صديقي اكتشف ان سيارته الجديدة مصدومة ! مالحل ؟

إذا ما أنصفوك في حقك هنا فما لك إلا

تدخل على موقع هوندا في اليابان وقدم شكوى وأرفق الفحص بالصور وأرسلها لهم .

سمعة شركتهم أهم شي عندهم ومصلحة العميل عندهم فوق كل شي >> صدقني بهالطريقة توصل أنهم يسحبون الترخيص من الوكيل

[COLOR=Blue]http://www.honda.co.jp/

أو أدخل على صفحتهم بالتويتر وراسلهم
Hondacustsvc@

أو الإيميل
info@honda.com

طبعا خاطبهم بالإنجليزي والأفضل ترسلهم على جميع العناوين

ويا هلا :smile:[/COLOR]

لو يحاول يسافر لجدة ويروح لمكتب مدير عام شركة عبدالله هاشم ، ترى التعامل مع الروس الكبيرة يجيب نتيجة، واحد قرأت قصة عنه في منتدى كورياً بست معه جينس طلع السيارة وهي ضمان الوعلان من معارض الشفاء وصل البيت، وجا بيطلع مشوار السيارة حارة ولاتشتغل، اخذها بسطحة ورجع المعرض وقاله السيارة طافية قال رح للصيانة، قال ابي فلوسي قال معليش، نقز للصيانة من بكرة ودخلوها فحص وقال القير لازم يتغيير، هنا الرجال طرطع ، ويروح للشيخ الوعلان المدير العام، ويتفاهم معه بالاسلوب منا منا ، وبفضل من الله وافق الشيخ على تبديل سياراته العطلانه بجينسس جديدة، لكن لونه الي هو لؤلؤي لم يكون متوفر وخيروه مابين عنابي وذهبي وفضي، الرجال اخذ فضي، فالتعامل مع الروس الكبيرة يفرق مليون مره مع التعامل مع مدير الفرع مدير الصيانة هالخرابيط، هو يتكلم مع أكبر راس في هيونداي ، والشيخ الوعلان يعلم أنه مسؤول امام الله مسؤولية عظيمة وسيحاسب عنها يوم القيامة، والصلاحية تحت يده في أي شي ولا لها حد بعد الله داخل نطاق هيونداي والحلال حلاله، الشيخ الوعلان الله لايحرمه الجنة اقتنع باسباب تغيير السيارة ، ووافق له انه يبدلها بجديدة نظراً لعطب القير بالكامل، ماقال نطلب لك قير جديد ، قال تفضل جينسس أخرى .

اي سياره تنصدم ما تنصلح الا بورقه من المرور. واذا قدر يجيب اي شي من المرور يثبت انه ما صدم بالسياره او ان السياره ما عندهم اي معلومات انها مصدومه يكون هذا يثبت انه ما انصدمت السياره وقت ما كانت عنده.

مع اني ما اتوقع تبي تمشي ممكن مثل ما كذبوه راح يقولون اكيد انت مصلحها عند خويك راعي ورشه. بس شي احسن من لاشي

السيارة مالها 4 شهور تقريبا ولا يستخدمها غيره

كان الله في عونه

صارت مع احد الاخوان على سيارة اسكاليد ولكن الوكيل فتح تحقيق داخل الشركة واعترفوا بانه تم تصليح السيارة فى الوكالة ودفعوله تعويض عن السيارة
عموما اذا الموضوع قضية فالفحص بأجهزة متطورة ممكن يثبت وقت وتاريخ تصليح السيارة (تقريبي)
بس يهددهم بأنه راح يرفع قضية عليهم ,, وياليت يتأكد اذا كان حد من اهله او اصحابه استخدمها وصلحها وهو مسافر يعنى لابد يكون متأكد 100% انه ما اتصلحت من جهته قبل اى اجراء قضائي
واحد من الاهل سواها فى اخوه وهو مسافر وصلح السيارة ورجع اخوه واستخدمها كم سنة وباعها ولا عنده خبر بالسالفة وصبغ السيارة الى يومك ههههههههه

أوصيه بقول : حسبي الله ونعم الوكيل

ترى الاكورد 2012 فيه اختلاف في البويه بين الرفرف الخلفي واجزاء السياره الاخرى اختلاف طفيف

رأيت السيارة شخصيا وظاهر ان البوية ليست شد بلد !

نصحته بتوكيل محامي لعل الله ان ييسر أمره

شاكر لكم جميعا احبتي مداخلاتكم .

ترى بعض مراكز الفحص كذابين يطلع في السياره عيوب علشان يطيح من قيمتها يصير متعاون مع شريطي وياخذ نسبة

لكن ممكن كل شيء جايز من الوكلاء النصابين

السلام عليكم

لا اعتقد انه سيصل معهم لحل بدون تعاونه معهم واعترافهم بالمشكلة فلا يوجد لديه مايثبت ادعاءه عليهم

وامل ان يكون مكتبهم الاقليمي افضل تعامل من الوكيل الحالي بالمملكه

المشكلة ان صديقك لا يملك دليل ( اوراق ثبوتيه ) على ان السيارة مصدومة قبل استلامها

يعني لو لم يفحصها لما عرف انها مصدومة .

الله يكون في عونه و يعوضه باحسن منها ان شاء الله و حسبي الله و نعم الوكيل عالوكلاء النصابين

اول شي تحتكم عند ملك الملك ....ارفع يدينك في كل صلاه وفي كل اوقات اجابة الدعوة وادع ان موضوعك ينحل بدون مشاكل او ان ربك يوريهم عظيم قدرتة
بعد كذا
يوثق كل شي
يفحص السيارة في ورش متخصصة ويحولها لنسخ الكترونية...يسحبها سكان
يصور السيارة
يصور تقرير الشركة انها مرشوشة
ويقدمها ضمن الشكوي للمركز الاقليمي
ويرسل نسخة لحماية التجار....عفوا المستهلك عشان لو قالو ليش ما اشتكيت يقول كلو تبن انتو ماسويتو شي
واذا هو مقتدر يستشير محامي

حسبي الله علي كل مسؤل غير مسؤل

ماراح يوصل لحل ولا في قوة تقدر تثبت تاريخ الضربة
خليه يبلع العافية ولا يبلش نفسه بمشكلة مالها حل