إذا ولعت النور تنطفي إضاءة لوحة التحكم - لكزس 2003

.يا ابو تركي اتمنى انك تكلمني ضروري جدا جدا جدا

السلام عليكم . الحمد لله وربي يجعله اخر لاعطال . في الوكاله قالو انهم سوف يغيرون العدادات صح ؟ الباين انهم وصلو للمشكله . المهم لان طيب فيك . واسف جدا لاني لم اقدر علي مساعدتك .

مبروووووووووك. أخيرًا حليتها. لا حل مع اليأس
تقييم ممتاز للإفادة و لمحاولتك المفيدة.
وفقك الله


و هذه العبرة و أنا خوك
و قد قلتها.. لأني مجرب نفس الحكاية يوم كنت أبدل لمبات الساعة (شاشة صغيرة) لسيارتي قمت حرقت الشاشة كلها هههههههه . الله يعوض , و نفس الفكرة للعدادات أو أي شيء.

مشكلتك في الزر اللي يخفض النور ويعليه روح كهربائي كويس وخله يغيرلك المجموعة

السلام عليكم . هل زر تحكم الرفع وخفض قوت لاناره يتحكم في هده لاناره ايضا .. ادا كان الجواب نعم . اريد ان اخبرك بان هدا الزر في اغلب السيارات لا يتحكم في لاناره من السلك الموجب الحي بل يتحكم فيها من خلال السلك السالب . المهم اعتقد بان المشكله موجوده في الضفيره القادمه لهدا المفتاح .... المهم لان انساء كل الكلام الي فات . وركز معي الموضوع ان شاء الله سهل . اولا انزع المفتاح وتتبع الظفيره القاده لهدا المفتاح وهي تتكون من تلات اسلاك سلك موجب يشغل للمبه الموجوده داخل المفتا ح وسلك سالب وسلك اخر يخرج من المفتاح تم يتفرع الي لوحت العدادات ولاضواء موضوع المشكله كل معليك الان البحت علي التفرع سوف تجد المشكله في التفرع بالضبط .. ادا كان الموضوع صعب عليك ادهب الي اي كهرابائي واخبره بان المشكله في السلك الخارج من هدا المفتاح واخبره لكي يبحت عن مكان التفرع .. المهم عمل هدا المفتاح يتم عبر مقاومه متغيره موجوده داخل المفتاح وهي تتحكم في التيار السالب وليس الموجب انا لان شبه متاكد من وجود المشكله في التفرع الداهب نحو لوحت العدادات ولاخر وهوا المفصول .

السلام عليكم هده القطعه الباين عليها معقده اول كلمه كمبيوتر وفيها كلمت لمب لا اعتقد ان متل هده القطعه معرضه للضرر بسهوله خصوصا مع التقنيه اليابانيه .. اخوي قبل اسبوع صلحت سياره نوع داو استراد اوروبا انارت الفرامل لا تشتغل فتشت علي الخلل من خلال لون لاسلاك الي ان وصلت الي فيش تحت الطبلوه امام السائق فيه 14 سلك ولما نزعت عنه الشريط للاصق وسحبت منه الوصله وجدتا تتكون من سته اسلاك تخص الفرامل و8 لا ادري اي شي تتبع المهم اتكشفت مكان الفصل وكان السبب اضافت لمبه للصطب الموضوع في وسط السياره قوتها 21 واط ادت الي الفصل في هدا الفيش .. ادا قدرت تبحت عن هدا النوع من الفيشات وتجده مجمع اسلاك وهوا عباره عن وصله اي فيشه وادخل فيها قطعه معدنيه بها اسنان تقوم بالوصل بين صفي الفيش علي حسب الطلب .., ابدا براس الخيط لهده المشكله وهوا معرفت لون وسمك السلك الدي يشغل هده لاضواء . المشكله لاتوجد سيارت لكزس قريبه اكشف عليها .. ادا فيه تشليح قريب منك تستطيع الدهاب اليه ويمكنك هناك فحص سياره نفس سيارتك . لست ادري ادا اصحاب التشليح يسمحون بدلك .

