صوت عجزت اصلحه انا والورش

commander1111 @user_126723 · 25-10-2011

اخواني معي فياقرا كوبيه موديل 2000
الصوت يجي تحت رجلي وانا سايق كان واحد يطق تحت رجلي
الصوت على جميع السرعات الا بعد ال 140 يروح
غيرت كل شي عمدان سحب رمانه بريكات كفرات وما راح الصوت

تربيط كامل للسيارة والصوت ما راح

اخر شي قالو لي سافر عليها والله ما اخفيكم انا خايف اسافر معي العيله ..

يا اخوان الي عنده خبرة لا يبخل علي

الصوت مثل كذا طق طق طق تحت رجلي على دعسه البريك والبنزين وعلى الدركسيون ..وحتى الي جنبي يحس با الصوت ويسمعه
رحت ميزان العضيب وقالي ماهو شايف مشكله بس الصوت موجود....

commander1111 @user_126723 صاحب الموضوع · 25-10-2011

السلام عليكم ..شكرا على الرد الجميل

اخوي الصوت مستمر على جميع السرعات من 20 وفوق والسيارة واقفة مافي اي صوت ولا عند التشغل الصوت فقط عند المشي يختفي على السرعات العالة 120 وفوق تحس انه اختفى لكن هو صار سريع لدرجه انك ما تسمعه

في ايام يروح وما يرجع الا ثاني يوم

يزيد الصوت لما يكون الدركسوين على اليسار ...يعني على اليسار يصير الصوت اعلى من اول لكن لو لفيت الدركسون على اليسار كامل يروح الصوت وعلى اليمين كامل يروح الصوت لكن لما تلف الدركسيون بدرجة خفيفة يعلى الصوت اكثر

طبعا الدودة فحصتها عند الهيدروليك الطائر وعملت لها كبس ...لكن الصوت ما راح

في ايام يكون عالي لدرجه انه مزعج وايام يكون لا يكاد ان يسمع

لما تسكر الدرايش السيارة يصير واضح اكثر ولما تفتح الدرايش يخف الصوت

فني سيارات @user_8460 · 25-10-2011

اذا الصوت يطلع والمحرك شغال و السيارة متوقفة فهو صوت مضخة البنزين او كتاوت مضخة البنزين حتى لو مافيها تفتفه
قد حصل لي من قبل
لان المضخة تقريبا بنفس الموقع المذكور

لو الصوت ابدا ما يطلع و السيارة متوقفة مع اشتغال المحرك
استبعد هذا الامر وقد يكون بليه(بيرنج )بين عمود الشفت يحتاج تبديل
نصيحة لاتسافر قبل معرفة السبب وتصليحه
خاصة ان الصوت غريب وقد يكون في الجير او العمود فكلاهما خطر السفر لو كان منهم
عدم معرفتهم لصوت ليس معناه ان الصوت بسيط
سبب عدم سماعك لصوت عند الـــــ140 هو تلاشي الصوت مع السرعة وليس انتهائه او عدم وجوده

هذا و الله اعلم