ماهي مشكلة الحرارة

abu-ghaid @user_273791 · 23-01-2012

السلام عليكم ورحمته وبركاته
عندي المشكلة بونيت تويوتا 98 مشاوري بسيطة تقريبا
والمسافة ماتتعدى 8كم رايح للمزرعة واحصل الحرارة غير طبيعية انا سويت السيارة قبل اسبوع صلحت جلد البلوف والصوف وجلد الراس وبعدها لاحظت الارتفاع بالحرارة
افيدوني ولكم خالص شكري

formula one @user_278648 · 23-01-2012

اخوي الغالي , اذا كان المحرك قبل الصيانة حرارته طبيعية وبعد الصيانة ارتفعت فالمشكلة في رأس المحرك وكما تفضلوا الاخوة بارك الله فيهم < اي بمعنى آخر عمل غير متقن > ولكن لا بأس ان تتاكد من بلف الحرارة ودبة العادم .

طارق55 @user_213123 · 23-01-2012

وعليكم السلام

إخوي الغالي مشكلة الحراره مو مشكله وحده

شوف أنت تقول سويت الراس ومنها البلوف وجلد الراس

طال عمرك عندك وجه الراس وجلد البلوف وزن البلوف و وزن الديلكو وطرمبة المويه

هذي كلها مهمه وهي من أسباب الحراره

إذا كنت مركب وجه الراس تجاري لااازم تغيره الى أصلي

ولااازم تتاكد من كل القطع إنها أصليه علشان يكون كل شغلك

نظيف

ثاني شي الوزن وهذى اهم شي لان إذا إختلفت اي وزنيه سو البلوف اذا كانت مقفله رايح ترتفع الحراره ويقل عزم الموتتر واذا فتح عليها رايح يطلع من المكينه صوت لااازم يوزنها على حسب الريشه

المقرره لها

ثالث شي عندك الديلكو لو ماضبطه على اللمبه رايح ترتفع الحراره ويصرف بنزين ويقل عزم الموتر

الطرمبه تأكد منها اذا كانت تشتغل ولا لا حتى لو فتحت الريديتر

تشوف الماء يمشي ولا ودعس على الموتر وشوف لان بعضها على سرعه معينه توقف

وشوف نظافة الرديتر

هذي كل الاشياء لااازم تتاكد منها

فني سيارات @user_8460 · 23-01-2012

ممكن الي عمل لك معايره للحرارة ماضبط الصمامات بشكل صحيح او شد عليهم كثير لذلك ترتفع الحرارة والله اعلم
ولكن قبل ذلك لعل الماء ناقص ويحتاج تزيده او يوجد تهريب للماء من المحرك او من الليات اومراوح لاتعمل

هذا و الله اعلم

قناص الغربية @user_272940 · 23-01-2012

اخير سمعت انو الونيت ترتفع حرارته ماعمري سمعت احد يشكي منها ماشاء الله

اخوي شيك على الرديتر والمويه والمرواح وشوف فيه تهريب مويه

وان شاء الله بسيطه