infiniti m37 تحت التجربة لإستفساراتكم..

وربي ان هالسياره بنت اجاويد ماشاء الله اصيله واختيارك ممتاز الله يعطيك خيرها ويكفيك شرها

اكثر شيء عجبني الاتقان في تركيب الديكور الداخلي :xyxthumbs:
اكثر شيء ما عجبني عدادات السرعه حسيتها شوي تقليديه :blue:

استفسار يالغالي ... شلون تبريد المقاعد في الظهر؟؟ وشلون كفائه المكيف بالحر؟؟

الله يبارك فيك وجزاك الله خير.. وابشر اخوي ان شاء الله المساء انزل صورة لداخلية السيارة في الليل..



الله يحزاك خير اخوي وضح النقاء

بالنسبه لل 37 سبورت تقريباً 233 الف

وال 56 سبورت تقريباِ 255 الف

حياك اخوي.. ومشكور..

السبورت مو متوفره اصلا ولكن سعرها تقريباً 233 الف

حياك اخوي ومشكور على حضورك والله يجزاك خير..

بالنسبه للآزرار..

من اليمين فوق الزر هـذا وظيفته ايقاف نظام عدم مغادرة الحارة والنقاط العمياء..

اللي بعده في النص هذا يقفل الحساسات حقت السيارة..

واللي بعد معروف حق نظام الانزلاق..

تحت واضح زر حق فتح الشنطه والثاني حق الستارة..

طبعا الفاضي هذا مكان زر تدفئه الدركسون.. بس مو متوفر في سيارتي..

بالنسبه للآزرار خلفيه فيه نظام تحكم في التدفئه وتحريك المقعد في اتجاهين.. بالإضافه الي التحكم في الستارة الخلفيه واطفاء التحكم في المقاعد.. وبالنسه للإيقاف الأزرار من الدرج الامامي اعتقد لاني شفت زر بس ما دققت فيه يبي لي اشيك عليه..

بالنسبه لصرف البنزين الصراحه حلو يشيك التانكي مليان تقريبا 500 كيلو.. طبعا حجم التانكي 80 لتر..

والعزل رائع جدا جدا واللي يقول ان عزل اللكزس افضل اقول له روح جربها قبل تحكم.. السيارة من ناحية العزل ممتازه جداً..

بالنسبه للشيء اللي شدني هو شغلتني نظام التكييف عجيب ويعطي روائح ويدخلك جو عجيب.. والشيء الثاني نظام مغادرة الحارات والرادار... صحيح انه صعب في البداية التعود عليه بحكم القيادة في بلدنا نوعاً همجيه ولكن النظام بحد ذاته اشوف مفيد جدا خصوصا اذا الواحد سرح بشغله بسيطه السيارة بنفسها في حال تشغيل النظام تضرب فرمله وتقاوم خروج السيارة من المسار..

ان شاء الله اكون افدتك اخي الكريم

.
.
.
الله يعطيك من خيرها ويكفيك شرها ان شاء الله

ومركوب الهناء والسعادة ان شاء الله

س: كم سعر الـ 37 فئة السبورت؟ وفئة الـ 56 سبورت؟

تحياتي

اول شيء اعتذر عن ردي الاول نسيت ما اباركلك

مبروووك والله
الله يعطيك خيرها ويكفيك شرها
وما شاء الله اختباار موفق جدا والله


ممكن طلب ؟؟

ممكن تصور السيارة من جوا في الليل ؟؟
دورت في النت اشوف لها صور من جوا في الليل ما لقيت

ما شاء الله تبارك الله ... يا الغالي عندك علم بسعر فئة السبورت ؟

ماشاء الله تبارك الله
الله يطعمك خيرها ويكفيك شرها
وفعلاً انا سويت لفئة السبورت منها تجربة قياده في دبي وعشقتها واعجبتني رساوتها ومطباتها رغم ان كفراتها 20 ( او لأن شوارع دبي افضل من شوارع الرياض :) ) وانا ان شاء الله ناوي على نفس سيارتك بعد ماقارنت مواصفاتها مع الفئة الخامسه والآي 6 والجي اس الجديده ولقيت ان الانفنيتي تتفوق عليهم من ناحية السعر بنفس المواصفات الموجودة لفئة ال 6 سلندر

اعذرني لأني ما اقدر احط الصور ثانيه عشان كذا ابي اتعبك معي شوي :)
ياليت تشرح مهام الازرار اللي في الصورة السابعه اللي فيها ايقاف نظام الانزلاق

وبالنسبة للأزرار للمسند الخلفي ، هل هو تدفئة مقاعد أو مساج ؟ وهل فيه امكانيه اني اطفي التحكم فيها من خلال الدرج امام الراكب الامامي ، عشان امنع عبث الاطفال فيه ؟

وكيف انطباعك الاول عن استهلاك البنزين والعزل الصوتي ؟
وياليت تذكر اهم المواصفات المميزه فيها وشدت انتباهك
وآسف على الاطاله
ومره ثانيه ألف مبروك على السياره والله يطعمك خيرها ويكفيك شرها

والله للاسف ما كانت موجودة وما كانت في بالي اصلا بس اظنها كانت في بححر الـ 190 الف..

اخوي طيب الـ m37 الممتازة كم سعرها ؟؟

الله يجزاك خير ومشكور على التعقيب اخوي تروك.. وصحيح الجنط الـ 20 رائع بس مشكلته الازعاج في الخط ..

تحياتي



الله يجزاك خير اخوي محمد ومشكور على الرد..

وان شاء الله نفيد الأعضاء باللي نقدر عليه..

تحياتي



الله يجزاك خير اخوي بورش..

بالنسبه للسعر طلعة علي بـ 220,650 ريال شامل التأمين..



الله يجزاك خير اخوي فتى الحجاز..

بالنسبه للثبات السيارة ما شاء الله راسية جداً والتحكم فيها رائع بالنسبه للهواء والله ما جربتها في خط طويل حتى الآن ولكن ابشر بس اجربها اعطيك خبر..

تحياتي

ماشاء الله لا قوة إلا بالله

الله يعطيك خيرها ويكفيك شرها

بس حبيت استفسر ياغالي عن ثبات السيارة وتحكم الهواء فيها ؟

ما شاء الله تبارك الله , الله يعطيك خيره ويكفيك شره يا رب ..

سيدان جداً فخم ما شاء الله , وانا شخصياً معجب فيه وبقوه لمدى الفخامة والتقنية بهالسيارة , وشغل محترف من انفنتي :xyxthumbs:


لكن حاب اسألك , كم طلع سعر السيارة النهائي ؟

عليكم السلام ورحمة الله وبركاته

الله يعطيك خيرها ويكفيك شرها .. سيارة مميزة ماشاء الله تبارك الله

مواصفات ممتازة واداء رائع وتصميم جذاب وجميل جدا

اشكرك على مشاركة اخوانك بتجربتك عسى الله يوفقك لكل خير

اخوكم محمد الحربي
VIP 111

مشالله تبارك الله

يعطيك خيرها ويكفيك شرها أخوي

زين ماأخترت أفخم سيدان ياباني عندي

وأجملهن مع الجنط الــ20 اللي فالسبورت:xyxthumbs:

وما قصرت على تنزيل الموضوع لأفادة الأعضاء,,,:xyxwave:

مشكور اخوي على تعقيبك.. واتفق معاك في موضوع الحمراني.. ولكن فيه خبر مو مؤكد 100٪ انه الوكاله راح تنتقل لوكيل جديد وفي الغالب حسب الاشاعات انه بياخـذها الجفالي والله اعلم..