السلام عليكم ورحمة الله وبركاته
يا إخواني اسعد الله صباحكم ومسائكم بالخير والمسرات
اعرض لكم معاناتي بسيارتي الومينا موديل 2010
طبعا السيارة ما كنت اشتكي منها لمدة سنتين من شرائها بحيث انه قبل سنة صدمت فيها للوجه وتضررت الصدام والشاص تم التعديل وتكسرت كراسي المكينة والقير وغيرت وصلات ورجعت السيارة زي الحلاوة طبعا تكلفة الإصلاح مع قطع الغيار 9000 ريال كانت في ورشة الوفاء المشهورة بالرياض وبعدها وديتها للوكالة لاستكشاف من الخربات وافادوا لي بوجود مشاكل بالرديتر والمساعدات الأمامية وتربيط للسيارة والحمد لله السيارة كانت تمام ومرت سنة أخرى بعد إصلاح السيارة بالتمام
وكانت البداية وجود رجة بالمكينة عند التشغيل وأنا انصدمت جداً وطفيت السيارة وشغلتها ورجعت الرجة مع وجود لمبة المكينة وطفيتها للمرة الثانية وتم التشغيل للمرة الثالثة واختفت المشكلة شهر
ثم حصلت لي مشكلة جديدة وهي عند النمرة الرابعة تأتي طقة بالقير كأن واحد صادمني من الخلف وتتغير صوت السيارة بشيء بسيط وعند التهديية وأبدا من جديد تأتي النمرات الثاني والثالث والرابع نفس الطقة بالغيار الرابع
وعندما تأتيني المشكلة هذي اضطر إلى إيقاف السيارة وأطفيها والانتظار دقيقتين او ثلاث وأعيد تشغيل المحرك تختفي المشكلة أبداً وتغيرات القير تأتي سليمة جداً
بحيث أن المشكلة تبدأ أحيانا من النمرة الرابعة
وذهبت إلى ورشة لفحص السيارة بالكمبيوتر وكانت الاكواد بفحص السيارة
P700. P717
وكان رد المهندس لي بان القير يحتاج إلى توضيب وتناقشت معه بالسبب وأريد ترجمة الاكواد وحل المشكلة فكان الرد استفزازي جداً يقول هذي مشكلة داخل القير انت ما تعرفها ولا بتفهمها وأنا بصلح لك القير 4500 وأعطيك عليها ضمان 6 شهور قلت وقطع الغيار أصلية انا بجيبها وانت ركبها قال لا انا قطعي مضمونة وأمريكية وضمان 6 شهور انا ما ارتحت له وخرجت ومعي تقرير الفحص
ومن ورشة لورشة اللي يقول فلف البدي (مخ القير) واللي يقول توضيب واللي يقول كلام كثير فقلت انا اشتري راسي وبروح للوكالة وأخذ الرأي منهم وبشوف الجميح اللي بطريق خريص
فكان الرد أن القير يحتاج إلى تغير كامل والكمبيوتر أيضاً فسألته عن السعر بان التكلفة الإجمالية 25000 ألف ريال فرفضت واستلمت السيارة
وذهبت بالتقرير عند مهندس أمين جدا من الجنسية السورية ومتخصص بمشاكل القير للسيارات الأمريكية وعند ترجمته للاكواد كانت p700 بوجود مشكلة بكومبيوتر السيارة وتحتاج أما إلى البرمجة او التغير
وP717 بوجود مشاكل في الظفائر الخارجية والداخلية من والى الكمبيوتر
اقتنعت كثير بكلامه بحكم انه متخصص ولكن يقولي انا ما اضمن لك اذا المشكلة بتختفي او لا
وأخذت إجازة شهر للتفرغ لمشكلة السيارة ابتداء من السبت 4/20
ونزلت من الرياض لجدة بسيارتي فجربت السيارة بالخط بدون أية مشاكل بحيث أني وصلتها للفصلة 224ك قولو ما شاء الله
طبعا والله عجزت في كثر الكلام من حساس القير او فلف البدي او توضيب القير وقريت كثير بالنت
كانت الورش تقول توضيب والوكالة تغير القير والكمبيوتر والورشة الأخيرة بتغير الكمبيوتر او برمجتها والتأكد من الظفائر
اللي اطلبه منكم يالمختصين يالمهندسين أن الشغلة بسيطة جداً في إصلاح المشكلة وبالذات مع وجود الاكواد بانها حددت أساس المشكلة
انا حاليا بجدة عند أهلي وأتمنى من الله ثم منكم مساعدتي في حل المشكلة
تحياتي لكم في انتظار الردود
