يااخوان ابي نصيحتكم وخبرتكم محتار مابين اكسبيدشن وتاهو لاسباب محدده !!

الاكسبدشن اريح , واقوى في العزم وعزله افضل ,, لكن يعيبه شكله ( ما عدا الليمتد ) ويعيبه ضعف الانوار الامامية ,,

التاهو يتفوق في الشكل وتكييفه افضل وخاصية الاربعة سلندر اللي تشتغل الى 80 كلم , و يعيبه قله جودة ديكوراته وعزله السئ ,,

من ناحية الجودة والتحمل فالاثنين متقاربين لكن بالعتقادي ان الاكسبدشن تحمله وجودته افضل .



بالتوفيق :smile:

اشتري صالون اريح حق الخط و ارخص

اصبر شوي نصيحه ومن صالحك

منها تنزل موديلات جيل جديد وراح تشوفها بالنت قبل لاتنزل شي طبيعي

+ راح يصرفون الموديل قبل الجيل الجديد بعروض ولا اي شي

اذا ماعجبك الجيل الجديد

تسفيد من العروض

وعروض الامريكي قويه مثل فورد وجمس وشفر

تجربة شخصية

من الرياض إلى الطائف قبل طريق السيل

سوبربان 2010 معبي من محطه النجمة فل ، قبل طريق السيل باقي فيه حول الربع

الممشى ما بين الـ 120 - 150

غير كذا ما أقدر أفيدك

لانه مع الوالد وما يحركه إلا نادر مخليه للعزايم والطلعات العائلية فقط

الاكسبدشن راح يتغير شكله السنه الجايه ٢٠١٣ شكل جديد

التاهو ٢٠١٤ راح يتغير شكله

وانت واللي يناسبك

معي ,,
اكسبدشن 2007

والله ماحطيت فيه الا بواجي وفحمات

وعايش حتى الان والحمد لله باحسن حال ,,

عشت نفس تجربتك محتار بين التاهو والاكسبدشن ..

وبعد بحث وتحري ومقارنات حتى من مواقع اجنبية

اتضح لي هيمنت الاكسبدشن وافضليه على التاهو

واذا حاب تعرف اكثر عن الاكسبدشن

تفضل هذا الرابط :

http://www.ford4arab.com/vb/t53818.html

http://www.ford4arab.com/vb/t55709.html

وفي الاخير
انتظر ظهور موديلات 2013
وقبل كل شي
لاتنسى الاستخارة ..

الاكسبيدشن افضل بمراااااحل .. افضل سياره عائليه من جميع النواحي ..

حكايت أن التاهو يقلب 4سلندر صحيحه ولاكن في خط مستوي تقريبا ضغط الهوا ما يعدي واحد ونص . وهذي تقنيه لتوفير الوقود وموجوده في محركات الهمي لسيارات دوج.

رأي في الأكسبديشن مركبه أريح من التاهو ومواصفاته أحلى ولا يطلب وأعطاله شبه نادره . ومشكلتهالوحيده صعوبة صيانته مثلا البواجي تتركب ب300ريال وممكن ينكسر داخل المكينه أثناء الفك وتوصل لفك راس طبعا هذا في 2006 وأتوقع الجديد نفس المحرك . عكس التاهو أقرب ورشه يغيرله بواجي . وطبعا التعقيد في نظامه لو فيه تفتفه يفصل المكيف ولاعاد يبرد .

طبعا في الأخير كلها بتعيش 5سنوات ولاكن كيف حتكون بعد 5سنوات من ناحية الأعطال والقيمه السوقيه
وللمعلوميه إلى يومك انا يعجبني الأكسبديشن وأشوفه مسكت بس صعوبة صيانته رادتني عنه وممكن تسأل أي فني وبالتوفيق إن شاء الله

عند الاهل اكسبديشن وسقتها كثير ..

ماشاءالله روعه ..

واشوف انها تصلح للخطوط لأنها ثابته ..

معلييش ياخوي يكون اربعه سلندر من 0 - 120
مو الي ال 60

ايه ياخوي التاهو يصير 4 سلندر

لكن الاكسبديشن لا مافيه ..

وبعدين انا انصحك بالتاهو وربي موتر على اصول

انا اخوي مشتري تاهو 2007 على موديله ال اس وربي كرفه كرف موطبيعي ولا طلب شئ غير قطع الاستهلاك فقط


وجلس معه 4 سنوات او خمس طبعا إشتراه ب 105 الف اتوقع وباع ب87 الف عشان ظروف وربي انو متندم باعه

والوالد الحين معاه سوبربان ال تي زد 2008 ومتعزز فيه الحين قبل اسبوع جاله واحد وحط فيه 150 الف وقابل للزيادة ورفض يبيع

فالتاهو يمسك سعره وراحة مابعدها ماشاء الله الصلاة على النبي وجرب شوف واحكم
وشكل جمالي وروعة بعكس الاكسبديشن .

وعن تجربة عندي خالي معاه اكسبديشن 2011 الراحة فيه وربي صفر جنب التاهو
وانا كنت أسمع العالم تتكلم الاكسدبيشن كرسي نوم ولمن طلعته وربي عرفت انو ناس تتكلم ع الفاضي فأنصحك أبعد عنه وانت وخيارك ..

وبالاخير لاتنسى الاستخارة

وبالتووفييق لك .

أخوي أنا الي اعرفه ان التاهو يصير اربعة سلندر من 0 - 60 او حوله إذا كانت دعستك خفيفية
أما بعد 100 ما أتوقع

ياخوان مشكورين على التجاوب بس اهم شيء محد جاوبني عليه اللي هو التاهو يصير اربع سلندر بعد 120 هل الاكسبيدشن زيه ولا لا ؟؟

تاهو افضل من الاكسبديشن مع ان الاخير اريح لأن التعليق الخلفي مستقل بعكس التاهو لكن التاهو اجمل بالشكل ومرغوب اكثر ,,

بالتوفيق~,

oذ التاهو نصيحة مني لك
انا قال لي عمي سوق الاكسبديشين ركبته سقته بعدين نزلت فلت والله مني سايقه مرة ثانية

تحس انك تسوق شاحنة ثقييييييييييييييييييييل



روح خذه من الوكالة طلعه برا الباب نزله المعارض تلاقيه ب 120 يجك الشريطي
لان سعره خويي ابوه شاريه قبل اسبوعين مدري 2010 او 2011 فل الفل طويل ديفيدي ملاحة دعاسات كهرب فل الفل ب 140 بس وانا واحد اعرفه امريكي اسود طويل شاريه ماشي 160 الف كيلو == 100 الف ميل
فل الفل
2010 راعيه طالب 110 هو شراه ب 104 الف يعني يتحمل الكرف ويمسك سعره بس مو مثل التاهو
بالنسبة للتاهو لا تاخذ غير اللؤلؤي وركب ورا اسطب كادليك اسكاليد بلاتينيوم تطلع الامير بالشارع
مبروك مقدما وانشاء الله اكون افدتك

بنسبه لي أنصحك في التاهو طبعا LS ١٢٨بدون دبل وهوا مسك سعره لو بعد ١٠سنوات وفي الاول والأخير صلي استخاره

الاكسبديشن فيه صدأ