والله انا قريت موضوعك من أول بس قلت ما احطم الرجال خله يبحث شوية يمكن يلقى حل
انا عندي اس اس 2011 وللأسف ما عندي نافيقيشن وبحثت عن الموضوع هذا كثير
موديلات كابريس من 2011 وفوق نظام الملاحة فيها يختلف عن 2010 وتحت
2011 يحتاج
1- جهاز ستلايت ملحق في نفس الشاشة ( 2010 الجهاز يجي بالدرج )
2-لاقط رئيسي
3- لاقط داخلي
4- بطاقة ذاكرة SD فيها خرائط الشرق الأوسط
جهاز الستلايت مشكلته يجي ملحق في نفس الشاشة .. يعني لازم تغير الشاشة كاملة عشان جهاز الإرسال وهذا الشي مكلف جدا جدا جدا
بطاقة الـ SD لحالها قيمتها يزيد عن 3000 ريال نسخة أصلية من الشركة
يعني لو تطلب قطع من برا اتوثع ما تقل عن 8000 الاف ريال ابدا وتركبها وتبرمجها وشغله طويله عريضة
وما فيه احد قد سبق وجرب
لو الوكالة توفرها عندنا ثق تماما ما ان سعرها اقل شي 15 الف ريال
على العموم انا حسب بحثي في المواقع الأسترالية وصلت انه من المحتمل يكون الكابريس مجهز بجهاز ستلايت واللاقط متوفر بالسيارة لكن الـ SD كارد مو موجوده داخل النظام ؟؟ خصوصا نوع LTZ و SS و ROYAL لان نوع الشاشة يفرق عنالموجود في LS والنوع هذا من الشاشات يجي في استراليا اوبشنال بجهاز ملاحة
انا صراحة ما عندي الجرأة اني افك الشاشة والديكور عشان أتأكد
