Close
تسجيل الدخول



عيوب كادينزا 2011

السلام عليكم كل عام ونتم بخير بالف خير ان شاء الله اعاده الله علينا وعلى المسلمين جميعا بكل خير في هذا المقال حبيت اوضح للي مابعد شرى السياره

صفحة 1 من 2 1 2 الأخيرةالأخيرة
النتائج 1 إلى 8 من 13
  1. #1
    تاريخ التسجيل
    21-10-2011
    المشاركات
    133
    منشن في
    0 موضوع
    معدل تقييم المستوى
    13

    عيوب كادينزا 2011





    السلام عليكم

    كل عام ونتم بخير بالف خير ان شاء الله اعاده الله علينا وعلى المسلمين جميعا بكل خير

    في هذا المقال حبيت اوضح للي مابعد شرى السياره علما بان موديل 2012 يقولون انه صلحو
    هالعيوب لكن ماعتقد ....!!

    هذي عيوب الكادينزا 2011 نص فل كامل كتجربه لي انا شخصيا

    1- تنسيم عند سرعه 40/كيلو في الساعه

    2-طقه في القير تجي وتروح مو دايم تسمعها

    3-ماتقدر تقفل السياره وهي شغاله بالريموت

    4- ماتقدر تفتح الشنطه بالريموت وهي شغاله لازم تفتحها من الزر الموجود داخل السياره!

    5-دخول الرطوبه داخل الاصطابات الاماميه خصوصا في الليل

    6-تبديل القير فيها سريع جدا لا اعلم لماذا

    7-اذا كنت ماشي بالسياره سرعه 60/ كيلو في الساعه بالضبط وترفع قدمك عن البنزين
    راح تلاحظ انه السياره ترجع نمره بقوه وكانه فيه احد يسحب السياره من ورى

    8- الكروم الموجود على حواف مساكات الابواب الاربعه يتغير لونها ويصبح بها نقط سوداء
    وهذا دليل انه الجوده ضعيفه جدا جدا علما ان السياره موديل 2011؟؟

    9-علامة الهند بريك الموجوده داخل الشاشه الصغيره لاتراها لان الدركسون مغطي عليها واذا نسيت الهند بريك ماسك وتمشي بالسياره لا يوجد تنبيه بذلك لانه حصلت لي هذي المشكله ومشيت فيها تقريبا كيلوين وانا مادري !!

    10-عند اقفالك السياره بالريموت او بالازرار الموجوده في مقبض الابواب المرايات لاتنصفط جميعها بوقت واحد الاختلاف تقريبا جزء من الثانيه ولكنه ملحوظ

    11- سيت الراكب يهتز !!!! واعتقد انه عيب قوي جدا ومقلق

    12- الستاره الخلفيه ايضا تهتز طبعا هذا دليل على ضعف اعمدتها

    13- تعشيقه القير من الباركينج الى الدي خفيفه جدا ليتها كانت متعرجه وليست بخط عمودي
    لانه تحس انه القير ملعون جده

    14-مسجل السياره السي دي نص فل كامل فقط يحمل سي دي واحد

    15-عند شرائك سياره كادينزا انتبه للكفرات ان تكون صنع 2011 وليست صنع 2010/3

    اعتقد مابقى شي في السياره في الوقت الحالي

    الايجابيات/
    1-سياره خفيفه في الدعسه وقويه

    2- نورها الزينون قوي ويفرش لك الطريق

    3- صوت مسجلها لا باس به جيد حد مستوى الصوت الى 35 وليس كباقي السيارات الى 50

    4- المظهر الخارجي ممتاز

    5-وسيعه في المركبه الخلفيه اوسع من الكامري والافالون والمكسيما والالتيما

    6-صوت مكينتها ناعم والله اعلم فيما بعد هل يحدث بها ضوضا او تضل هكذا العلم عند الله

    7-راسيه السياره عند 160/كيلو وتخف قليلا عند 200/كيلو في الساعه مع العلم اني انسان لا احب السرعه ولكن لابد اجرب السياره للاحتياط

    8-التوقف الفجائي في السياره جميل لحد ما طبعا جربته من سرعته 100/ كيلو في الساعه تحس انها تمسك بصوره واضحه

    9-في المنحنيات جميله ماشاء الله ثابته ماكانك في منعطف يعني اذا جيت تلف بالسياره على سرعه 110/ كيلو ماتحس السياره بكامل بدي السياره يميل لا وكانك في سياره سبورت قريبه من الارض
    فما بالك لو كان الجنط مقاس 18 اعتقد سوف تكون افضل..طبعا متوفر فقط في الفل اوبشن
    النص فل كامل مقاس الجنط 17


    هذي السياره عامة وبحكم تجربتي انا وممشى السياره الى الان ووقت كتابة رسالتي هذي
    1255 كيلو

    بالنسبه لي انا شخصيا كسياره جديده موديل 2011 و 6 سلندر اقيم السياره 7 / 10

    لانه عيوبها اكثر من محاسنها خصوصا انه وكيلها الجبر
    ولكن شاء الله وما قدًر فعل وشريت السياره

