لأصحاب الكابرس فقط

اخوي سفري99

الكابريس من موديل 2000 الى 2003 هذا كل فيه خربات لانه السياره جديده ومتغيره باكامل انا ولد عمي كان عنده كابريس موديل 2001 جاب له الشيب من الخربات وباعه بس هو معه اشخاص في العمل عندهم كابريس نفس الموديل وماشافو خربات ولا شي والكابريس من موديل 2004 الى 2006 قلت خرباته وموديل 2007 وفوق الكابريس تحسنت جودته وانا عندي لومينا 2007 والحمدلله ماشفت منه شي لا القطع الاستهلاكيه

املك موديل 2007 ماشي 122 الف كيلو ماشاءالله تبارك الله

ماغيرت فيه غير رمان خلفي وكراسي مساعادات بسبب حفر مكة وجدة

اسوء شي في السيارة مسجلها خايس جدا دايم يعلق

ننتظر باقي أخوان للأفاده بشكل اكبر

والله انا من عشااق الكابرس ومستحيييييل اشيلو من خياراتي مهما كثرت يبقى اول شي الكابرس بعدين الباقي

يارب ارزقني بـ( اس اس) وكل من يتمناها :smilie20:

وعلى حكايت الخرابات والله معد عرفنا مره واحد يجي يقول والله سياره تحب الورش يجي واحد ثاني يقول والله سياره مريييحه مافي زيها .. اهم شي انو هذا الكلام ماراح يغير فيا شي

من زمان وانا احتاج هالموضوع


للعلم انا معي فكتوريا 2004

ومشاء الله كرفته كرررف الويل

وحان موعد بيعه

وفكرت ازود عليه شوي واخذ كابرس 2007 او 2008
لكن متخوف شوي من موضوع الحراره

ايضاً افكر اخذ ال اس بدل عن الال تي زد لانه غالي شوي

ممكن اعرف الفرق بين الأثنين ؟

وش الافضل v6 او v8

وخرابات السته والثمانيه سلندر ؟

شكراً ،،،

السلام عليكم

انا سجلت في المنتدى عشان ارد عليكم بحكم تجربتي مع الكابريس وعدة موديلات لمدة 10 سنوات

بدات مع كابريس 2001 LTZ فل كامل فتحه وجلد فكيته من الوكالة

السيارة جاني فيها مشاكل كثيرة

من اهمها اختلاط زيت القير مع موية الراديتر وهذي سببها ان الصفاي حق زيت القير او المبرد موجود داخل الراديتر وهو عبارة عن قطعة بلاستيكيه وتنكسر مع الحرارة وتسبب اختلاط المويه مع الزيت

طبعاً القير صار فيه مشكلة في التغيير من الثالث للرابع يطول شوي وقلت ماراح اوضبه الا اذا خبط
المشكلة اللي صارت للقير صارت والسيارة ماشية 65 الف تقريباً

وبعدين صار عليها حادث وراحت تشليح والحمد لله على كل حال ووقتها كان ممشى السيارة حوالي 100 الف

والعيب الثاني هو ان الفرامل كانت تنتهي بسرعه ، يمكن انا اسرع بالسيارة كثير لكن مره من المرات غيرت الفحمات بعد 5000 كيلو من اللي قبلها!!! وفي افضل الحالات الفحمات تجلس معي 20 الف كيلو وكل تغيير يكلف 780 ريال تقريباً عند الوكالة لانهم اجباري يخرطون الهوبات

طبعاً الصيانه والتغيير كله في الوكالة

ومن اهم عيوب السيارة المكيف تعبان جداً وفي عز الصيف يحتاج وقت طويل عشان يبرد

السيارة عزلها للصوت سيء ويجي فيها قرقعه بعد فترة من الاستعمال

انا من النوع اللي يحافظ على السيارة بشكل كبير لكن السيارة ماتستاهل ان شخص يشتريها بفلوسه اللي تعب عليها خصوصاً ان اسعارها زادت بشكل كبير

بعدها بفترة صديقي شرى كابريس اس اس 2004 فل كامل وصارت له مشاكل في السيارة من اهمها انها صارت تطفى وهو يمشي وتطفى وهو واقف ومابقى ولا لمبه في الطبلون ماولعت غير بعض المشاكل الثانوية ووداها للوكالة واكثر من ورشه وخسر عليها مبالغ وما قدر يحل المشكلة وباع السيارة

حالياً معي كابريس 2010 ال اس 8 سلندر
بتقولون اكيد ذا مهبول وشلون يسب الكابرس ويشتريها خخخخخخخخخخ
بس السيارة صارفينها لي شغلي