شوف اخوي عبدالله

الوكالة لو تبي تصلحها تصلحها بس يبغون يطلعون منك فلوس باي طريقة

السلام عليكم كيف هدوم وكاله مش عارفين يصلحو خلل بسيط .. اخي الصندوق لاخضر الصغير هدا الي انت جبت صورته ممكن جدا يكون فيه العطل لاني واجهتني مشكله قريبه من مشكلت مع مازدا 626 وجدت فصل في الخريطه داخل بكس مشابه لهدا البكس .. يمكن تجرب اولا اعرف مكان هده القطعه في السياره تم انزع عنه الفيشه وشغل لاضواء ادا انطفات كل لاضواء داخل السياره فاعتقد انه سيكون السبب . بعدين افتح هدا الصندوق وانظر للخريطه سوف تجد احد التوصيلات مقطوعه . ليس بالضروره .. في حال نزعت الفيشه وظلت لاضواء شغاله لا اعتقد انه السبب .. المهم بالتاكيد وجود قطعه مشابهه للموجوده في المازدا

و الله يا أخ عبدالله ابوتركي حكايتك حكاية. الوكلاء يا سيدي الكريم ليسوا مرجعية معصومة فقط علشان اسمهم وكلاء!
و أنا قايل لك من أول أن شغلة التعامل مع الالتماسات بالذات مو بسيطة. و هذا الي أنت شفته في الوكالة نوع من التهرب -بنظري- و الله أعلم. الي يعرف يتعامل مع الظفاير هم فقط المتمكنين جيدًا و ليس أي كهربائي.
أعانك الله. أيحانًا الواحد يبقى مواجه مشكلة سنتين و هو يسأل عن ورشات موثوقة بعدين ربك يفرجها و يوصل للحل عند كهربائي ربك موسع عليه بالعلم. يبغالك الصبر و الدعاء.
استمر في إيجاد كهربائيين أكفياء و ما لك إلا كذا , و لا تيأس. كل مشكلة و لها حل.

السلام عليكم


وديت السيارة يوم السبت وكالة لكزس الرئيسية في طريق المدينة ( جدة )
وقالوا لازم كشف 500 ريال ونحدد المشكلة ، طبعا ما كشفوا على السيارة الا يوم الاحد يعني يوم راح بالفاضي المهم يوم الاحد اتصلوا علي وقالوا خلاص المشكلة عندك من قطعة اسمها كنترول لايت خاصة بالاضاءة الداخلية ولازم تتغير وسعرها اكثر من 1000 ريال قلت خلاص الشكوى على الله ايش نسوي غيروها ، قالوا خلاص نطلبها من مستودع الخمرة وبكرة تجي ونركبها ، انتظرت يوم الاثنين يدقوا علي وللاسف ما عندك احد قلت خلاص خليهم يشتغلوا براحتهم

اليوم رحت لهم الصباح الساعة 9 ولقيت موظف الاستقبال اللي استلم السيارة
قال لي الحمد لله طلعت المشكلة من افياش الظفيرة صلحناها وخلاص وما يحتاج نغير قطعة التحكم انا انبسطت قلت له ابي اشوفها قال مافيش مشكلة
دخلنا للصيانة ولقيت السيارة مفكك طبلونها من الاسفل واثنين فنيين شغالين عليها ، قلت ابي اجرب النور ، وعلى طول ولعت النور واشتغلت الاضاءة الداخلية بس حسيت الاضاءة قوية ، مدري كيف طرى على بالي قلت اجرب زر تخفيض الاضاءة ، المهم ارفع الزر وانزله والاضاءة زي ما هي ما فيه تغيير قلت ليه ماتنخفض الاضاءة قال هي كذا ماتنخفض بس العدادات اللي تنخفض قلت له على مين ياهامان
والله ماتمشي علي ( طبعا انا فهمت الشغلة واكيد وصلوا سلك مباشر من الافيوزات على اللمبات مباشرة بدون المرور على تحكم تخفيض ورفع الاضاءة )
بعدين قالوا خلاص هذي مو مشكلة وبنصلحها اهم شي انها ولعت ، رحت من عندهم وانا شارط عليهم لازم زر تخفيض الاضاءة يعمل قالوا خلاص ان شاء الله تخلص اليوم او بكرة الصباح

