الكمبرسور وانا واقف في اشاره بعض الاحيان يفصل
نفس المشكلة عندي مع اني ما أشغل المكيف إلا وانا واقف تماما ..
مشكلة ثانية عندي في القير يصير ما يعشق ريوس !!
لازم أطفي السيارة واشغلها وتمشي الأمور ..
المشكلة هذي تجي وتروح وتقعد فترة طويلة لدرجة اني انساها
ثم ترجع :blue:
قال لي أحد الزملاء انه راح للوعلان على خريص وغيروا له حساس القير وحساس الفرامل وانحلت المشكلة .. والقطع سعرها رخيص جدا لكن سعر التركيب حوالي 300 ريال لحساس قيمته 55 ريال :confused1:
بالنسبة للمكيف قال لي بالحرف الواحد وانتبهوووووووو ياشباب
يقول رحت للفني وقلت له على المشكلة فقال لي بعد الفحص عندك تنسيم في الكمبروسر ولازم تغيره .. وسعره غالي (( ناس كم قال لي بالضبط ))
يقول قلت له غالي .. مافيه حل ثاني ..
قال له الفلبيني اصبر دقيقة .. وراح شوي ثم رجع له وقال له خلاص 300 ريال
قال مقابل ايش ؟؟
قال بنركب لك واحد جديد من سيارة ثانية
قال يعني سيارة تشليح والا ايش ؟؟
قال له لا سيارة واحد ثاني بس هو عادي عنده فلوس وانت ماعندك :mad1:
لذلك انحذروا تتركوا سياراتكم عند الوكالة ترا بيقلبوها تشليح ..
وعذرا على الخروج من الموضوع بس جات السالفة وحبيت افيد الشباب..