الكابرس نازل جداً ويحك في كل مطب تمر عليه

ومرتبة الراكب الديكور اللي تحت الكرسي منكسر!! بكل سهولة انكسر مع انه قليل يركب معي احد
والديكور الجانبي مكان الراكب من الجهه اليسرى انفك وحاولت اكثر من مره ومارضى يركب بشكل صحيح
احيانا المكيف يطفى وهو شغال <<< يبي لها مترجم
اسمع اصوات غريبة في الجهه الخلفية كان الشنطه مفتوحه ماتسكرت مضبوط!!
السيارة ماشيه 20 الف تقريباً وفيها كل هالمشاكل واغلب المشاكل واجهتها بعد ممشى 7000 تقريباً
يعني الموتر يعتبر شبه جديد وفيه هذا كله!!

الكابرس كمواصفات اشوف انه جيد وكمكينه وعزم اشوف انه ممتاز جداً لكن كسيارة تبي تستخدمها وقت طويل مثلاً 4 سنوات او اكثر تقدر تقول مستحيل

والدليل شف كيف الموديلات السابقة منقرضة من الشوارع

انا ما انصح اي شخص انه يشتري كابريس ابداً ولو يبحث عن بديل بنفس السعر افضل له

خصوصاً مع ارتفاع اسعارها الى 120 الف واكثر
تقدر تاخذ افالون فل كامل مريح وعملي ويمسك سعره اذا جيت تبيعه وقطع غيار رخيصه ومواصفات افضل

او تاخذ لك دوج شارجر فل كامل سيارة رياضية وشكلها حلو وصيانتها ممتازة وصناعتها امريكية 100% واكسسواراتها متوفرة سواء على النت او في السعودية

انصح اي شخص يفكر يشتري كابريس انه يعيد النظر اكثر من مره خصوصاً مع سوء الوكالات تبعها عندنا الجميح سيء جداً والعيسى اسوأ ومراكز الصيانه دائماً زحمه

انا شخص اغير سيارتي كثير وبعد تجربتي لتويوتا ولكزس مستحيل اشتري امريكي ابداً

اللي ميزانيته توصل 180 الف ياخذ له ES واللي ميزانيته في حدود ال 120 ياخذ افالون

هذي سيارات سيدان مقاربة للكابريس في الحجم لكن اقل من الكابريس من ناحية الميكنة بس الواحد يشتري راحة باله

فكر كثير قبل لاتشتري الكابريس والله يكتب للجميع التوفيق

والله اعلم

أنا من عشاق الكابرس وتعجبني تصاميم الشفروليه لسياراتها عموما
مثل الكابرس والكورفت والكمارو يعني تصاميم جباره بالنسبه لي

وأنا افكر هذي الفتره أخذلي كابرس رويال :c0214:
بأذن الله لاكن متخوف نوعا ما من نزول الشكل الجديد :(

بالنسبه لموضوعك وخرابات الكابرس والله كلمة حق بقولها من واقع تجربه من صديق مقرب لي والله العظيم شراء كابرس رويال مستعمل 2008 وبعد مايقارب الشهر والنص باعها وقبل لا يبيعها كل يوم قايلي فيها شي حراره ترتفع عليه وكل يوم مصورلي أيها ومرسلي على البلاك بيري صوره لها وهي في الفحص وصوره وهي في الورشه
ويقول البنزين يصرف مره أتوقع بالنسبه لي . .

لاكن بانسبه لي والله الموتر عاجبني مره :xyxthumbs:

حبيت أشارككم بهذي المشارركه بالنسبه لهذي السياره :xyxwave:

صباحكم \ مسائكم خيــــر ...

انا عندي كابرس LS 2011 ... والسياره ماشاء الله تبارك الرحمن زي الحلاوه ..

لكن الحق ينقال بعيدا عن التعصب .. السياره مريحتني بالحيل وماشي عليها 25 الف كيلو ..

بالنسبه للـ LS عيبها انها مرتفعه نوعا ما عن الفئات الثانيه فنزلتها بتلحيم لفتين من اليايات فصار
ارتفاعها تقريبا زي الاس اس صح ما صارت مريحه زي اول لكن ينبان لك الفرق وانت داعس وتاخذ لفات
تحس السياره حاضنه الارض ..

الشغله الثانيه اللي فيها اللي هو عزل الهوا مو ذاك الزود يعني مو العزل المطلوب لكن يمشي الحال ..

هذا وصل الله وباارك ..