نحن السبب في نزول أسعار سيارات دوج المستعملة

بصرآحة اي سيارة تنسآم عند شريطي بيكسر ظهرك بـ السومة,يعني اللي رغبان بالموتر ويعرفه بيعطيك سعره+أضف الى ذلك الوكيل سيء بشهآدة آمتياز...الله يصبرنا عليه

شكرا

اولا عشان تمسك السيارة سعرها تحتاج الى سمعة السيارة و سمعة الوكيل و توفر قطع الغيار و للاسف الكلايسلر في السعودية مافيها من الي ذكرته الا سمعة السيارة ...

ثانيا مو شرط يكون نزول السعر هو سبب بعد الناس عنها لن في سيارات كثيرة مثل الالمانيات سيارات سمعتها ممتازة و سعرها في خلال 3 سنوات يطيح اكثر بكثير تحت النص و مع ذالك لها عشاق كثير و زبائن و السبب يرجع الى ثقافة المجتمع و قوة تسويق الشركة لسياراتها و توفر فروع الوكيل في كل مدن و قرى السعودية وتعامل الوكيل الجيد و المميز و خاصة للسيارات الفخمة زي اللكزس وهذا الي يخلي السيارة شيك بالجيب زي تايوتا ...

يعني لو كانت السيارة من افضل السيارات و كان الوكيل سيئ السمعة اكيد ما في احد راح يشتريها و اعرف اكثر من واحد شرى شروكي و بعدين باعها و اذا سئلتة كيف السيارة يقول ممتازة و تقولة طيب لو جاتك فرصة تشتريها من جديد يقول لك لا ؟؟! تسئلة طيب ليش يقول من تجربتي للوكيل خلاني اشيل فكرة هالسيارة من راسي ...

ولو تمسك السيارة عندك و كل واحد سوى زيك ما راح تجي بنتيجة لن الوكيل لنه نصيب كبير في سمعة السيارة و هو الي يخليها ناجحة او فاشلة حتى لو كانت اعطالها كثيرة ....

يا اخوان صحيح الاشاعات لها دور كبير لكن و الله ان الخدمات المقدمة للسيارة هي السبب الرئيسي في المحافظة على السعر
يعني مع الأسف مثلا دوج ما لها الا وكالتها و ما يشتريها الا راغب فيها يعني , بينما شوف تويوتا ! شوف فورد ! شوف هوندا ! شوف الشفر ! في ناس تشتريها مو راغبة في السيارة تقولك يكفي الخدمات المتوفرة القطع الموجودة بالهبل حتى تويوتا الناس تمزح و تقول لك قطع الغيار تحصلها في البقالة !

على الأقل فيه أحد يعطيك وجه ويشتريها منك
أشتري جيب فل كامل ب200ألف وبعد 5 سنوات ب100ألف محد يشتريه منك
هذا واقع ومعروف وماهو من فراغ في سيارات تثبت نفسها الفورد بشكل عام ماكان محل ثقة وبعد استخدام الناس للفكتوريا والماركيز تغير الحال وأصبحت فورد محل ثقة .
هيونداي في الوقت الحالي كل سياراتها مرغوبة وتجيب قيمة وتنافس تويوتا في سوقنا .
كلامي لا يلغي إنه في سيارات مواصفاتها أفضل وقيادتها أمتع لكن السوق والثقة تحتاج أكثر من مواصفات وغيرها

معليش اخوي بكم شريتها وكالة ؟

80000 الف سعر رهيب جدا وممتاز انصحك تبيعها والله

ياخي السوق كذا من قبل عشرات السنين يقولك السياره ماتسوى وهو اساسا نفسه في السياره ولا السياره مصدومة اعطيك مثلاَ تويوتا الي الي الشعب كله يشتري منه نصابين لاجوده ولا فخامه سياره مدري وشتبي ويقولون شيك بالجيب طيب اشتري جيب 240 وبعد اربعه سنين روح بيعها اتحدا اذا جابت 190 بالسوق الا اذا كان لديك معارف في المعارض راح يعرفك ويعرف استخدامك راح اتوقع يشتريها منك بحدود 190 بس كامشتري ماراح يشتري اكثر من 160 شوف كم الخساره هنا المشكله عندنا معتقدات بان السياراه المرغوبه كما يقولون ( شيك بالجيب ) في هذا الوقت اصحبت دجالات وخزعبلات وانا اعرف ناس صارت معهم زي كذا وبالنسبه للبيع فهذا شرط اساسي ينزل بالقيمة والتجاره هنا تبدا مكسبهم وطريقة التجاوب بين الطرفين من حيث ابين للصاحب السياره انه السياره موب مرغوبه عشان يزيد مكسبي فيها زياادة اتمنى وضحت الصورة

