قناة السيارات
بسم الله الرحمن الرحيم
اتمنى من اصحاب الخبره في السيارات الكوريه يفيدنا عن هالشركه
اسمها سانج يونج والسياره ريكستون يقولون محركها والقير من مرسيدس
ابي اعرف هل احد جربها يعلمنا بالنقاط الثلاثه هذي
1- اعتماديتها
2- قوة المحرك هل هو مناسب
3- عزلها الصوتي وصوت المحرك في السرعات العاليه
وهذي صور للسياره المذكوره
السلام عليكم ورحمة الله
والله ياخي السيارة عال العال عند احد نسايبي من 2010
1- اعتماديتها ( اعتمادية لدرجة كبيرة استخدام يومي وسافرنا فيها اماكن بعيدة ماشاء الله تماام وفوق التمام )
2- قوة المحرك ( المحرك صناعة المانية من شركة مرسيدس مو صناعة كورية ومحركات مرسيدس ماعليها كلام يالطيب والمحرك تماام )
3- عزلها الصوتي وصوت المحرك في السرعات العاليه
( والله ياخي انا جربتها في سفرة وحده وارتحت اليها واجد ماشاء الله عليها وفخمه ومريحه ورفيعه وعزلها الصوتي تماام .. والمحرك هاادي )
السلام عليكم
السيارة كسيارة جيدة المشكلة في الوكيل وخدمات مابعد البيع
الوكيل في السعودية جديد بعد عدم وجود وكيل لمده سنتين وفروعة الحالية تعد على الاصابع على مستوى المملكة
محركات اليسارة من مرسدس لكنها كلها بقنيات قديمة من موديلات ال80 و 90 ميلادي
قطع الغيار غير متوفرة بسهولة وكذلك مراكز الصيانة في الشرقية كلها لايوجد سوى مركز صيانة سريعة
احد الاخوان في المنتدى خبطت عليه السيارة وهي موديل 2009 ومن رمضان وهي في الوكالة ( ارسلت من الدمام الي الرياض لعدم وجود فننين في الشرقية لحل المشكلة ) وطالبين منه اكثر من 8 الاف ريال والسيارة لازالت
عطلانه
بخلاف ذلك ارى ان سعرها مرتفع بدون ان تستحق (بناء على ماذكرت )
السيارة موجودة في السعودية من اكثر من 15 سنة ومرت على 4 وكلاء ويمر الشهر والشهرين ولا ترى واحدة في الشارع
في زيارتي الماضية الي كوريا عام 2009 رايت انتشارها هناك بشكل كبير خاصة البيك اب
في زيارتي هذا العام رايتها شبه مختفية عن الشوارع الكورية
نصيحة اخوية ان تبحث عن سيارة اخرى
في الختام انصحك بالاستخارة
بالتوفيق
المشاركة الأصلية كتبت بواسطة Blue Bird
الله يعطيك العافيه اخوي
والله ياصالح انت جبت النقطه اللي انا خايف منها (توفر قطع الغيار ومراكز الصيانه)
وكلمت الشركه قالو فيه اكثر من مركز للصيانه راح يتم افتتاحه قريب
باقي النقطه الاهم وهي السعر انا ماحدني على هالنوع من السيارات الا قل السيوله
وللاسف سعرها مرتفع لكن الخيارات الاخرى سعرها اعلى والحيره زادت اكثر
مثل ماذكرت المشكلة في توفر قطع الغيار ومراكز الصيانة يعني تخيل لو تطلع عن المدن الرئيسية لو 100 كيلو راح تفقد اي تواصل مع الصيانة وقطع الغيار
وكلمه راح نفتح هذي سمعناها من شركات اكبر منها ومانفذتها الا بعد سنين طويله
اقترح عليك الموهافي من كيا او الباجيرو سبورت من متسوبيشي كلها اسعارها اقل من 100 الف ريال
^^^
الله يبيض وجهك ياصالح شورك على العين والراس
الباجيرو سبورت ماعليه كلام لكن فقير من ناحية المواصفات
لذلك بشوف الموهافي ولو اني ماعتبر الموهافي جيب لكن الشكوى لله
الموهافي سياره ممتازه ومحركها ٣.٨ نفس محرك الجنيسيس ودفع خلفي اساسي بقوه ٢٩٠ حصان وهذي من المواصفات الاساسيه للجيب
كذلك واسعه من الداخل حتى الصف الثالث ومكيفها جيد
لي تجربتين مصورتين للموهافى اول نزوله لل٦ و ال٨ اسطوانات
ولا تنسى الاستخاره
بالتوفيق
رد مع اقتباس