ارجو منكم النصح ياشباب .. لبا قلوبكم

انا شفت عرض امس في الوكالة .. ستاندر بـ 109 .. سعر ولا بالخيال ..

مافيه فرق كبير عن الفل .. خذ الستاندر ووفر الفلوس .. يعني اذا تبي سياره صغيره ولا شي ..

و الاكسبدشن ما علية كلام ..

الله يعطيك الف عافيه اخوي عاشق السوبارو .. وانا بحاول اخذ بنصيحتك وانتظر .. وان شاء الله يوفق رب العباد ,اخذ نص فل قصير .. وانا عائلتي صغيره مو كبيره .. 6 اشخاص فقط .. مع اني كنت معربن في اليوكون دينالي .. والحمد لله اخذت العربون ورح انتظر ونشوف يطلع الموديل الجديد للأكسبدشن او لا .. تحياتي لقلوبكم الطيبه ... وشهر عليكم مبارك وعلى منتدانا الجميل والرائع

اذا منت مستعجل على السيارة بينزل جيل جديد على حسب الاشاعات
يعني يمكن تنتظر ولا يصدر جيل حديد او تنتظر ويطلع جيل جديد
لكن اتوقع بيصدر جيل جديد
وانت شفت كيف الاكسبلور الجديد كيف داخليته المليئه بالتقنيات والجمال بالنسبة للمنافسين
لكن لو مستعجل انصحك فيها
عزل ممتاز وعن تجربة
مكينة قوية واداء رائع عن تجربة
فرق شاااااسع في الصف الثالث بينها وبين اليوكن والتاهو
لكن اذا تبي تشتريها لا انصحك بالفل صيانته غاليه عشان الدفع الرباعي
وخذ نص فل
لكن خذ الطويل لان القصير الشتطه حقته مره صغيره
هي على حسب الاحتياج
وما ادري اذا العرض خلص او باقي
اللي خمس سنوات صيانة مجانية
تشمل زيوت واذرعة ومقصات وغيرها
لو ما خلص خذها وانت مغمض
وطبعا معروفة سيارات فورد بجودتها وعمليتها

تسلم والله ياسبيد ... التاهو كويس وكان عندي موديل 2008 وكاله وبعته بس مشكلة التاهو خفيف على الخط وداخل مشكلة اسياته ماتنطوي كامله مثل الاكسبدشن . انا رحت الوكاله وشفت الأكسبدشن ع الطبيعه وشفت كيف تنطوي الكراسي وكأنك بغرفه .. الشي الثاني على حسب كلام الموظف انك تقدر تمشي لمسافة 80 كم لو كان الرديتر فاضي .. الشي الثاني مستحيل احد يقدر يفتح غطاء البنزين الداخلي الا بمحقان خاص يجي مع السياره يعني من عبث الاطفال او المخربين . ايضا لو تحط السياره تبي تعبي بنزين وجاك الهندي يبي يعبي لك ديزل بالغلط مايفتح معاه الغطا .. وهذا جدا مهم .. ايضا السياره كلها دار مادار وسائد هوائيه ونظام تعليق مستقل وايضا في نظام فصل البنزين عن السياره لو لا قدر الله صار حادث .. يعني الموظف شرح لي بصوره مفصله بس هذا اللي قدرت احفظه منه ..صراحه عجبني نظام السيفتي فيها .. ايضا عزم السياره اقوى من عزم اليوكون والتاهو .. واللي عنده اي معلومات عن السياره الاكسبدشن 2013 لا يبخل علينا الله لا يهينه .. ترانا حنا هنا في المنتدى كل واحد يخدم الثاني على الخير ان شاء الله .. الله يحفظكم ويبلغنا واياكم شهر رمضان المبارك .. آمين

معرف كم سعر الاكسبدشن الفل لكن الفل ما يفرق شي يستاهل من وجهة نظري عن الاستاندر خاصة ان كل تقنياته قديمة وراس مالها شاشة و دي في دي وجلد فاعتقد ان الاستنادر اصرف من دفع 30 الف او اكثر على اكسسوارات عادية جدا

اذا مهتم بالمواصفات التاهو فيه فرق بين الاستاندر و الفل على الاقل المظهر الخارجي لقليل من التميز

هلا والله فيك يا عاشق السوبارو .. لا والله ماني راعي بر ولا شي .. انا راعي عائله وابغا لهم السعة .. والاكسبدشن فيها سعه ماشاء الله .. ومريحه في السفر على حسب ماسمعت وعزمها قوي .. بس ماعرف وش عذاريب السياره .. وهل الفل اوبشن نفس قوة العاديه او الوسط من نفس السياره .. طبعا رح آخذ القصير .. لك اجمل تحيه