و عليكم السلام و رحمة الله و بركاته
المكينة الاستخدام ياباني ما بتشوفها أقل من 3000 ريال , و أكلمك على موديل 2000 كربريتر!! هذا أولاً.
و ثانيًا حتى لو قالوا لك ممشى قليل , ليش ما تجدد المكينة و تصير مثل الجديد زيرو.. يعني شيء مضمون. أحسن من محرك لا تعلم خفاياه و ما تدري كم يعيش معك. لأنه مو بالضرورة أنك لما تأخذ مكينة مثلاً ماشية 80 ألف كم يعني أنها بتكمل معك الـ 400 ألف كم! يمكن الي استخدمها جايب العيد. و كون الي استخدمها شخص ياباني فهذا لا يعني التزكية.
أكلمك هذا الكلام لأني من قريب موضب مكينة لانسر 2000 , تفرق عن الي معك بأني الي عندي كربريتر و الي معك بخاخات فقط. يعني لفيت على المستعمل و بالنهاية وضبت و الحمد لله الشغل تمام.
كلفني التوضيب بالتمام 3000 ريال شامل كل شيء حتى المخرطة و شغل اليد. و القطع جبتها ياباني زي الأصلي باستثناء:
السبايك المتحركة + السبايك الثابتة + الشنابر
هذول جبتهم أصلي علشان أريح بالي. يعني لو أنهم ياباني بتنزل التكلفة أقل شيء 600 ريال :xyxthumbs: لا تشيل هم توضيب اللانسر.
و للعلم: البساتن الي بتشوفها تجاري ياباني تراها نفسها الي يستخدمها المصنع على أنها أصلي! لأن أي شركة سيارات تلجأ إلى شركات تصنيع قطع , و تبيعك القطع بكرتوة الوكالة بسعر مضاعف!! وش فت هالشيء بنفسي. يعني على ذلك البساتن اعتبرها أًصلي , و بثلث السعر :xyxthumbs:
طرمبة الزيت جبتها تايواني 340 ريال لأن الأصلي غالي و أخوي (صاحب السيارة) ما رغب بزادة التكلفة. الأصلية بـ 800 ريال. و لو أنا صاحب القرار كان جبتها.. فقط الطرمبة هي الي غالية.
لو بتجيب كل شيء أصلي فقط , ستزيد تكلفة التوضيب حوالي 1000 إلى 1500 ريال بالكثير.
أجرة اليد: أنا أعرف واحد في الصناعية القديمة أخذ 600 ريال , طبعًا لأني أعرفه. ولا العادة 800 أو 1000 ريال.
و المخرطة:
250 ريال خرط سلندر + كبس بساتن.
ترا التكلفة الي قلتها لك 3000 شاملة كل هذا , يعني النهائية. علمًا أني كسبتها الحمد لله و غيرت أشياء كثيييييييير طالما المكينة مفكوكة. و لو بغيت أذكر لك القطع بالتفصيل.
