بالصور محتار بين 3 سيارات عائليه .. فزعتكم ياشباب

انا ارشح الاكسبيدشن وبقوة لانها اقل سعرا من التاهو والبرادو
وايضا عملية جدا واكثر راحة من التويوتا وايضا وسعة
والاختيار لك

تاهو وانت مغممض يارجل


والبارادوا بررى القاائمة ولايقارن بهذي الفئة من السيارات


يقارن مع البليزر من شفر والاكسبلور من فورد

أخي الحبيب أكلم من واقع تجربة ..

التاهو حلو وممتاز وراح يريحك في أمور منها كاميرا +حساسات + تشغيل عن بعد+وبخصوص القطع منتشرة وأسعارها معقوله لكن يعيبه ضيق عند موضع الأقدام (وانت بكرامه )بالمرتبه الثالثة ..

الاكسبديشن القصير لا يقل كفاءة عن التاهو وميزته وسعه من الداخل ..


ولا تنسى الاستخاره (( والله يختارلك الخيرة الطيبة ))

الاكستبيشن افضل من ناحية قطع الغيار وينافس التاهو من النواحي الاخرى وبنسبه لي لو افكر في امريكي عائلي الاكبديشن افضل وولمعلوميه ترى التاهو 2007 يختلف عن موديل 2008 في اسعار القطع جداااا مرتفعه وبنهاية اليابني يبقى اعتماديه اعلى من الامريكي

مع انها صاحب الموضع شكله اشتراء السياره واحنا للحين نقول ونكتب ونتناقش :rolleyes1:

اكسبدشن ... ومبرووك مقدما .. وعليك بالاستخارة اولا

تاهو سعرها مبالغ فيه، اكسبدشن ممتاز وسعره حلو لكن كبير جداً
برادو قوة وتحمل ولا تنسى انه تويوتا وسعره يمسك ومادام مزانيتك 150
تقدر تاخذ برادو 6 سلندر، برادو يعيش

ياليبت توضح كيف اداء التاهو افضل من الإكسبديشن على أي اساس

1. فورد اكسبديشين ( سعر معقول ، آداء عادي).

2. شفروليت تاهو ( سعر غالي، آداء افضل من اكسبديشين).

3. تويوتا برادو ( سعر غالي جداً ، ضيق، بودي ضعيف) .

[COLOR=DarkRed] برادو 6 سلندر[/COLOR]

ارشحلك التاهو و على البركة مقدما..

الله يحفظهم لك يارب

تم التصويت للتآهو ماشاء الله شكل حلو داخليا وخارجيا بس وش رآيك بالأسود والله أكشخ من الفضي وآرسم بعد :smile:

خليك مع الشفر ... تصلحها في اقرب بقاله وقطعها تنباع جمب فصفص الحجه خخخخخ

موفق يالغالي :) ... ولا تنسى الاستخاره

أنا رشحت الاكسبيدشن ..
لمعلومية مع ان عندنا تاهو 2011 لكن بالنسبة لي قلت الاكسبيدشن لأنه :
الراحة اتوقع كلهم زي بعض
السعر = اكسبيدشن ، لأنه ب 150 الف اتوقع يجيب لك الفل اذا ماني وأهم ومواصفاته أطلق من الltz بدال م تأخذ لك تاهو سوح
الشكل = الاكسبيدشن ،مع الجنط الجديد ( المكحل ) والله الاستاندر صار احلى من التاهو الفل ( وجهة نظر ) فمابالك بالفل منه
المساحة الداخلية = الاكسبيدشن ( للمعلومية الاكسبيدشن و وجه الخ****/ السيكويا أكبر من باقي الاس يو فيز ) و فيه حركة حلوة بالاكسبيدشن انه صف المقاعد الثالث يتصفط تماما يصير من الأرضية ، وهذي ميزة بتنفعك لانك تقول عددكم خمسة فيعني م بتستخدمونها ف بالتالي بتنفعك في التحميل والشيل والحط
الصيانة و قطع الغيار والاعتمادية = عاد أنت معك فيكتوريا و تعرف الفورد زين ، وبالنسبة لي بعد حتى أنا معي فيكتوريا و صراحة الفورد في الاعتمادية ورخص قطع الغيار شيء لا يصدق وأنت أعرف بذا الشيء .
سعر اعادة البيع = اتوقع التاهو لانك تعرف سوق المستعمل والشريطية يقوم على الاسم ولا غير الاسم .

أخيرا ... هذا اللي عندي بكل حيادية وعن تجربة و هذا الكلام مو استنقاص بالشفر لأ والله انه وحش لكن م يتفوق على الاكسبيدشن ف اللي قلته .

انا امتلك اكسبدشن اولا المساحه الداخليه اكبر من التلاهو واريح واما العزل ممتاز والرساوه ممتاز بس فيه نقطه جوا البلد قاسي شوي عكس التاهو وها الشي يخليه ارسا بالطرق السريعه
واللع يوفقك ويرزقك من واسع فضله

نسيت ...

الان عروض رمضان على الاكسبديشن ...

ابتداء من 109.900 ريال ...

انا انصح اكسبديشن ...

سيارة اعتمادية بدرجة اولى ...

أخوي تم التصويت للتاهو

مع العلم وإحذر من هذا ..!

الإمريكي بصفه عامه ليس عملي بحت وتثق فيه ..

لابد من إنك تسوي من فتره لفتره تشييك حتى لو أنت تسويه بنفسك .. يكون على كل شي إستهلاكي ..

لا تثق بصيانة الوكاله لأنهم نسبيا ( لا يعملون الصيانه بشكل حاد .. بل إنهم --> ما يفهمون بعض الأحيان )

التاهو عائلي أكبر يتحمل أكبر من السيارات الأخرى مع إنه أمريكي والإكسبدشن كذلك كويس .. ولكن ما أنصحك به ...

التاهو كشكل أحسن .. وكمتانه أحسن .. ومريح أكثر بالخط ..

ونصيحه إنك تاخذ كامل المواصفات .. وهذا فقط لأكثر متعه .. لأن بيني وبينك ما فيه إلا الجلد والشاشه هههههههه

كمل عليه وريح راسك ..

وبالتوفيق

أشوفك وضعت البرادو كخيار وانت من كلامك مالك في البر !!
الخيارين الاخرين انسب لك وبالذات موضوع السعة والراحة
اما العملية فإذا استخدامك عاقل للسيارة فكلها عملية
واذا حار على السيارة وتطنش صيانتها .. ارجع للبرادو يمكن اصبر

وبالتوفيق