حادثة قبل قليل تعليق دواسة البنزين لجيب ليلة هذا الاربعاء

القير تغييره باليد شيء ميكانيكي وماله علاقة بالكومبيوتر ولا يمكن أن يرفض التفيير إلا إذا كانت يد القير مكسورة القاعدة

والله لو جاتني الاند كروزر هديه لـ احرقها وارميها ، سياره سيئه لـ ابعد الحدود

وسبحان الله المطعسه عندنا ، تذبح ولده عادي ، بس تقول ال لاند بايخ يقوّم الدنيا كلها

اخوي شهم111

رد عليك اخوي وهيبي

بالنسبه للقير لايستجيب لتغيير وضعه والمثبت يعمل ولا يستجيب الموتر لأي امر ولايطفي المحرك



القير معلق ما يفصل يا أخينا الانسان العقلاني


لا حول ولا قوة الا بالله

انا لست متعصب لأي سيارة طز في تيوتا
لكن أنا إنسان عقلاني....... مايحتاج تكسر القزاز أفصل القير ياأخي

شهم111 أبو ماجد البشري

شوف الرابط اللي حاطه انا فوق ردك واترك عنك التعصب لتويوتا كل شي واضح وهذا مو اول مره تصير لتويوتا ولد عمتي عنده كورولا 2010 ونفس الشي علقت عليه الدعسه والحمدلله ماجاه شي وهذا نظام في الاند كروزر اذا انكسرت الزجاج الخلفيه يطفى المحرك حتى اذا واحد سرق السياره تظل السياراه فتره وتطفي على طول

وين المهايطيه حقين تويوتا !!؟؟

اجل انا اشهد ان التويوتا سياره ههههههههههههههههههههه

من الغشامه يدفعوا 250 الف وفوقها تدعس بهم لين يعرفوا ان الله حق :)

الله يستر على المسلمين ويحفظهم

يعني لازم اخذ معي مسدس على شان ارمي القزاز الخلفي ولا ايش ,يمكن يمشي وراي احد على الطريق وتصيبه الطلقه انا إلى الاان ماني فاهم وش سر القزازه الخلفيه بالمثبت إذا كان الكلام هذا صحيح نقول ياساتر من تايوتا,

القزاز الخلفي يعطل السياره بسبب انه وضع حمايه ضد السرقه لو كسر الزجاج لاتشتغل السياره وليسى حل للمثبت وهذا الامر فيه خطوره وليسى حل لمصيبة تايوتا,,

بالنسبه للقير لايستجيب لتغيير وضعه والمثبت يعمل ولا يستجيب الموتر لأي امر ولايطفي المحرك يعني يصيبه شلل تام هذا اللي اتضح ممن تعرضو للمشكله..

