شباب ايش رايكم في الجنيسيس كوبيه Genesis Coupe 2012 ؟؟

وصلت الى احد ملاك هذه التحفة :)

قبل 3 شهور كنت مثل وضعك وكنت اسأل عن جودة السيارة.
بس كل الشكوك المخاوف تشتت بعد ماجربت الجينيسيس كوبيه.

انا بحاول اختصر لك قد ماقدر واجاوب على قد اسألتك
واذا عندك استفسار عن اي شي بخصوصها لا يردك الا كيبوردك.

بالنسبة للمواصفات تختلف من وكيل الى اخر في السعودية.

الناغي - المجدوعي - الوعلان.
حسب الوكيل الموجود في منطقتك.
والمواصفات تختلف والاسعار طبعا.
انا خذتها من الناغي. اللي اشوف انه الاعلى سعر فيهم.

113 ألف - اوتو - جلد - نظام دخول ببصمة - تشغيل السيارة بزر - بريكات بريمبو - جنوط 19 انش - نظام انفنتي الصوتي (10 سماعات) - فتحة سقف - تحكم بالصوت والمسجل من الدركسون - مثبت سرعة - قير تبترونيك - دفع خلفي - محرك 3.8 بقوة 306 حصان تنفس طبيعي - تسارع 5.4 ثانية للـ 100 .. مواصفات اخرى ماتحضرني الان.
طبعا ممكن تطلبها بجناح + نظام نافيقيشن لكن تزود بالسعر.

وهذه المواصفات السعودية وتختلف عن المواصفات الخارجية بتسخين المقاعد + النافيقيشن ستاندرد يجي بالخارج فقط.


بالنسبة لعزم السيارة صدقني راح يرضي غرورك كمحب للسرعة.
والثبات والهاندلنق في اللفات ماشاء الله تبارك الله.
طبعا السيارة تفوقت على كل منافسينها من فئة الـ6 سلندر السبورت
( كمارو - موستنج - تشالنجر) في مقارنة وفيديوات بينهم في اليوتيوب
والجينيسيس كوبيه اخذت الاعلى درجات والافضل بينهم.
اسهتلاك الوقود نوعا ما فوق المتوسط.

بخصوص العيوب:
- ضيق المساحة في المرتبة الخلفية
الصراحة اشوف مالها فايدة ماتكفي الا لأطفال.

- اذا انت مو متعود على السيارات السبورت راح تحس السيارة
شوي قاسية خصوصا المطبات والحفر تحسها بشكل اكبر لأن الجنوط كبيره.
وتعليق السيارة رياضي فراح تحس بكل شي بالشارع.

لحد الان هذه العيوب اللي اشوفها.