وش افضل السيارات من ناحية الراحة والرساوة في الطريق

الف شكر لكم
اخترت سيارتين فورد ماركيز - ولنكن

ايهم ياشباب افضل ؟

مارسيدس
كابريس
افالون
فورد كراون فيكتوريا - لنكون تاون كار

اخوي انصحك بالتاون كار لاكثر من سبب وهي
١- قطع غيارها الميكانيكيه نفس الفكتوريا
٢- الانضمه الي فيها والعزل والثبات افضل من الفكتوريا
٣- راح تحصل موديلات جديده بسعر حلو

والله بدون تحيز بس الكابريس مريح جدا بالطريق ما عدا المرسيدس ما عندي معلومات عنه يعني ممكن ان يكون ارسى واريح من الكابريس

الكراون فكتوريا والقراند ماركيز سيارة مناسبة ومن تجربة
سهولة الصيانة
توفر قطع الغيار
سعرها مناسب
الراحة جدا مريحة ، ممكن في موديل 2005 وفوق صارت قاسية شوي لكن أثبت مع الطريق

بالنسبة للرساوة مقبولة ولكن ليست ممتازة ، ممكن اذا فيها مانع الانزلاق ويسمونه احيانا TC)TRACTION CONTROL) لكن لا اعلم بالضبط من موديل كم أضافوا هذي الميزة . احتمال من 2006 وطالع

انصحك فيها بشدة وبأمانة لكن تأكد انها نظيفة وممشى معقول على موديلها .

اللنكون تاون كار ممتازة لكن بعض القطع غالية وسيارة فخمة تحتاج الى عناية اكثر لذلك استبعدها اذا كنت تبحث عن سيارة عملية.

عزيزي من ناحية الامان والثبات المرسيدس افضل..ايضآ مقاعد المرسيدس مريحه لكن ماهي زي التاون كار.بسبب انه مقاعد المرسيدس طبيه...

شوف انا معي لومينا 2006 .. بصراحة موتر مريحني .. شكل خارجي وداخلي وقطع غيار متوسطة السعر ..

لكن لو انك كنت تاكل مطبات كثير وما يهمك تغيير الزيت وكذا . لا تاخذ لا كابرس ولا لومينا

ومن بين القائمة انا ارشح لك كراون فكتوريا :)

الموديلات من 2006 وتحت الى 2000