ليش صاحب السيارة ما فضى القير ((على الإن))ولا راح تكون مشكلة لن هذا شي ميكانيكي راح يوقف السيارة بكل بساطة!!!
...يعني أنا بصراحة ضد أبو جميل في كل عبثة في سيارات تويوتا وتغييره بعض الأكسسوارات على شان يوفر في السعر وضد كل الوكالات اللي لعبوا فينا لعب
لكن يجب علينا طرح كل موضوع بكل صدق ودون تحيز...قالوا أيش قالواأطلقوا النار عليه
صحيح حادثة التعليق موجودة وممكن تحدث في كل سيارة أنا شخصيا أعرف واحد صار له حادث بسبب تعليق المثبت وسيارته كابريس 2008 والسبب وراء الحادث ان السائق يحتاج لوقت سريع لفصل السرعة بالطريقة التي هو معتاد عليها وقت حدوث طارىء معين
كالكبس على الفرامل أو فصله يدويا وعندما لا تفيد هذه الطرق يحتاج السائق لوقت طويل مما يتسبب له بالحادث...أماأنه لايستطيع إيقاف السيارة حتى ينتهي البنزين أو ترمى السيارة رميا مثل الصيد هذا مالا يصدقه عااااقل!!!!!!!!
((شوفوا يا جماعة مر قدامكم لاند كروزر معلق على سرعة 220 أرموه بالشوزل))
أكيد ضحكتكم...ههههههههههههههههههههههههه
أقول ممكن لنا أن نلتزم بمواصفات السلامه عند القيادة ...مثلا لا نقوم باستخدام مثبت السرعة إلا على الطرق السريعة ويجب أيضاً لا يكون هناك إزدحام وبإذن الله لن تكون هناك مشكلة ...وإن علقت علينا السيارة نفصل القير
شكرا للجميع ويا جماعه ....خلوكم عقلانيين وإذا جاكم أي خبر تحققوا منه ولا تركبون موجة الشركات والحرب التجارية بينهم......أقول في النهايه
شركة عبداللطيف جميل فاشلة والجميح والتوكيلات وفورد الجزيرة والعيسائي والناغي والمتحدة والحمراني وبالبيد والحاج على رضا وشركاه اللي ماعرفناهم إلى هالحين كلهم
وجميع الوكالات كلهم حرامية يمصون دم الشعب السعودي
ويتصرفون على هواهم كيفما يشاءون لا حسيب ولا رقيب
ولاذمة ولا ضمير
أخيرا تقبلوا تحياتي...(( موضوعي بعنوان تجربتي مع الوكالة وعيوب التاهو واليوكون2007 -2012 حذفته إدارة المنتدى بإيعاز من شركة جي إم))وش عذرهم قالوا موضوع قديم!!!!!!!!!!!!!!!!!!!(( لأنه موضوع فند الشكوك حول شركتهم المتهاوية
ولا أستغرب أن تحذف عضويتي بعد تحول موضوعي من طلب التثبيت إلى دائرة الحذف !!!
وأوقفت من كتابة أي موضوع...يمكن أدخل بعضوية ثانية وأكتب اللي أبي !!!!! لكن انا لدي إحترام لإدارة المنتددى بالرغم من كل ما حصل
وشكرا




.

انقذت العناية الالهية شابا 26 عاما بعد تعرض مركبته لخلل زاد من سرعتها اثناء قيادته الى 210 كيلو مترات حيث كاد الخلل ان يودي بحياته ووقوع كارثة بحفر الباطن.
وقال الشاب عبدالله النعيس الطوالة انه كتب له عمر جديد منوها الى ان كان يقود مركبته قادماً من الرياض باتجاه حفر الباطن وقبل وصوله الى منطقة ام الجماجم بحوالي 30 كيلو مترا أي حوالي 210 كيلومترات عن حفر الباطن ، وقام بتثبيت عداد السرعة بسيارته على 120 كيلومترا / ساعة الا انه فوجئ بتحول السرعة الى 210 كيلو متر / الساعة. وأضاف تداركاً للموقف قمت بالاتصال على امن الطرق واخبرتهم بوضع المركبة وطالبتهم بفتح المجال امامي للمرور وابعاد المركبات عن طريقه منوها الى تجاوبهم معه الا انه فوجئ بوجود سيارات امامه وتمكنه من الابتعاد عنها .
وأضاف بعدها اتصل بي مدير مرور حفر الباطن المقدم ضيف الله بن شبيب المطيري وقام بتوضيح آلية توقيف المثبت لكنه بقي معلقاً وتابع معي كل الطرق لمحاولة ايقاف التعليق الا انها باءت بالفشل منوها الى ان مدير المرور طلب مني الموافقة على اطلاق النار على الزجاج الخلفي للمركبة لوقف مثبت السرعة باعتبارها الطريقة السريعة لتعطيله وفعلاً وافقت على الحل وتم اطلاق ثلاث طلقات من مسدس وتم ايقاف التثبيت وقمت بوقف مركبتي على مقربة 20 كيلو مترا من حفر الباطن .
وقال الطوالة انه بفضل الله اولاً ثم بشجاعة مدير المرور وزميله مبارك المطيري كتب لي عمر جديد مشيدا بجهود الجهات الامنية خاصة مرور حفر الباطن .


المصدر

http://www.alyaum.com/News/art/40032.html

الحمد لله على سلامته والله يكفي الشر عن كل مسلم

بالنسبة للي يقول تويوتا سوت استدعاء للسيارات اللي فيها المشكلة !!!!

كيف بالله يعرف المشكلة الا إذا صار على حافة الموت أو توفاه الله وقالوا سرعة زايدة !!