الساعة 2 اتصلوا علي وقالوا لي كلام جديد ( امحق وكالة كل شوي كلام )
المهم قالوا عدادات الطبلون لازم تتغير لانه هو اللي يتحكم بهذه الاضاءة
لا وشوفوا سعره كم ! 3800 ريال
انا الكلام ما دخل مزاجي نهائي ايش دخل العدادات وهي شغالة زي الحلاوة
صراحة رفعوا ضغطي المهم على طول رحت الوكالة وفورا على مدير الصيانة
( سوري )
وافهمه الموضوع كامل شوي نادى المهندس اللي كان شغال في السيارة
ومعه واحد ثاني قال ايش المشكلة وقعد يتناقش معهم ويبربر بالانجليزي ومرة بالعربي حسيت الادمي مو مقتنع بكلامهم لدرجة ان هو قال ايش دخل الطبلون باضاءة المسجل ، بعد شوي غير كلامه وقال لي قدامك حلين اما نوصل لها سلك مباشر بس ما تتحكم بدرجة النور وهذه مانضمنها ( قلت لكم امحق وكالة ) او تغير طبلون العدادات كامل ومستعد اعطيك خصم 20 % ونجربها قدامك واذا فيها شي احنا نتحمل المسؤلية

ماعجبني الكلام وفوق هذا المبلغ كبير على موضوع سخيف اضف على هذا اني
ماني مقتنع بالموضوع كله ، شوي طال الكلام مني وبدات اعصب خصوصا اني بادفع 500 ريال كشفية قال المدير خلاص مانبغى منك شي ان حبيت تصلح عندنا حياك

والله قعدت افكر شوي واقتنعت تماما ان ماعندهم سالفة قلت لهم طبقوا السيارة زي ماكانت واي مشكلة انتم مسؤلين عنها قالوا خلاص ابشر ، بعد نص ساعة اخذت سيارتي ومشيت


وهذي كل الحكاية


اتمنى تفيدوني ايش السواة



تحياتي لكم

السلام عليكم مع اني اعتقد ان المشكله اما في سلك سالب اما في فيوز لكن ننظر الحل

اخواني رأيكم في هذا الرد من احد الاخوان الله يجزاه خير
في منتدى مجاور




يقول غير هذه القطعه وتنحل المشكلة

اليوم رحت صيانة لكزس الاتحاد في شارع حراء (متخصصين لكزس)
قال لي المعلم ابو علاء هذي مشكلة ماس وان شاء الله بعد الظهر تخلص
طبعا وديت السيارة 9:30 المهم شرحت له المشكلة بالتفصيل وقال ان شاء الله تنحل
جيت بعد العصر لقيت الرجال متغير لونه يقول غريبة هذه المشكلة
ماخليت سلك الا وفحصته شيكت على الظفيرة وما فيها شي !
جربنا اللي يخفض النور من سيارة ثانية ولم تحل المشكلة
الرجال احتار وفي النهاية قال مالها عندي حل وحسب علمه المشكلة في السلك البارد
ما يوصل كهربه
( وصل سلك مباشرة من الافيوزات وولعت اللمبات ) بس المشكلة لا يمكن
التحكم في خفض الاضاءة وطبعا هذي ستسبب مشكلة فيما بعد
اخر حل يوم السبت عندي موعد مع الوكالة في طريق المدينة
وان شاء الله اوافيكم بالنتائج
تحياتي

ممكن الكهربائية مشغولين ويشفون فيها مشكلة بسيطة. أخي أنا لم أكشف على لكزس من قبل. مثلا هل سلك هذه الأضواء يمر على مفتاح الأنوار التي قمت بإصلاحها تم يتفرع لبقية الأضواء؟ ربما يكون المشكل في وصلة التوزيع , و هذه الوصلة تتعرف عليها بعد أن تعرف لون و سمك السلك الذي يسري عبره التيار لهذه الأنوار.
بعد ذلك ابحت عن مجمع أسلاك يكون فيها نفس السلك و هي علي شكل مستطيل تجده و قد لف عليه شريط لاصق من المصنع , وهي وصلة عادية عملها مجمع أسلاك.

اشكركم اخواني على السؤال
وجزاكم الله كل خير

قمت بتجربة كل الحلول المذكورة وايضا لفيت جدة كلها
واغلب الكهربائيين ليس لديهم علم بالمشكلة والبعض
يقول سأوصل سلك مباشرة حتى تعمل الاضاءة !
يعني حلول أي كلام

على العموم ليس لدي الا الوكالة غدا او بعد غد

وساذكر الحل هنا


تحياتي لكم