هل يوجد هنا مالك لكرايسلر 300C 2011؟؟!

شكرا على الرد

حركه العدسات يعني لما تلف الطاره يمين النور يلف يمين وهكذا

اما بالنسبه لمواعيد الوصول فيه بعد شهر وفيه بعد شهرين وشوي
اما بالنسبه للجنوط 20 الموظف يقول ان شاء الله !!
اللون إلي حجزته ابيض عاجي

والله يتمم هالبيعه على خير

اخوي الدفع الرباعي ماله لازمه بالذات في السيارات الامريكية السيدان
ولعلمك اهميتها عندهم سبب واحد بس..
اللي هو الظروف المناخية المختلفة عننا
يعني عواصف ثلجية وامطار غزيرة وقتها يفرق معك السيدان لمن تكون دفع رباعي من ناحية الرساوة والثبات ..ام عندنا الحمد لله اجوائنا ممتازة
ثانيا صيانتها مكلفة وقطعها الميكانيكة تختلف عن الدفع الخلفي ..
تقبل مرووووووري :)

تسلم على الافاده
بس وش تقصد بحركة العدسات ؟ وهل تأكد جنوط الـ20 للفل كامل ولالا ؟ وش اخر موعد عطوك اياه لوصولها ؟ واي لون انت حاجز ؟

الرادار والزينون وحركة العدسات و البانوراما هذا إلي اعرفه

والله ما اقدر افيدك بشي

ياليت يكون في مزيد من التفاعل في الموضوع
خصوصاً من الأخوان الي قالو شيك على السيارة وهي جديده بدون مايوضحون وش يقصدون !

الا على فكرة محد يعرف وش الفرق بين النص فل والفل كام V8

الله يبارك لك في السياره ولكن عفوا اخوي علي موديل سيارتك كم؟ وكانها 2011 ياليت تتكرم وتعطينا رأيك فيها بعد تجربتها بالتفصيل الممل خدمه لنا نحن ملاكها المستقبلين بإذن الله وجزاك الله خيرا

الكريزلر سيارة رائعة وجميلة وفخمة لما تسوقها تحس انك تسوق سيارة فعلاً.

لكن

وكيلها فاشل وبفوة وهو يذكرني بوكلا سيارات فولفو وسباروا السابقين الذين حطموها وهي اشوفها من افضل السيارات ولكن سياسة الوكيل الفاشلة جعلت الناس يبعدون عنها.

على الرغم من تغيير الوكلاء الا ان الناس ماخذين نفس الفكرة ولن يستطيعون تغييرها الا بعد فترة من الوقت.

قبل اشتري السي 300 كنت ابي اشتري فولفو خاصة بعد تغيير وكيلها وسمعت بان اسعار قطع الغيار انخفضت ، ذهبت للوكالة وسألت عن اسعار القطع الاستهلاكية فوجدتها 2300 ريال فقط ، تصور فلاتر وبواجي وفحمات تكلف هذا المبلغ!!!

على كل حال شريت مريزلر 300 سي ، الحمد لله مرتاح معاها زإن شاء الله لن اندم على شراءها ولكن وكيلها الفاشل احدى المنغصات التي تقف عقبة في سبيل انتشار هذه السيارة.

الموظف المصري هو احسنهم بخريص محترم ويعطيك المعلومه
تراه اصلع ووممكن عمره 50 وقالي ان السياره لن يتعدى سعرها 175
الله يستر لا يغيرون رايهم خاصه اني دافع عربون على اساس هالسعر

الف شكر :smile:

ونصحيتي لا تدفع ولا ريال لين تشوف السياره بعينك وتتاكد من كل شي على الواقع لان وكالاتنا ما تنضمن

شارط عليهم 20

بس افحص الموتر من اي ناحيه خاصه انه جديد ؟

ترا مكينتك هيمي ههه الرمل يوخر عنك

الموهم مبروك مقدما زين ماأخترت

لاكن الجنط لايكون أبو 17 أنش الكروم تراه حق الستاندر الهيمي فل 20:wink:

وأفحص الموتر زين أول دفعة,,,:xyxwave:

الدفع الرباعي ينفع في حاله الامطار انا معي لومينا اس اس مرتين زلقت فيني بس ربك ستر
وايضا الدفع الرباعي يعني ثبات اكثر لأن
الدفع الخلفي كأنك تدف كرتونه بيدك وماتدري وين تتجه له
اما الامامي كانك تجر كرتونه بحبل وانت قدامها يعتبر احسن من الخلفي بالثبات
اما الرباعي مثبت صح بالارض
غير انه ممكن تدخل برمل خفيف مثل رمال شاطئ نصف القمر:smilie16:

الهيمي فل كامل بانوراما 2012 175الف ريال
الليميتد سته سلندر اعتقد 153 ألف ريال

جزاك الله خير على النصيحه وفعلا كلامك صحيح

الدفع الخلفيييييي مايمشي في امريكاا خاصتا في الولايات الي تعاني من الثلوج والفرييز مثل ولاية اليينوي لذالك الدفع الرباعي مطلوب هناااا

مدري وش ودك بالدفع الرباعي ؟ اذا الثلوج ماعدكم على اش الدفع الرباعي