المشكلة من 2008 في سيارات تويوتا الا إذا كان يطلع الواحد سيارته من باب الوكالة ويردها

على الصيانة !!! وش اللي حد العالم على هالوكيل اللي ما يحترم الاوادم لا ويلهف الفلوس لهف

>
>
>
عطنا جهة قانونية تقدر تحاسبه

وزارة التجارة مهمتها حماية التجار وترتيب اوراقهم و عقد لقاءات رسمية مع تجار الدول الاخرى و ترتيب زيارات لهم ولم يكن لها هم المواطن او خدمته ابدا

حماية المستهلك لانعلم عن عملها شيئيا فهي في الماضي كانت تابعة للتجار لانهم هم الذين يدعمونها وايضا يرأسونها وحاليا اصبحت جهة مستقلة لكن ما شفنا نتيجة منهم سوى تصريحات في الصحافة

لذلك لازم اي تاجر مخالف يمد رجليه على كيفه لانه لاحسيب ولارقيب




.
.
.
للاسف هذا اللي حصل و يحصل الان وسيحصل في المستقبل

انا لا اقصد عبداللطيف لوحده بل كل تاجر لاتهمه ذمته و مصلحة الناس

الحمد لله على سلامة الرجال

الله فكه لحضات رعب صراحه

ارجو منه رفع قضيه للوكيل عبداللطيف جميل اولا اذا كان الوكيل بنفسه

ركب المثبت السرعه في احد ورشه الخاصه بالتلفيق

اما اذا كان المثبت مصنعي يصعد الوضع لشركة تيوتا في اليابان ،،

اما اذا كان مركب مثبت السرعه عند مختص في احد المحلات التجاريه للاكسسوارات

فهو غلطان لان في ناس طاحت في هذي الشغله تركب مثبتات في محلات الاكسسوارات

بمبلغ 1200 ريال ،،

ع العموم الله يكفينا شر المصايب

تحياتي لكم

حسبي الله ونعم الوكيل ..

يا انا اكره ذا السياره وعلامه تويوتا بكبرها

اللي روعت قلوب مساكين مالهم ذنب .. وناس راحت روحها لربها بسبب ذا السياره

والله يانا شوي وابكي

يوم شفت المقطع والاند طاير والرجال داخل السياره وهي تتحكم فيه بسرعه عاليه ومرعبه

وهو مو قادر يسوي شي ويرجو رحمه ربه

واللي يقهرك زياده

لا زالت بعض العقول العقيمه

الاند احسن موتر ولايخرب ابد !

ياعمي تبي تموت اذبحك نفسك لحالك , ولاتحط ارقاب ناس بذمتك

ولازالت سالفه دعسه البنزين .. لكن تغيرت القصه واحداثها واسبابها

بحثا عن مخرج

200 الف ؟ بعد اللي شفت لو قيمته بـ 50 الف ماشريته

لازم يشوفون لنا حل .. حتى لو هي كذب وش مصلحتهم ؟ وهذا الرجال طالع ويتكلم وش مصلحته ؟

ماقول الا الله يجزاه خير , غيرهم مو مستعد يقول اللي صار حتى لو يموت

لكن مانقول الا الله يحفظ المسلمين من كل شر يارب

ويحفظ اصحاب التويوتا من التوابيت اللي معهم

اضافه دليل جديد فديو

http://www.youtube.com/watch?v=C5o2DArC5W8&feature=player_embedded

للاسف وما زالت المشكلة مستمرة ولا يوجد اي تدخل من حماية المستهلك او وزارة التجارة ولا وزارة الداخليه
فالموضوع ليس ببسيط الموضوع فيه اشغال لسلطات وايضا في خطوره على الارواح من في الطريق

وهذا نفس الخبر على صحيفة سبق
http://sabq.org/sabq/user/news.do?section=5&id=35948

طيب عطنا لفته بسيطه عن الوكيل اللي قاعد يبيع هالسياره
على الاقل كان لفت النظر شوي ..
لكن هذا حالنا مطبقين هالحكمه
السكوت من ذهب

الله يستر علينا بس

الرجال نزل بر ، أشوى ما انقلب عليه الموتر
مشكلة إذا كانت التقنية بالسيارت أغلبها كمبيوتر ، لازم يضعو سويتش أمان يدوي ، ولا بنكون تحت رحمة الكمبيوتر في حال تعطل

حتى في امريكا المشكله ظهرت لكن عندهم اجبرو تويتا ورئيسها يبكي ويعالج المشكله
والله اعلم كم نفس توفت من هالمشكله وقالو سرعه زائده

حسبي الله ونعم الوكيل