سيتروين vs c5 بيجو 508

الستروين ممتازه بس اهم شي المحافضه
انا كان عندي الموديل القديم وكان ممتاز راحه ورساوه
وعزل وكان موديله 2002 وكان على ايامه كامل المواصفات
وكان فيه 6ايرباق وفرامل اي بي اس وقير تيبترونك
ونظام هيدروليك واضاءه اتوماتيكيه اذا دخلت نفق او غبرت او ليلت
ومساحات اتو ماتيكيه تشتغل اذا مطرت وجهاز يشغل 6سديات
وزجاج مضلل على ذيك الايام ماكانت موجوده في اي سياره يابانيه
ولا البيجو ولكن الزين مايكمل بحكم عدم وجود وكيل في الجنوب كنت ارسلها لهم واخذ سياره بديله وتعاملهم ممتاز والاختيار لك اولا واخيرا

غريبة البيجو 120 الف فل كامل متأكد أخوي والا لا
لاني ماخذ الفل كامل ب114 من المتوكل ضمان 5 سنين مفتوح الكيلومترات

الستروين أعلى فخامة من البيجو مع أنها مملوكة لها كشركة. يعني مثل لينكون و فورد.. اللنكون أفخم.
سيارات سيتروين تعليقها هدروليك حتى الفئات الصغيرة (الفل كامل) بالإضافة إلى مزايا الرفاهية أكثر فيها.

لكن كتوفير قطع لدى الوكيل و كأسعار قطع غيار: أنصح بالبيجو. بس استغربت من زيادة السعر!
أنت رحت زرت المتوكل و شفت كم السعر عنده؟

و لو أنت في الرياض و احتجت شيء في الإصلاحات مستقبلاً علمني.. أقصد في السيارات الفرنسية.
أنصحك ما تعتمد على الوكيل نهائيًّا إذا انتهى الضمان أو إذا رفض يغطي لك إصلاح معين.

السلام عليكم

اولآ اقولك اخي الكريم مبروك مقدمآ لأي سيارة راح تشتريها و ذوقك ما شاء الله جميل و مميز

بالنسبة للc5 حصلت فيديو قصير فيه تجربة عنها قصيرة و خفيفة

http://www.youtube.com/watch?v=fASnznigcOE

طبعآ الفيديو بالانجلش

و خلاصة الفيديو:

السيارة شنطتها واسعة

السيارة واسعة من الداخل

السيارة عزلها ممتاز مع انه اخذها بدون العزل الي في الفل اوبشن

السيارة مريحة على الطريق

لم يعجبه توجيه السيارة

لم يعجبه القير

كبينة السيارة غير عملية و ازرارها معقدة

لا يوجد حامل اكواب الا تحت التكية

انا من ملاك البيجو 508 فل كامل اشتريتها 2012 كانت ب 112 الف وش جاهم زودوها 8 الاف !!
مشيت الى الان على السيارة 25 الف طلعاتي قليله من الدوام للبيت واذا عندي غرض رحت اشتريته ورجعت
المهم السيارة عملية وممتعه ورائعه وما اشتكيت من اي شي باستثناء حاملات الاكواب سيئة جدا مكانها غبي وحجمها اغبى
حتى عزم السيارة عاجبني مره

انا متأكد ان البيجو الفل بـ 120 الف .. من خلال زيارتي لفرعين

بالنسبه لأخوي سبيد لولا اختلاف الأذواق لبارت السلع .. انا الي جذبني بالسيتروين داخليتها الفخمه وحجمها الخارجي .. داخليتها فيها من الفخامه الألمانيه الكثير .. وانا سقت البيجو والسيتروين .. ارتحت للسيتروين اكثر والبيجو جدا رائعه برضو لكن انجذبت للـ c5 اكثر

الله يكتب الي فيه الخير للجميع .. واشكركم جميعاً

البيجو الفل مع الجنوط الكبيرة و نظام الامان ب 109 حسب ما اذكر مدري ايش شطحها ل 120 الف تاكد من السعر بفرع ثاني

سقت البيجو بصراحة حسيتها قاسية ع المطبات شوي و التيربو مهو عملي كثير

لكن الداخلية جدا جدا فخمة و تصمميها راقي عكس الستروين جدا بشعة خاصة الطارة

ارشح البيجو بحكم الوكيل افضل و شكلها افضل

مبروك مقدما

اخوي الباسات الجديدة اوسع من هالثنتين وسعر فلها 120 الف اذا ما تغيرت وشكل جديد وحلو نوعاً ما لكن بدون زنون. وشغلة الزنون والليد سهلة جدا وتتركب بسهولة.

البيجو في مكة بي 107 الف

الله يعطيكم العافيه شباب طمنتوني .. وبالنسبه لي انا محافظ على الصيانه ان شاء الله .. وان شاء الله اقتني الملكه الفرنسيه الـ c5

السيارتين خوات كلها مبنية على نفس القاعدة
ويشتركون في اشياء كثير

قد يميز البيجو وكيلها الحاج
لكني شخصيا افضل السيتروين كشكل واداء وحتى كسعر

في النهاية كل السيارتين رائعة
وغنية بالمواصفات مقابل سعر معقول


اتمنى لك التوفيق

قصدي الشكل بيتغير أما بالنسبة للتحمل تتحمل أكثر من الياباني بس حافظ ع الصيانة و ما راح تشتكي إطلاقا

^

اخوي انا بستعملها بالكثير 5 سنوات ونصف .. هل تشوفها تتحمل ؟
وهل انت تقصد تغيير الشكل ام اني بغير السياره ؟