نقدر نقول ان المازدا 6 افضل سيارة بالسوق حاليا؟!

عادي ماعندك مشكلة , تقدر بقيمة الاكورد السياحي تشتري مازدا نص فل ( الي تيجي بمكينة كبيرة 2,5 أو 2,4 لا اذكر ) وبنفس الوقت مواصفات اكثر من الاكورد

انا قدمت اوراقي على الاكورد الفل 6 سلندر هل معنى كلامك اني غبي؟

ثانيا انا لم يروق لي شكل المازدا خارجيا بلا ارى ان الاكورد افضل بالشكل وهذه وجهات نظر ولكلا منا رايه الشخصي لكن انك تريد مننا انا نشتري ما يعجبك ونترك ما يعجبنا بسبب راى شخص محترم مثلك فاعتقد هذا هوا الغباء

عزيزي محرك مازدا 3 هو 1.6 بينما محرك مازدا 6 الأصغر هو 2.0 ..

كثير ناس تدور ع سيارة من الفئة المتوسطة ..بمواصفات ممتازه بالنسبة للستاندر ( تشغيل ضغطة زر + جنوط 17 + نظام التراكشن + 6 ايرباق +8 سماعات +رساوة ممتازه جدا + صناعة يابانية 100% ) وفي نفس الوقت ما تهمها قوة المكينة وهي الي تعتبر بالنسبة لهم اوفر من ناحية صرفية البنزين ... فليش لا .. بالعكس خطوة جيده ..:xyxthumbs:

فعلاً انا معاك باللي تقوله بنسبة كبيرة ..

مثلاً انا قبل كم شهر جربت الاكورد الجديد لكن للاسف لم تنل اعجابي بعكس المازدا الجديدة ما شاء الله ..

وبصراحة حاليا افكر فيها وبجدية ..

الي ناوي يشتري سياره من هذي الفئه ويدري ان المازدا 6 2014 نازله في السوق ويعرف عن مواصفاتها وسعرها وصناعتها ويروح يشتري كامري او هوندا اكورد او سوناتا او التيما

ملاحظه والله اني مو متعصب للسياره ومااشتغل في مازدا ولا شي ولا لي علاقه فيهم ولاني ماخذ منهم ولا ريال لاكن كلمت الحق تنقال

ياجماعه انا ذكرت بغض النظر عن السعر
انتم تتكلمون وش افضل؟!
فذكرت ان الاكورد افضل ( بغض النظر عن السعر ) الشششاطح تماما

يعني انا اشوف حركة مازدا غبيه بوضع محرك 2 على المازدا 6 مع تواجد مازدا 3 !!

موضوع رائع

واتفق معك


والسيارة هذه فضحت جشع وطمع باقي الوكلاء


اتكلم عن تويوتا-كامري و هوندا اكورد و نيسان التيما , سيارات استرالية واميريكة ومواصفات اقل وسعر غالي , وهذه يابانية وسعر افضل ومواصفات افضل !

’

اهلاً بكم جميعاً

السلام عليكم

موضوع مميز ومعلومات قيمة يشكر صاحب الموضوع عليها

شاهدت عدة تقارير عن السيارة في المواقع الاجنبية واليوتيوب وكان هناك شبه اجماع على انها من افضل سيارات هذه الفئة وبها متعة قيادة واداء مميز كما انها من اجمل التصاميم الموجودة في السوق

بسعر 66 الف ارى انها خيار ممتاز لسيارة يابانية الصنع

الفورد فيوجن شكلها ابداع في جميع النواحي جانب السياره + واجهة السياره

لاكن الي مخربها الاسطبات الخلفيه والله اني ماقدرت اهظم الاسطبات الخلفيه حقتها ابدا ابدا

الفيوجن مشكلتها انها مطولة , ماراح تنزل الا على نهاية هالسنة , وسعر السياحي راح يكون مابين 77 الى 80 الف

اتفق معك بنقطة المحرك لكن هل يستاهل فرق 20 الف ؟
المازدا 66 والاكورد 86 !!

