رائكم في Audi A6 ,2012 ?

[dodo1407]

السلام عليكم شباب هذا المنتدى الي عسسى الله يجعله بداية انطلاقي في (السيارات الالمانية) ,وانا مثل ما تشوفون (عضو جديد) وجآآي استشيركم في السيارات الالمانيه وبـ Audi A6 على وجه الخصوص ,,وانا ميزانيتي 165 الف الي مخصصها للموتر ولقيت A6 موديل 2012 بهالسعر وسعة المحرك 2.8 سؤالي اقصد اسئلتي هي :

1- هل اختياري موفق لاني سمعت ان صيانة الاودي تكلف وانا معتمد كل الاعتماد على الراتب ×(نو آعمال حره ) ؟
2- هل فيه تمديد للضمان لو انتهى وللصيانة المجانية من شركة ساماكو بمقابل مادي واذا كان فيه كم المبلغ ,؟؟
3- قالو لي اشخاص بهالسعر تقدر تشتري كرايسلر 8 سلندر ولكن انا من عشاق ماركة اودي ومتخوف من هالشي ,هل الكرايسلر C300 افضل من الاودي A6 ?
4- صصجتنآ mbc بآعلان عن سيارة كورية KIA Quoris ورحت للجبر وشفتهآ وآعجبتني ولكن هل الكوريس بتلبي كل الي احتاجه وبحصله في السيارات الالمانيه (راحه/عمر مكينة/تقنية/فخامه..الخ) ؟؟؟

وشآآآككر ومقدر لكم ي آخوان ,~

[dodo1407]

^ ^


16 مشآهدة ولآ رد '

[vis]

لو كنت مكانك باخذ الأودي [ كـ أسم شركة أولا ] .. و كـقنآعه ان الكيآ والكلايزلر ما راح يتفوقون عليها ..

تكفلت الصيانه تعتمد على دخلك ! يعني شخص دخله 10000 يمكن يقولك غاليه صيانتها علي بنما شخص دخله 25 الف يقولك رخيصه ! [ انصحك مر على قطع الغيار للسياره في الوكاله واسأل عن قطع الغيار الدوريه وقارنها بميزانيتك الشهريه ] .. واحكم بنفسك وخلك من كلام النآس ..

كـ ترتيب السيارات ..
- أودي
- كلآيزلر
- كيا

وعلى فكرة كل الثلاث سيارات حسب ما اعرف ما يمسكون سعرهم !

والله يعينك ويكتب لك الخير .. والف مبروك مقدما ..

[dodo1407]

تسسلم واالله ي آخوي vis وبارك آلله فيك وانا مثل ما قلت عاشق لهالماركة
ولكن خوفي هالعشق يصدمني في ارض الواقع ,,لآني يمكن بعد فترة (سنتين او اكثر)
ابيع الموتر ومآبي سسعره يطيح وآآآجد وفي نفس الوقت ابي الفخامه والتميز
ويآ ليت احصل في ذا المنتدى من ينصحني ب موتر الماني بالقيمة الي معي ويكون سعر بيعه جيد ولآ ننسى الفخامه ,~

[راعي الكراون]

والله ياعزيزي من رأيي تبعد عن الأودي خاصه انه تبغاها لفتره معينه...والاسباب هي

سياره صيانتها صعبه وكثرة اعطالها وفوق كدا يطيح سعرها وقت البيع

طبعآ انا اتكلم عن تجربه لأودي a8 2009 2.8 جديده لسا ماشيه 2500كيلو وشفت عليها بعض الملاحظات...العزل مو بالدرجه المطلوبه..عزل المرسدس افضل..سياره حساسه جدآ..يعني السياره كانت لسا تمرين وكنت اشوف منها تفتفه اجل كيف لو انها ماشيه ممشى كثير؟...عند البيع ماتجيب شي و غير مرغوبه ايضآ....وحتى في صيانتها مو اي احد يعرفلها...عن نفسي اشوف المرسدس افضل الف مره...قطع غيارو الاستهلاكيه رخيصه...صيانتها بسيطه..الورش المتخصصه بالمرسدس كثير ومحلات قطع الغيار كثير ايضآ واذا جيت تبيعها صحيح انه يطيح سعرها بس يعتبر افضل الالماني في البيع..

[عاشق الالماني-U]

الاودي حلو الصراحه

بس لا تاخذ جديد.........خذ مستعمل ويكون عليه service contract

[dodo1407]

بغيت اقص لكم الي صار لي اليوم وطالب استشارتكم ,
بعد مآ فريت المعارض والوكالات حصلت لي BMW 730 موديل 2010 ولكن بمواصفات كامله
وشاشات خلفيه وشكامين 760Li ب 175 الف وعيبه ان الموتر ماشي وآجد +105000
والضمان انتهى ورححت ل شركة الناغي وسالت عن تمديد الضمان واستغربت من السعر 9000 بسس
ولمدة 3 سنوآت وانا توووقعت انه آآآآآككثر ,,لكن يبقى العشق اودي على ان البي ام تفتن
وآنا هنآ بغيت اسئلكم ي شباب كم سعر تمديد الضمان والصيانه للاودي ,,؟؟؟

[dodo1407]

ل هالدرجة المنتدى نآيم ,,آآكككثر من 260 مشاهده و ردين بسسس ,~