جيب جيلي اي اكس 925 . GEELY EX925

ياشباب انا رحت وكاله جلي في الرياض الي بطريق الملك فهد ولا لقيت جيب دفع رباعي. لقيت واحد غير هاذا اصغر منه وقلت وين الي فيه دبل قال ماعندنا استغفر الله ياشباب الي في الصوره مانزل عندنا اصلا. وكل الي عندهم واحد دفع امامي تشوفه تحسبه جيب وهو ديكور جيب للعلم والفائده تحياتي للجميع

السلام عليكم


بالنسبة الي السيارة جدا ممتازة طبعا فيها عيوب بس المميزات فيها أكثر :
1- السعر جدا جدا ممتاز ....... وحلوا و مسكت صراحه .
2 - مواصفات جدا حلوه و أقتصاديه بشكل عظيم.
3- السياره للبر ..... بس مابضيف شي غير للبر .



أنا صاحب سيارة جيلي ...... قبل لا تقولون شكله صاحب جيلي *_* .
العيوب ...... ومافي سيارة خاليه من العيوب ...... ومافي سيارة خاليه من العيوب ....... إذا أكلت مطبة يطلع صوت قوي مدري كيف ...... بس لاتجربون تاكلو مطبه ها مطباتنا لو تعبر جري تتعور .:..... ^_^


وسلامتكم.

السلام عليكم ورحمة الله وبركاته

شكرا لكم على المرور

لكم مني اجمل تحية

مثل ما قلته قبل ثلاث اشهر عن نزول سيارة جديدة من ماركة جيلي في السوق السعودية تحت مسمى EX7 في الشهر يونيو 2013
اما على اسعارها فهي ممتازة لان فيها شاشة نفقيشن و كميرا خلفية ومقاعد جلد وكشافات ضباب وقاعدة السيارة مثل راف فور وحجم مكينتها يبلغ 2.4لتر
ويوجد منه الجير عادي والاوتو
وهي تبدا من 50 الف لاقل نوع إلى 60 الف ريال للفئه الفل ابشن

هذا ما لدي من المعلومات
اما صورها فهي موجود في جوجل بالبحث باسم السيارة ex7 geely

كشكل خارجي جيد بس الداخلي لا الوان ولا تصميم

مجهود رائع عن مواصفات هذه السيارة...... عشاان ما أزعلك بس مو هي السيارة الي بتنزل عندنا

لاكن المعلومات المتوفرة لدي عن السيارة الدفع الرباعي من الماركة جيلي هي GX7 أو EX7 السيارتين هي نفسها ولاكن العلامة تختلف

صباح الخير ,,

بصراحه شكلها بسيط وعادي جدا لكن موش بطال بالنسبه لمواصفاتها وداخليتها ,,

يعطيك العافيه اخوي على الموضوع والتفاصيل ,,

وعليكم السلام ورحمة الله وبركاته :)
شكراً جزيلاً لك أخي على الموضوع الرائع والمنسق والمرتب جيداً.

تصميم المركبة الخارجي:
بشكل عام مقبول.
أجسام الإضاءة (الأصطبات) الأمامية والخلفية لم يعجبني أبداً تصميمها، مصممها واحد أحول.
حواجب الإطارات (البروز في البدي فوق الكفرات) كبير جداً ومخلي شكل الموتر سيء.

التصميم الداخلي:
لا بأس به، ولو أن اللون الرمادي غير مستحب في المقصورة.
تحس الداخل كله بلاستك في بلاستك صيني 100%.

المحركات:
البنزين مقبول.
الديزل رائع وقوي، وإن كان بيجي لأسواقنا فأبشر بالسوق.


أخوي (انت بطنك يعورني) متى عورك بطني ؟؟ :D
بالنسبة للتوقيع أهنيك عليه صدقت فعلاً، ولكن ياليت لو تغير الألوان لأنها أعمت عيوني :p

سسسسؤال.. ليش السيارات الصينيه اسمائها صعبه وغريبه؟ يعني مو زي اليابانية ولا المريكيه ولا السوناتا اسمائها يجي ex 352576726 او sa 323898278 يعني اسماء سياراتهم صراحه تحسها رقم بن حق بلاك بيري حجه:smilie16:

انا ركبت في الجيلي السيدان الكبيرة صراحة يجي منها مقابل سعرها
لكن مقابل المنافسين, مثل السوناتا, مرة ما تجمل معاهم

ركبت كمان في الجيلي الصغيرة هاتشباك, اظنها 3 سلندر,
مقارنة بالمنافسين (3 سلندر) مثل الديهاتسو "شاريد" اشوف انها اتفوقت عليهم بجدارة
خصوصا من ناحية هدوء المحرك وصلابة البودي وجودة الديكور

سمعت من بعض الاصحاب ان الجيلي الكبيرة تتهربد بسرعة, يعني اصوات الديكور او الاصوات بشكل عام

والله حلوووووووووه حسبتها جيب كاديلاك

اما الامان مدري عنها بس صراحه الى الان منصح احد ياخد سيارة جيلي لاءن السياره نزلت في 2011 يعني ماكملت حتى 3 سنين ولا ندري كيف السياره بعد استخدام 5 سنين

اللي اعرفه ان سيارات جيلي ما فشلت في اختبارات السلامة, شيري هي اللي فشلت
واذا ماني غلطان سيارات جيلي دخلت اوروبا يعني امانها حلو


وبالنسبة للسيارة اللي في الموضوع حلوة صراحة ويعطيك العافية ع الموضوع