السلام عليكم ورحمة الله وبركاته
اتمنى الجميع يكون في تمام الصحه والعافيه
يوم امس انا حضرت معرض الحارثي للسيارات بجده وكان المعرض مخيب للامال تماما وانصح اللي ماراح انه مايروح والغريب في الموضوع انه المعرض الموسم السابق كان جيد بحضور عدد كبير من الشركات الا انه السنه هذي سجل تراجع لللاسف مادري ليش رغم اني توقعت السنه هذي راح يكون في تقدم وزيادة عدد الشركات لكن للاسف حدث العكس يعني بدال مانمشي قدام نتراجع للوراء مصيبه بصراحه
ومالفت انتباهي هذي السنه اللي تميز تويوتا بالمعرض بصراحه ابداع من كل النواحي سواء بالصدارت الجديده او الاستقبال المميز من قسمهم للجميع الزائرين وكان هناك عدد كبير من موضفيها والمميز انهم كلهم من فئة الشباب والاحلى انهم كلهم كان عندهم المعلومه و الجراه واللباقه وحسن المضهر بصراحه اعجز عن وصفهم لانهم كانو رائعين مايتاخرو في خدمتك والجواب على اي استفسار تطرحه وطبعا المميز كان في قسمهم وجود السياره الكونسبت اف تي 86 الذكيه السياره رائعه فيها من الابتكار الكثير محركها 2.0 لتر 200 حصان بالعرض ودفع خلفي وهذا مايجعل السياره اكثر رساوه مثل السيارا الرياضيه زي البورش مثلا وكان شكلها رائع وكمان حيكون سعرها جدا مميز لانه فكر الشركه هو المتعه في القياده والجوده وتقليل تكلفة السياره بصنعها محرك صغير لكي يتناسب السعر مع المواصفات وهذا توجه جيد منهم وراح تنزل السياره نصف سنة 2012 والسياره الاخرى هي كامري 2012 وهي اميز ماكن في المعرض الغريب انه اول ماشفناها كان هناك انتقاد لعدم وجود سقف بانوراما وحجم اكبر للجنوط ولكن بسرعه تغيرت نضرتنا لها عند حيثنا مع الموضف الموجود بجوار السياره وسالناه عن حاجات كثيره اهما انه في سيارات منافسه وبنفس السعر يوجد فيها سقف بانوارمي وجنوط بمقاسات اكبر واضائه خلفيه ليد لماذا الكامري مو موجود فيها الاشياء هذي رغم انه اللحين حنا ستة 2012 يعني متى كامر بتنزل بالمواصفات هذي ؟؟ رد عليه الموضف بانه السياره لها سعر معين لانستطيع تجاوزه وهناك امور كثيره موجوده بالكامري بنظر الشركه اهم من الشكل الخارجي واللي هو محرك اكبر للراحه وايضا المتعه الموجوده في قيادته بشكل لايضاها ولايتقارن مع السيارات المنافسه وجوده في المواد الداخليه عاليه جدا وذات قيمه كبيره ومقاعد جدا مريحه لاتوجد في السيارة المنافسه وتقنيه عاليه بتشغيل ودخول ذكي وايضا وجود شاشه وكاميرا خلفي وامور ممتعه اكثر داخل السياره وهدف تويوتا من كامري الجديده هي المتعه في القياده ... وبهذا الكلام استنتجت انه تويوتا نظرتها وتوجها اختلف عن السابق وسالته عن التشابه بينها وبين سوبارو ليجاسي وايضا اف تي 86 هناك سياره بتنزل من سوبارو بنفس الشكل ؟؟؟ قال نعم والسبب انه حاليا في شراكه بين الشركتين لكن مافي تشابه كبير بين السياراة وقلي بتشوف انه هناك اختلافات وبتلاحضها بالمستقبل
النقاط اللي اتمنى تناقشوها
1- تراجع المعرض للوراء بدل التقدم شي غريب.
2- هيونداي استغلت كل زاويه من المعرض وكأن المعرض معرض للناغي ذكاء الوكيل ام تعليمات الشركه الام.
3-عدم حضور شركات كانت حاضره العام الماضي وكان تواجده مثير للاهتمام واضاف للمعرض الكثير مثل نيسان _ وشيفروليه _وكيا _وسوبارو_وبيجو_والكثير ايضا من شركات الدراجات الناريه وسيارات السوبر.
4-واهم نقطه هي تويوتا ونظرتها وتوجها الجديده بالكامري الجديده هل ستنجح.
للاسف لم ارفع صور للمعرض رغم توفرها وذلك لانها لاتستاهل الجهد للرفع وممكن اضيفها بالموضوع قريبا.
