اللي يقول اكسبلولر و اكسبدشين و جراند شروكي تراك ماتعرف شي اسمه بر ورب الكعبه
السيارات ديه حق طرق ترابيه مو بر وصخور و تكسير
شوف عندك خيارين : اف جي 12 - رانجلر 12 (11 و تحت انسى الجديد داس عليهم)
المهم انا عندي اف جي و لاعن خيره و ما شاء الله زي الفل بلا مشاكل
و قد خرجت و تعرفت و صاحبت تقريبا 50-60 واحد معاه اف جي و لا احد اشتكى و سب الاف جي
و اعرف ناس كان عندهم اف جي و باعوه و ردوا اشتروه
السياره ملكه تحمل من التكسير و التفجير و حتى الطيراااااان في البر
قد طلعت بر بسيارتي و مع الشباب وحصل اني ركبت في اف جي طايرهههههه و مر علي احد الطلعات اف جي اتنقلب و ما شاء الله من تحمله بس نفخنا كفراته و وشغلناه اشتغل وقدرت السياره تكمل من البر للشارع
في المدينه ما عليك اطلع رصف اطلع مطبات كل حفر اطلع سلم ما يقول بس
الكراسي الاماميه مريحه ولو وزنك 200 كيلو و بطنك طوله نص متر تركب مرتاح زي الحلاوه
العيوب
بالسفر اذا فيه هوا السياره تروح معاك و طبعا هذا الشي موجود باي سياره بنفس المواصفات
المراتب الخلفيه للبعض مو مريحه لحد ما و لكن انا اشوف الدخول لها هي اكبر اشكاليه وليس القعده
القوه ما شاء الله ما يحتاج
هذا تسارع سيارتي (7 ثواني تقريبا) - للمعلوميه السياره مرفوعه و عليها جنوط عريضه
http://www.youtube.com/watch?v=JpBvpb0_jag
و هذا الطيران ههههههه (مو سيارتي)
http://www.youtube.com/watch?v=xyotpJA2ylE 
