السلام عليكم
حبيت يستفيد الاخوان في المنتدى من مشكلتي ولايخسروا الكثير لإصلاحها.
عندي ماركيز 2000 ومن سنتين بدأت المشكلة بتقطيع بسيط جدا مثل الاهتزاز على سرعة 40 وتختفي مع الدعس
ومع الاستخدام بدأت تزود الى حد لايطاق وتقطيع واضح على سرعات من 40 الى 100 ولاتزول الا بالدعس على الدواسة.
شيكت على الكويلات ماطلع شي
الحساسات والقير ماطلع شي
غيرت البواجي وفلتر البنزين ومانفع
دخلت على قوقل وبحثت ووجدت عدة اسباب من ضمنها وجود صدأ في السسته الموجودة في أعلى الكويل بسبب تهريب من الثلاجة او غيره.
طبعا الكهربائي يقول مافيه شيء واضح ، قلت له شيك على السسته لكل كويل
حصل 3 منها فيها صدأ والمشكلة ان السستة ماتجي لوحدها ولكن تشتري كويل كامل
حصلت عنده كويلات خربانة واخذ منهن السستة ورجع ماشاء الله صوت صافي ودعسته حلوة مافيها اي تقطيع .
طبعا سيارتي مع صاحبها الاول كان عنده تهريب في الثلاجة وغيرها جديدة وكانت تهرب على الكويلات .
أتمنى انكم استفدتم من التجربة .
