و الله ياخوك اخوي كان معه واحد موديل 2003 LTZ و مشتريه عام 2006 السيارة مكينة جباره و راحتها لك عليها لكن ياخوك و الله انه ذبحه خرابات و اغلبها خرابات الكترونيه و خطيره ريحة ماس - السلف خربان - الريموت مايفك الأبواب - المكيف - الانوار - و بالاخير الجيربكس اشتكى صار يعلق بنمرة معاه و بالاخير باعه و اخذ له جراند ماركيز ماشاء الله تبارك الله
وبعدين الي بيجيبها لك وشي V8 ولا V6 ووش نوعها LS ،ولا LTZ،وكم ماشي كثير ولا شوي،،ومرشوش ولا بدي سليم،،،ووش لونه،وبفتحه ولا بدون فتحه،وفيها شاشة ولا مافيه شاشة،،،،ووووووو الخ،،أشياء كثيره لازم تعرفها وتحددها يأخوي....
طبعاً أنا بعلمك الي بيجيب لك
الي بيجيبها لك هي V6 نوع LS سياحية ومكروفه شويييي
أما ال V8 نوع LTZ ولا SS ولا ROYAL هذي غالية مو رخيصه وقليله مررررررررررة تحصلها أصلاً،،لأن سعرها جديد غالي وقليل الي يقدر عليها جديده وعلشان كذا تتعب علشان تحصلها مستعمله وخاصة النظيف منها
على فكرة سعر ال V6 ال اLS السياحي جديد في الثمانين الف تقر يباً 85 الف وحولها ((وهو الي نسبة فوق 90% تشوفه يمشي في الشوراع،،لأنه رخيص))،وطبعاً ال LTZ من V6 مو غالي بعد،،، أعلى من ال LS السياحي بشوي
أما ال V8 LTZ، سعرها 127 الف،،وسعر ال SS بحول ال 140 الف ،أما الرويال سعرها بي 175 الف،،،لذلك V8 انسى انك تلقاه ب 25 الف،،هذا ان قدرت تلقاه أصلاً لأنه قليل زي ماقلت لك،لأنها غالية موب أي واحد يقواها..
وطبعاً هنالك فرق شاسع جددددددداً بين ال V8 و V6 في الراحة والمواصفات وقوة المكينة،،وغيرها،،
وللمعلومية ماكينة الكابرس V6 هي مكينة لومينا بالضبط،،،أما ماكينة ال V8 مكينته ماكينه كابرس مصنوعه خصيصاً للكابريس،،وهي مكينة كبيره وضخمه جدا جداً وقويه قوه متخطر على عقللللل...
وللمعلومية أيضاً جنرال موترز في عام 2012 اوقفت انتاج الكابرس V6 ،وأوقفت انتاج الومينا،،ولم يعد في الوكالة إلى V8 الغالي فقط،،،،،،((يعني كنهم يقولون الي مامعوش مايلزموش))
أما عن استفسارك عن عملية الكابرس فهو عملي وخاصة ال V8 وقطع غيراه متوفره في كل مكان،،،لكنها غويليه شوي،،،موب غالية مرة لا،،بس انها غويليه مقارنه بالماركات الأمريكية الثانية زي فورد على سبيل المثال...
أرجوا أن تكون اجابتي وافيه لإستفسارك يأخي الفاضل...