    تحياتي لكم





  2. #2
    تاريخ التسجيل
    29-10-2010
    الدولة
    Baghdad\\Amman
    العمر
    29
    المشاركات
    429
    منشن في
    0 موضوع
    معدل تقييم المستوى
    15

    رد: عيوب كادينزا 2011

    بارك الله بيك أخوي عالتقرير و أن شاء الله يفيد الجميع

  3. #3
    تاريخ التسجيل
    13-01-2008
    الدولة
    المدينة المنورة
    المشاركات
    2,604
    منشن في
    0 موضوع
    معدل تقييم المستوى
    298

    رد: عيوب كادينزا 2011

    شكرا لك على التقرير وفقك الله

  4. #4
    تاريخ التسجيل
    15-05-2009
    المشاركات
    123
    منشن في
    0 موضوع
    معدل تقييم المستوى
    18

    رد: عيوب كادينزا 2011

    غريبه ما توقعت أن العيوب هذه كلها في الكادينزا الله يعطيك خيرها ويكفيك شرها

  5. #5
    تاريخ التسجيل
    17-12-2010
    الدولة
    K-S-A
    المشاركات
    521
    منشن في
    0 موضوع
    معدل تقييم المستوى
    14

    رد: عيوب كادينزا 2011

    يعيك العافية

    لكن بالنسبة للعيب الثالث والرابع موجودة في كل السيارات اللي بالمفتاح الذكي

  6. #6
    تاريخ التسجيل
    21-10-2011
    المشاركات
    133
    منشن في
    0 موضوع
    معدل تقييم المستوى
    13

    رد: عيوب كادينزا 2011

    اقتباس المشاركة الأصلية كتبت بواسطة avalanche 4x4 ever مشاهدة المشاركة
    يعيك العافية

    لكن بالنسبة للعيب الثالث والرابع موجودة في كل السيارات اللي بالمفتاح الذكي
    هلا بك اخوي وحياك على المرور العطر

    نعم موجود في الكل
    والاسوء من ذلك انه الريموت مايجي معاه مفتاح فقط الموجود للدرج الداخلي في السياره
    وللشنطه من الخلف

    وهذي مشكله كبيره بصراحه لانه لو ضاع الريموت في يوم من الايام ماراح تقدر تستخدم السياره ابدا الى عن طريق الوكاله ؟؟

    تقبل تحياتي

  7. #7
    تاريخ التسجيل
    26-04-2011
    المشاركات
    191
    منشن في
    0 موضوع
    معدل تقييم المستوى
    14

    رد: عيوب كادينزا 2011

    كل هذي عيوب !! قلنا تغيرت لكن الكيا تظل كيا مهما غيرو فيها

    يعطيك العافية أخوي عالموضوع ، ممكن يكون أفضل انك كتبت العنوان : عيوب و إيجابيات الكادينزا ، لأنك تكبت ايجابيات كثيرة بعد..

  8. #8
    تاريخ التسجيل
    16-01-2010
    المشاركات
    40
    منشن في
    0 موضوع
    معدل تقييم المستوى
    16

    رد: عيوب كادينزا 2011

    طقـة القير سو لها برمجه بالوكاله .. انا سويت لها برمجه واختفت تقريباً .. الشيء الثاني تغييرات القير السريعه اريح للسياره خصوصاً انها ست نمر .. وراح تكون صرفتيها معك افضل .. الشي الثاني انا مالاحظت شي من اللي تقوله علماً ان سيارتي ماشيه 35 ألف حالياً .. والمسجل ست سيديات مو سي دي .. والسرعه اللي على ستين مدري ماجربتها لكن اجربها واقولك .. السياره بشكل عام ممتإزه .. لكن ما ادري عن جودتها .. اذا تعدت الميه نتكلم عنها ..

المواضيع المتشابهه

  1. مقارنة شرسة بين الهيونداي سوناتا >>>>والكيا اوبتيما (2011) ايهم تفضل ؟
    بواسطة M.Suliman في المنتدى نادي السيارات الكورية والصينية
    مشاركات: 135
    آخر مشاركة: 13-01-2012, 05:51 PM
  2. برأيك هل الأوريون أنسب سيارة لي ميزانيتي 120 ألف ؟؟
    بواسطة نجم14 في المنتدى نادي السيارات اليابانية
    مشاركات: 42
    آخر مشاركة: 08-11-2011, 04:53 AM
  3. أول عيوب الاكسبلورر 2011
    بواسطة انا وسيارتي في المنتدى نادي سيارات الدفع الرباعي والعائلية والنقل
    مشاركات: 22
    آخر مشاركة: 05-10-2011, 09:59 PM
  4. شارك برأيك :: ايهم اجمل كيا كادينزا 2011 & كيا اوبتيما 2011
    بواسطة D e s i g n e r في المنتدى نادي السيارات الكورية والصينية
    مشاركات: 72
    آخر مشاركة: 05-07-2011, 11:46 PM
  5. صور جديده ل( كيا تقدم كادينزا 2011 )رسميا
    بواسطة امير ذاتي في المنتدى نادي السيارات الكورية والصينية
    مشاركات: 31
    آخر مشاركة: 03-05-2011, 12:18 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •