للنقاش :هل زيادة سعة المكينة سبب في عمر اطول للمحرك؟

ليس شرطا بل العامل المؤثر هي المعايير التي يصنع عليها المحرك من امصنع وأقرب مثال نرى في الشوارع كورلات م 89 ودداسن اكل عليها الدهر وشرب ومحركاتها 1,3 للكورلا
و1,8 لددسن القديم
وإن كان عامل السعة اللترية مؤثر فأين الكوابرس موديلات 2000 و02 فضلا عن الصابونه التي تكاد تنقرض وأما كابرس 90 وتحت ما يحتاج كلام الشارع يشهد له

^^^

تتأثر أكيد وعشان كذا كثير شركات تصنع محركات بسعه كبيره وأحصنة قليله

عشان ترتاح المكينه وعزمها يدوم سنين طويله والشيء هذا ملاحظ في الجيوب

لانها تحتاج عزم قوي ومكينه مرتاحه فتلقى مثلا 6 سلندر ويادوب 200 حصان

طيب بالنسبة لمحركات صغيرة وتضاف اليها سوبر تشارجر او تريبو وتنتج عدد احصنة كبير مثل اودي 3.0 وتنتج 300 حصان وغيرها من المحركات الاصغر

تعتمد على سعة المكينة و وزن السيارة
ونسب تعشيق القير علشان يخلي المكينة مرتاحة على الخط السريع

يعني السوبربان مكينته كبيرة لاكن وزن السيارة كبير
والبيجو صغيرة والمكينة حجمها مناسب لاكن على الخط السريع
وانا على سرعة 120 عداد سرعة دوران المحرك على 3000rpm (كثير جداً)

بس انا افضل الفورد كراون فكتوريا
حجم المكينة كبير و وزن السيارة ممتاز بالنسبة لسعة المحرك
والقير يخلي السيارة على 1500rpm على سرعة 120

كلما كانت السيارة هدين بشكل حرف V تكون مريحة مكيانيكيا وغالبا هي 8 سلندر
و6 جيدة و4 بالمحافظة تدوم اكثر

المهم أن تكون السعة اللترية مناسبة لوزن السيارة و تقدر على تحريكها. مثلاً سيارة مثل سوزوكي ألتو , هذي لو محركها 1200 سي سي فهو كثير جدًّا عليها! يعني تجاوزت الحد الأدنى بواجد :bigggrin:.
بينما فولكسواجن جيتا مثلاً و مكينتها 1600 أشوفها غير مناسبة لوزن السيارة.
و الأمثلة كثيرة.
فعند ذكر سعة المحرك لا بد من ربطها بوزن السيارة.

أيضًا تصميم القير بأن يحوي سرعات أكثر هذا يفيد المحرك لأنه يبقي المحرك على سرعة دوران أقل كما لاحظت في المرسيدس الفئة S .

يعني عمر المحرك ما أشوف أن له علاقة بعدد الأسطوانات بقدر السعة المناسبة للوزن و بقدر ناقل السرعة.

بعدين محركات 8 سلندر تكون برأسين. المحركات الي تيجي راسين يعني على شكل V هذي مشاكلها أكثر من المحركات ذات الرأس الواحد و أكثر تعقيد و تكلفة في الصيانة.

الكلام صحيح وللمعلومة الكلام غير مرتبط بالسلندرات على وجه التحديد

بل على السعة اللترية يعني مثلا محرك 4 سلندر سعته 2.5 يكون مرتاح أكثر من 6 سلندر سعته 2.2

كل مازادت السعة اللتريه قل الجهد المطلوب لاستخراج القوة الحصانيه للمحرك وبكذا المكينه تكون مرتاحه أكثر فيطول عمرها أكثرا

بس غالبا وجود علاقه بين عدد السلندرات والسعه اللتريه فكل مازادت السلندرات يكون منطقي أكثر تزداد السعه

وتحياتي لك ,,,