 09-10-2013

هل غيّرت سير التايمن مادري كم يتغير عليه انا عندي اكسنت ماشيه 98 الف وما غيرته والكتلوج مكتوب فيه 96 الف ,

بحووور الشوووق @user_225190 صاحب الموضوع · 09-10-2013

مشكور اخوي بشير على الرد

زيت القير يوم يغيرونه لي الوكاله كنت ماشي 80 .. يعني الحين ماشي عليه 35 الف .. هل يحتاجله تغيير ?

والفلاتر اخر مره غيرتها على ال90 .. غيرت فلتر الهوا وفلتر المكينه

البواجي متاكد يبيلها تغيير .. والقماشات بشتريها من الوكاله واغيرها برا والفلاتر كذلك
لكن بالنسبة للسيور .. هل في ورش كويسة فالشرقية ممكن اغير عندها او اوديها الوكاله اضمن?
وبالنسبة للترصيص والميزان وش افضل محلات ممكن اسويها عندهم ? لان اخر 5 الاف تقريبا صار فالسياره في رجه خفيفه

بشير حسن @user_264966 · 08-10-2013

عليكم السلام ورحمة الله وبركاته

أخوي ماشاء الله عليك أنت محافظ على الصيانه الدورية بشكل ممتاز فاذا أنت على حسب كلامك آخر تشييك وفحص لجميع القطع الخاصه بعملية التصفية فالزيت القير اذا أنت مشيك عليه في الممشى 90 ألف وغيرته فمايحتاج ولا له أي داعي تغير زيت القير لأنه زيت القير يتغير على حسب كلام المصادر الموثوقه من كتلوجات الخاصه بمستخدم السيارة أو من مواقع أكثرها أو الاغلب كل 35- 45 ألف كيلو متر وبعض السيارات تزيد الى 60 ألف كيلو متر ولكن الأنسب والاحوط مابين 35-45 ألف كيلو متر هذا مايخص زيت وفلتر القير

بالنسبه الى البواجي الافضل تغييرها كل 25 ألف وربما أكثر وشئ راجع الى استخدام السيارة وفلتر الهواء يتغير على حسب الاجواء لانه في ناس تقول كل سته شهور وناس تقول كل سنه ولكن بما أنك وصلت الى ممشى 25 ألف فانصحك تغير فلتر الهواء وبالنسبه الى باقي الامور لابد من فحصها كالسير