السلام عليكم ورحمة الله وبركاتة,,
حبيت اشاركم بتجربتي لل 650 2012 كونفورتبل (كشف) . السياره لها تقريبا 10 شهور معي. السياره فل كامل ماعدا الرؤيه الليليه.
مميزاتها راح اتكلم عن المكينه فقط لان المميزات الباقيه نفس الفئه السابعه والخامسه.
1- المكينه ماشاءالله قويه افضل تسارع لها كان 4,7 من احد المجلات الامريكيه
2- ثباتها عند السرعات العاليه
3- نظام السبورت فيها اذا شغلته يتغيير صوت السياره عند تغيير النمر وسرعة التغيير ايضا
4- ويأمكانك تدخل الفيس بوك والتويتر عن طريق الشاشه.
عيوبها:
1- السياره ماتنفع للدب او الطويل لانه اذا طفيت السياره الدركسون يرتفع شوي فتبقى مسافه بسيطه بين الدركسون والكرسي فيصعب الخروج والدخول.
2- القزازه الاماميه قصييره جدا
3- السياره زواياها صعبه شوي فعند الشراء حاول تاخد اللي فيها كميرات جانبيه
4- السياره مافيها تكايه جانبيه يعني مايمديك تسند يدك الا اذا ميلت جسمك شوي عشان توصلها.
5-السياره قاسيه جدا يعني احس سنه ويتفكك الديكور
6- العزل جدا سيئ طبعا السياره كشف قماش بس توقعت من بي ام افضل يعني لو يجي دباب جمبك كنك فاتح الشباك واذا ناس يسولفون بالشارع تسمعهم.
7- اي حفره تاكلها نسبه تحبيل الكفر 70٪ ( كفراتي رن فلات)
8- القزاز الامامي ضعييف جدا خبطت حصا فيه وانا على سرعه 80 وتشعر حصلتلي وحصلت لواحد من الشباب نفس نوع السياره.
9- مافيها سبير
هذي ملاحضاتي على السياره للحين صحيح عيوبها كثيره لان مميزاتها تغطي على عيوبها.
وكان ودي اجربلكم تسارع السياره وثباتها لاكني بأمريكا ولا اعرف مخطط او مكان فاضي.
هذا مقطع لتسارع السياره وجدته باليوتيوب
http://www.youtube.com/watch?v=NqgsqwRGk5w
اي اسأل عن السياره انا حاظر
