قناة السيارات
السلام عليكم ورحمة الله وبركاته ،،،
السيارة فورد اكسبلورر 2008
كان عندي مشكلة في القير قبل 5 شهور وهي اول ما اشغل السيارة واحطها على D وادعس ما تمشي ( كأني حاطها على N ) ونفس الشي اذا حطيت القير على R ادعس ولا يمشي ولا يرجع على وراء ... والحل الوحيد كان اني أحط القير على D وادعس كل الدعسه ( وهي فاضية طبعا ماتمشي ) لين اسمع طقة في القير وبعيدن يغير وخلاص بعد كذا تمشي السيارة ...
رحت لورشه وقال خلنا نغير الحساسات يمكن منها قبل لا نوضب القير .. ونفس المشكلة بس مافرق معي إلى في مدة التعشيق يعني إذا حطيتها D ودعست ما تمشي ويصير فاضي لكن اجلس مده اقل من الاول اذا دعست عليها وبعدين اسمع طقة في القير وبعدين يغير وتمشي السيارة .. المهم توكلت على الله ووضبت القير وعطوني 6 شهور ضمان قطع وشغل يد
وخمس شهور ماشي السيارة زي الحلاوه ... وقبل يومين رجعت نفس المشكلة ، احط على D او R او اي نمره وادعس وفاضية كني حاط عى N ... ونفس الشي حطيتها على D ودعست كل الدعسه لين سمعت طقة التغيير وعشق ومشى الموتر وطفيت السيارة ثاني مره وشغلتها وحطيت على D ومشت تمام وراحت المشكلة .... .. رحت للورشه وفحصوا كمبيوتر وشيكوا يوم كامل ولا لقوا شي والسيارة مافيه مشكلة ... واحاول اطفي واشغل ابي المشكلة تطلع ولا طلعت عندهم .... وارجع للبيت واطفي واشغل ابي القير يفضى في كل النمر ولا فيه فايده ... المهم
صارت المشكلة تجي كل اسبوع مره ... احد مرت عليها هالمشكلة وهي الفضاوه بالتعشيق ولا تمشي الا اذا دعس كل الدعسة ويطق القير ويغيير .؟؟؟ او احد يعرف عنها شي ؟؟
رد مع اقتباس
