مرحبا شباب ادري اني فجأه مدرعم بهالموضوع بس حبيت اشارككم احساسي (إخص يا ولد :a1120(86):)
ممكن افضفض شوي :blue:
انا احب نيسان وانفنتي واكهرههم في نفس الوقت
احب نيسان وانفنتي لانهم سيارات حلوه ومحركات جباااره واداء ومتعه في القياده نادر تحصلها في سيارات ثانيه وعليها جوده جباااره ومواصفات معقوله مقابل سعرها
واكره نيسان وانفنتي بسبب الوكيل ووضع الوكاله الحالي في السعوديه وعدم توفر قطع الغيار والصيانه ابو كلب والمكلفه من غير مبرر .. وتجاهل لرضى العميل وعدم إشباع رغباته النفسيه عند شراء احد هذه الماركات
الزبده اني حالياً مستحيل ادفع نص ريال في سياره من سيارات نيسان او انفنتي .. الى ان يتعدل الحال يعدلون مشكله المساعدات (تخيلو اغلب الشباب يشتكون من مساعدات سيارات نيسان وانفنتي ليش يعني احنا الحين دخلنا 2013 ونيسان مو راضيه تنزل سياره بنظام تعليق محترم
(مجرب الالتيما والارمادا والصني والاكس تريل كلهم مساعداتهم تتفقع بسرعه) يعني بدون مبالغة المساعد ما يتم معاك 40.000 كيلو إلا هو متهالك ورايح فيها والله حرام سياره بمبلغ وقدره وآخرتها جذي ليش ؟؟؟
بتقولون لي شوارع السعوديه مكسره .. اوكيه ماقلنا شي بس هذا سياره صديقي كامري وكارفها كرف ولا مره تفقعت عليه المساعداات ... وصديقي الثاني هوندا اكورد .. بسم الله ماشاء الله تقووول سياره المانيه مساعداتها فل فل ولا اصوات ولا شيء
والادهى ولد عمي عنده التيما 2010 سته سلندر قير اتوماتك .. كان ماشيه 55.000 كيلو .. كان ماشي فيها مع اهله من الدمام الى الاحساء وهو محاااافظ عليها ومواضب على الصيانه .. فجأه يقووول السياره بنص الطريق وهو داعس 120 وقفت عليه وطلعت لمبة المكينه وطفت السياره مو راضية تشتغل .. المهم شالها بسطحة ووداها ورشة محترمة.. وفحصوها وقالو له السياره مكينتها ودعت خلطت الماي بالزيت ... يا جماعه شلووون مكينه سياره جديده ومحافظين عليها يصير فيها جذي ليش السياره دافعين فيها 100.000 ريال يعني مو ببلاش والله حرام اللي يصير ( وابشركم الوكاله تبي مبلغ 30.000 ريال مكينه جديده) وطبعا مافي وكيل في المنطقة الشرقيه والضمان ما تدري شلون تاخذ حقك منهم ولا في قطع متوفره ولا شيء .... هذا غير مشاكل القير السي في تي والمكيفات الحاره اللي بالصيف ما تبرد (الارمادا والباترول والالتيما 2005)
واللي مو مصدقني على هالسالفه انا صبرو علي شوي بستأذن ولد عمي وبحط صور السياره مع الاوراق الفحص حق الوكاله .. بس يوافق ولد عمي
ما اقووول غير طز فيك يا نيسان وطز فيك يا كارلوس غصن على الوعود الكذابه بالجوده والاعتماديه
ماعليش شباب اعذروني على تلفظي بهالالفاظ بس والله من الحره اللي فيني .. لو تشوفون وجه ولد عمي وهو في الوكاله تقووول مصفووق بطابوقه والله يقطع القلب
وبس هذا اللي قاهرني وباط جبدي من عمر الدنيا
اتمنى الموضوع ما يتحول الى طاخ بوووم (انت قلت وفلان قال)
