السلام عليكم
ياجماعة الخير زي ماهو بالعنوان انا معي 120 الف واحترت في سيارة تكون اعتمادية وشكل شبابي و واسعة لان عندي العائلة 6 افراد
ملاحظة : انا ما اقدر ازود على المبلغ هذا ريال فياريت لا حد يقول زود عشرة وخذ مدري ايش
في انتظار اقتراحتكم . *
السلام عليكم
ياجماعة الخير زي ماهو بالعنوان انا معي 120 الف واحترت في سيارة تكون اعتمادية وشكل شبابي و واسعة لان عندي العائلة 6 افراد
ملاحظة : انا ما اقدر ازود على المبلغ هذا ريال فياريت لا حد يقول زود عشرة وخذ مدري ايش
في انتظار اقتراحتكم . *
اتوقع اتوقع والعلم عند الله .. انتم يصلح لكم موترين هم ... تاهو او اكسبدشن ...
شبابي عائلي 6 اشخاص سعره بحدود 120 الف اعتمادي مريح
تاهو ls 2011 لو لقيت 2011 كويس جديد ... بدون دبل .. بدون كاميرا وبدون حساسات .. يمكن تلقى في المعارض
او دور لك تاهو2011 LT مستعمل استعمال خفيف يجي كاميرا وحساسات بدون دبل تحصل ممشى قليل ونظيف
اسعار 2012 ارتفعت ...
شوف الاكسبدشن اتوقع سعره بدون دبل 119 الف ريال اتوقع كذا ... وانا اشوف التاهو شبابي اكثر
وعندك اكسبلورر 2011 اقل فئة ...
فورتشنر 2011
بالتوفيق اخوي ....
والله ييسر امركم ...
ان اصبت فمن الله وان اخطأت فمن نفسي والشيطان
اخوي مشعل ...
انت عارف السيارات العائلية الكبيرة الفئة الي فيها دلع ومواصفات اغلبها تبدا من 150 وانت طالع .....
وتقدر تاخذ تاهو وتركب له شاشة DVD او شاشة ملاحة عند الوكالة ...
الاكسبلورر رائع حتى الستاندر وشكل جديد ... لكن سمعت المثل الي يقول مد رجولك ع قد لحالفك .... الفل ((( غــااااااااااااالي )))
وانا انصحك ما تسسلف او تاخذ قروض بنكية ولا تضغط ع نفسك زيادة
والله ييسر امرك ..
الله يعطيكم خيرها ويكفيكم شرها مقدما الف الف مبروك مركوب العافية
دام أنك تبي ثلاثة صفوف مقاعد:
- عندك الإنوفا ولكنها ضعيفة المحرك نوعا ما ، لاسيما عند التحميل والطلوع ، ولا أظن أنها إعتمادية ، أقول لا أظن ، وأغلب مستخدميها هم السائقين وتفتقد كثيرا للفخامة والإكسسوارات ، فخامتها مثل الهايلكس ، ويمكن الهايلكس أكثر
- عندك البرادو 4 سلندر
الخيار الأفضل لك بنظري هو:
فورتشنر (في إكس 1) 6 سلندر
العايدي 113.900 ريال
الأوتو 118.900 ريال
رغم أني أعيب عليه بأنه لايوجد به وسائد هوائية جانبية + ستائر ، أيضا لايوجد به نظام EBD موزع الفرامل الإلكتروني ، ونظام مساعد الفرامل BA ، والثبات الإلكتروني VSC
أيضا لايوجد به تراكشن كنترول TC ، وهذه الأخيرة ليست بأهمية أنظمة الفرامل السابقة
إنما فقط يوجد من وسائل السلامة شيئين ، هما وسائد هوائية أمامية ، ومانع الإنغلاق ABS
مواصفاته :
- المحرك: 4.0 لتر 6 إسطوانات 235 حصان صافي
- ناقل الحركة: خمس سرعات يدوية / خمس سرعات اتوماتيكة
- جنوط المومنيوم 7.5J
- مقاس كفرات: 265/65R17
- فرامل مانعة للأنغلاق
- 7مقاعد
- وسائد هوائية امامية للسائق والراكب
- نظام حماية ضد السرقة لمنع تشغيل المحرك
- اقفال الأبواب كهربائية
- نوافذ كهربائية
- المرايا الخارجية كهربائية
- اشارات ضوئية على المرايات الخارجية
- جهاز فتح وقفل الابواب عن بعد (ريموت كنترول)
- شاشة عرض, مشغل اسطوانات, مدخل صوت و بلو توث
- عدد 6 سماعات
- ميكروفون و مضخم صوت
- أزرار تحكم علي المقود
- مكيف امامي: الكتروني
- مكيف خلفي: الكتروني بتحكم مستقل
- حساسات خلفية
- تحكم اتوماتيكي بالضوء
- شاشة معلومات
- جناح خلفي
- فرش المقاعد: قماش
- كشافات ضباب امامية
- قفل دفرنس خلفي
- كاميرا خلفية
- كشاف امامي HID
- عوارض سقف
- عتب جانبي
- نسفات (أمامي + خلفي)
- مخرج عادم
- حامي للصدام الأمامي
- إضاءة أرضية داخلية
- فرشة للشنطة الخلفية
- فرشة أرضية
- إضاءة تحت غطاء المحرك
- مثبت سرعة
- دفع رباعي