ادفع 20 الف عشان محرك فقط ؟ وفي المقابل راح اضحي بالجنوط ومواصفات السلامة المميزة ؟!!

واساساً الي عنده استعداد يشتري اكورد بـ86 الف للسياحي , يزيد شوي ويشتري مازدا فل اوبشن مكينة 2,5

وفيه كلام ان الحاج بينزل نص فل مكينتها 2,5 وسعرها تقريبا 76 الف , يعني اقل من قيمة الاكورد سياحي اشتري مازدا نص فل ومكينة كبيرة ومواصفات عديدة مع توفر المثبت في النص فل

فرق عشرين ألف عشان 400 cc فرق حدث العاقل بما يعقل بعدين مين أهم مواصفات السلامه أم مثبت السرعه المازدا السوح فيها مواصفات السلامه كامله وفيها جنوط 17 والاكورد الفل اربعه سلندر يجي عليها 17 والسوح طيس.
ارجع واقول انا معك كسوح والاكورد أفضل فقط عشان المحرك ولكن من ناحيه السعر المازدا هي أفضل صفقه وكسعر هي أفضل من والاكورد بكثير يعني لو الفرق بالكثير 8000 أقول خذ الاكورد لكن عشرين لا المازدا افضل.
أما بخصوص الفل فهي الأفضل بلا منازع على كل المنافسين بكل شي سعر مواصفات رساوه شكل ثبات قوه جوده المواد الداخليه طبعا اتكلم على الاربعه سلندر لأنه كقوه فيه منافسين يوفرون 6سلندر.

بالنسبة لي الفيوجن هي الافضل في فئتها و المازدا تجي بعد الفيوجن على طول :bigggrin:

*اقصد الشكل الجديد للفيوجن*

المازدا لعبتها صح
كل شي فيها ممتاز
سعر جودة مواصفات ويقال ايضاً الوكيل
ملاحظة السيارة مافيها نص فل فقط ستاندرد وفل اوبشن 66666 - 97000
ولو تتوفر بمحرك ستة سلندر حتكون نهاية المنافسين

وشكراً على الموضوع

المازدا ٦ تفوقت على المنافسين بسبب المواصفات والسعر وقوة المحرك اضافه الى الشكل الجميل جدا

ولكن انا اتمنا ان تسحب السياره من وكالة الحاج ويعطونها لوكيل يكون اكثر احترافيه وخبره لخدمة العملاء

مشكوور يا غالي ، تعجبني حياديتك بالطرح

بانتظار جديدك

انا اشوف مافيه مقارنه من ناحية السوح
لان في هالناحية الكامري والاكورد والسوناتا يتفوقون من ناحية سعة المحرك وهذا بحد ذاته يخليك تشيل مازدا سوح من راسك

لان اشوف السوح فيه تفوق للأكورد لان اهم ميزه وهي مثبت السرعه موجود .. الالتيما مادري عنها شيء بس اللي اعرفه ان السوح فقط سماعتين !

اما من ناحية الفل فاشوف المازدا تفوقت على شقيقاتها لكن انا ماعجبني فيها طولها يحسسك انها لفئة اعلى رغم ان الشركات في هذه الفئة تتنافس لتقليل الطول لسهولة التنقل داخل المدن

السلام عليكم ..

بغض النظر على اي شي تانية والمقارنة بالسيارات اليابانية الصنع فقط اشوف مواصفات سوبارو ليجاسي من قوة الماكينة البوكسر والدفع الرباعي المستمر وباقي المواصفات الاساسية للسيارة من 8 وسائد هوائية و ABS مثبت و انوار زينون وكاميرا خلفية مع شاشة وبلوتوث ومكيف خلفي وغيرها من المواصفات الاساسية التي تعتبر فل كامل عند بعض الوكالات مع العلم انها ويابانية 100 % اقول انها الافضل .:wink::wink:

ملاحظة : ماكينة اليجاسي 4 سلندر بقوة 2500 سي سي 167 حصان ماكينة بوكسر . :xyxthumbs:

تحياتي للجميع .