يا اخوان عندي مشكلة قديمة وكانت حالتها مستقرة والآن السيارة تحتضر... من فترة والسيارة تضعف كهربتها من لمبات داخبية ولمبات الطبلون مع فتح وغلق النوافذ.
والآن تطور الموضوع واصبحت السيارة وهي ماشية عادي وفجأة لمبات الطبلون كلها تولع والمسجل يطفي حتى مثل انقطاع للكهرباء لمدة 2 او 3 ثواني وترجع تشتغل والساعة يتعاد الضبط حقها على 12 واحيانا تطفي السيارة ,
والشي هذا يحصل مع فتح او غلق النوافذ واحيانا والسيارة ماشية طبيعي. والغريب والاهم في الموضوع انه قبل يومين لما حصلت مع فتح النوافذ اشتغلت مساحات الزجاج الخلفي لحالها ...واحيانا مروحة المكيف الخلفي تشتغب وتطفي.
ورحت اغلب الورش المختصة والمعروفة وخاصة فحص الكمبيوتر ولا فائدة حتى العالمية للسيارات ما حلوها.
اول شي رحت عند واحد عنده جهاز TECH2 ولا طلع اي مشكلة وفحص البودي كنترول وحسب الجهاز سليم.
ورحت واحد ثاني عنده جهاز OTC ولا ظهر شي غير كود غريب وهو.....
B0428 Temperature control #3 (rear) circuit malfunction
وبحثت في الانترنت على الكود ووجدت نفس هذا الوصف الي فوق واحيانا وصف آخر لنفس الكود وهو
B0428 - Air Mix Door #3 Inoperative Error
وارجوكم ساعدوني فيها لانها من المشاكل المعقدة ولا تنحل بسهولة.....
وبالنسبة لي جا في راسي انه ممكن يكون من الـbody control
لانه حتى الريموت ما يقبل البرمجة العادية لعطل غير معروف في السيارة.
وفكرت اشتري بودي كنترول وابرمجه لكن سألت كم ورشة تقريبا رفضوا ويقولوا ممكن تزيد المشكلة ويتأثر الجيربوكس او المكينة ويمكن تروح السيارة........
وواحد قال لي شغلة غريبة شوي انه افصل الاصابع حق البطارية اوصلهم مع البعض السالب والموجب حق 10 ثواني وحسب كلامه عشان تتفرغ الشحنات وبعدها اوصله واخلي السويتش مفتوح من الليل الى الصباح.
وبصراحة ما اقدر احكم على كلامه .....
وهل ممكن البودي كنترول يكون عطلان ولا يظهر مشاكل على الـscantools
لانه بعضهم قال مستحيل يكون خربان الا اذا ظهر في الجهاز.
وللأخ حبيب الجميع ..مركز جوانا هل الكود مر عليك لانه الي فحص بالجهاز يقول انه الكود معناه انه واحد من الافياش الثلاث حق الكمبيوتر ساخن وهو الثالث من اليمين او من اليسار وبصراحة ما عندي علم اذا هذا هو معنى الكود لانه نادر ظهوره.
والسيارة trailblazer 2005