2= مصداقية الوكيل من حيث توافير المواصفات المطلوبة يعني بعض السيااره تشتريها وفجاه تحصل مواصفات غير المطلوبه فعلا مثلا اللكزس في الموديلات السابقة كان يمديك تشغل صيغة DVD والموديلات الجديدة لايوجد هنا يعتبر العيب في الوكيل ولم يوضح ذلك

بالفعل مُلاك سيارة دوج يعانون من أول ما يبدأ بالتفكير في شراء السيارة
إلى أن يشتريها و حتى أثناء بقائها معه
:confused1:
أشرح لكم
:bigggrin:
لما يفكر كل الناس تقول له لا يا أخي تبي تتورط !
ما في قطع غيار
وكالة سيئة
مالك إلا الوكالة
شوف خويي يصينها في البحرين
وكيل البحرين سيء
الصيانة غالية
الرجال الآن خلاص رآح اشتراها و مبسوط :smile:
يا أخي وش خذيت 6 و الا 8 ؟ , خذيت 6 فل , ليش كان خذيت 8 ستاندرد ترى الـ 6 تحن :rolleyes1: جربتها ؟ لا , طيب كيف تقول هالكلام :blue:
حرآم عليك يا أخي و الله السيارة حلوة بس الوكيل :smilie20: << و الله عرفنا
تعال بعها الان شف كم تجيب لك << وش دخلك أنت ! :a1120(82): شاري سيارة عشان أبيعها !!

لا تتهور و تقدم على سيارة الا و أنت واثق من نفسك نصيحة لكل واحد و السبب المجتمع ما يعجبه العجب أنت أهم شيء السيارة تحبها و ترتاح لها و يكون خاطرك فيها و هذا الشيء يعزز الثقة

و الله كل الكلام هذا رميته وراء ظهري ... و خذيت dodge charger 2008 ستة سلندر فل SXT
و بإذن الله إذا كملت 5 سنوات رآح أشتري دودج شارجر لأن السيارة تستاهل مع ملاحظة الوكيل سيء لكن السيارة ما تشكي و لا تبكي :bigggrin:
وروح شوف الدوج الآن و الله مليانة و قطع الغيار متوفرة غالبا

المعنى لا تآخذ بكلام أحد إذا أنت واثق و خل عنك الشريطية :a120(23): دام شايف سيارتك تستاهل أكثر اعرضها بشكل خاص لكن 80 الف ريال أشوفها سعر عادل :smile:

إرتفاع أو هبوط أسعار السيارة المستعملة تعتمد على مدى توفر قطع الغيار بشكل واسع وأسعار قطع الغيار لها ومدى تعدد وإنتشار مراكز الصيانة وسهولة العمل عليها .
ولاسيما عامل "السمعة" الذي لا يمكن أن يتغير مستمر منذ القدم إلى الأجل .

وبالمناسبة : أسعار المستعمل الآن من تشارجر وكرايسلر مرتفعة فوق ماتتصور .

أنا محترم كل وجهات النظر
لكن أنا مستخدم التشارجر والدرانجو والله العظيم سيارات جبارة وحق كرف

دودج وكرايسلر سيارات حلوة وفخمة بس ترى حتى في أمريكا سعرها طايح يعني في بلدها مالقت التقدير الكافي نقوم نعطيها هذا التقدير .
سوقنا غير موجه كما يعتقد البعض فورد في بعض طرازاتها وهيونداي نفس الشي تنافس تويوتا على الاحتفاظ بالسعر رغم حداثة ثقة الناس بهيونداي وفورد .
دودج وكرايسلر لها عشاقها اللي يشتروها مهما غلا ثمنها لكن العشق غير والواقعية غير السوق يعترف بالواقعية فقط والمواصفات كل سنتين ثلاث تتحدث وتتطور ويبقى الجوهر عبر الزمن كل ما قدم أكثر يرتفع ثمنه أكثر لو فيه كامري 2002 جديدة زيرو تنباع أغلى من كثير من السيارات الجديدة رغم فقرها الشديد من ناحية المواصفات والكماليات .

في سبب مهم
وهو الوكيل وانتشاره مقارنة بسيارات اخرى مثل تويوتا و جي ام
والاسعار غاليه نوعاً ما بالنسبة لقطع الغير

كلام سليم وزيد عن كذا قطعها مو متوفرة

كلام سليم
هذا من صالح محبي الدودج الي فلوسهم قليلة
يعني يا اخي اعطي فرصة للناس الاخرين يشترون دودج
على فكرا شارجر امريكي رخص التراب واحلى مواصفات
بالعكس احلى ميزة من دودج
تدري قاعد انتظر سنة علشان اشتري شارجر 2011 امريكية بنص السعر الجديدة وهي تعتبر جديدة لان الامريكان سيارتهم وردة تلمع