ياشباب بغيت اسأل بما ان هالمنتدى اعضاءه عندهم خبرة واجوبة شافيه من تجربتي
سيارتي لومينا اس اس موديل 2007 ,, المهم انها 8 سلندر 360 حصان
الاستشارة الفنية الاولى:
مدري هي مشكلة او انا غلطان .. اول ما شرريت السيارة قبل ثلاث شهور كانت لما تعطيها بنزين تحس السيارة بطير من كثر قووتها لكن احين اذا عطيتها بنزين مايصير شي غير rpm يلعب على الفاضي
كانت على بنزين 95 وبعدين غيرت 91 هل السبب البنزين ولا كيف؟ خليت البنزين الى الانذار الثاني ورجعت للبنزين 95 من اسبوع ولا لاحظت شي بالعزم.. كيف ارجع عزمها مثل اول
هل احتاج تغيير او تشييك على شي معين؟؟
ممشى السيارة 33 الف
الاستشارة الفنية الثانيه:
ابي اسالكم متى استخدم بوليش (Polish) ومتى استخدم واكس (WAX) سيارتي لونها احمر
سيارتي كانت مخزنه بالوكالة وعليها غبار كثير اقصد البوية تعبانه كثيير كلا دوائر بالبوية وما تلمع ابداً ,, ووديتها الى محل التلميع وسويت تلميع خارجي بـ 300 ريال سعودي ووصارت رووعة وشكلها جذاب وبعد شهر رجعت السيارة ولا كأني دفعت فيها 300 ريال فقلت انا بسويه بنفسي ما يحتاج اوديها اي محل
المهم ياشباب ويش ينفع لحالتي بوليش او واكس؟ واي الانواع تنصحوني؟
بغيت اخلي الجناح لوونه اسوود وش هي افضل طريقة؟
والي يجوون على الانوار وش اسمهم مثل هالصورة
شكرا لكم مقدما :كاشخ: