السلام عليكم أيها الأخوة
أنا سيارتي ماركيز 2007 ماشي 308000 الاف تقريبا
السيارة رحت غيرت بواجيها واخذت بواجي غير اللي كانت راكبة والسبب انه محل قطع الغيار قال اللي عندك بواجي اكسبيدشن يعني القديمة اللي كانت راكبه وخذ هذه بواجي ماركييز
وللأسف صدقته ورحت ركبتها وهي ماهي للموديل نفسه ولاهي مثل القديمة
المهم السيارة صار بها نفضة رحت قمت وشريت بواجي نفس البواجي القديمة وركبتها وخفت النفضة شوي لكن مازالت موجودة
بس صارت مشكلة اكبر وهي ان السيارة تدعس بنزين لوحدها يعني تمشي وتبدل الاول لوحدها وعل سرعة 40 تقريبا وامبير الضغط يرتفع حتى يوصل فوق ال2 يوم اشغل السيارة
رحت لميكانيكي سوالي برمجة يدوية وخفت المشكلة لكن برضه السيارة تحسها تمشي لوحدها وكأنك تدوس بنزين وانت اساسا رجلك ماهي على الدواسة
لكن اصبحت خفيفة بنسبة 70 بالمية عن حالتها قبل البرمجة
المهم امبير الضغط يوم اشغل السيارة يرتفع بشكل ملحوظ وكأنك تدوس بنزين بس على خفيف اخف من حالتها اول
رحت ونظفت بخاخات ب 150 ريال والنفضة خفت عن اول والعزم احسن من اول ولكن لازالت مشكلة الامبير وان السيارة تمشي لوحدها وكأنك مثبت السرعه على 20
وش السواة ماذا أفعل ياناس والله خايف على المكينة
