الالتيما 2011 , مواصفات رائعة , سيارة متميزة , ولكن !!!

اذا منت مقتنع فيها لا تاخذها عند اخوي التيما الوسطى
كراسي مخمل بدون فتحه بدون شاشه بدون كامره خلفيه 4 سلندر
والالتيما طيارة وحلوة عجيبه من داخل شكل حلو بس لو تاخذ تويوتا اقوى من النيسان كله
حنا بالكويت لما واحد يشتري نيسان ويبي يبيعها تطيح سوقها حيل اما التويوتا تمسك سعرها

شوف انا جبت لك قصة من احد شيوخ الاسلام

هي كلها دقيقتين اسمعها واعطيني رايك


http://www.youtube.com/watch?v=JrsY5MSIXRE

وارجع واقول انا ماني ضد وسائل السلامة ابدا
بالعكس من الحاجات المهمه في السيارات وانا اييدك على اهتمامك بسوائل السلامة

لكن حبت اذكرك انتا وغيرك ان الحماية بيد الله والرسول اخبرنا كيف نحمي انفسنا من كل مكروه
وشباب كثير الله يهديهم مو معترف فيها ابدا ما ادري ليش

اتمنى تراجع ردي مزبوط

انا ما قلت وسائل السلامة مو مهمه ولا قلت ما تفيد

انا الي ابغى افهمك هو ان فيه شي اولى من شي

يعني الرسول اخبرنا عن شي يحمينى والبشر اختعو شي يحمينى ايش الاولى ناخذ
ايش الاافضل تكون في حماية الله ولا تكون في حماية وسائل السلامة

انا اشوف ان الاذكار والتحصينات اولى من ان الواحد يهتم بوسائل السلامة


والرسول كان يتوكل على الله وبعد التوكل باخذ بالاسباب

فهمت قصدي

اهلا بخبير الايدج

شايف معاناتي :smilie20:

هههههههه هو الصراحة على قولك انا طولتها حتى اصحابي والعيلة عندنا قالوا لي طوووووولتها وهي قصيرة ومو عاجبك العجب

لكن لاني ما كنت محتاجها ضروري فكنت ماخذ راحتي في الوقت وعندي اقتناع ان وكلاءنا كلهم مغالين بالسعر وهم يجتمعوا مع بعض - كما حصل ايام الازمة العالمية لما اجتمعوا بجدة - واجتماعاتهم للحفاظ على الاسعار المجنونة الحالية فقلت اطول بعمر سيارتي الحالية كنوع من خدمة المجتمع , لكن بالنهاية لضغوط اجتماعية بالكثير بعد الحج بشهر باكون مطلع السيارة

اخر خيار لو قفلت الدنيا بوجهي حيكون ( اكورد ستاندارد ب 86 الف ريال واالامان فيها جيد )

الفيوجن مخليها ببالي لكن داخليتها كئيبة يا راجل , انا من النوع اللي يدقق لكن ما تحملت داخليتها !
غير كذا كمواصفات وسعر ممتازة امكن بالصيانة والاعطال مهي مشهورة عند الورش فلازم الوكالة والوكالة بجدة فقط ولا يوجد بمكة

الماليبو ايضا خلفيتها بععععععععععع ما اقدر اتحملها نهائي , الشكل الجديد خلفيته اكثر من رائعة لكن الحالي ما استحملته ابدا

الكرون فيكتوريا زي ما انت متوقع ما تناسبني واحسها لكبار ومتوسطي العمر

الكوري مخرجه من حساباتي

باقي سيارتين عجبتني جداجداجدا لكن عقلي مخليني متردد فيه وهي

1- الكيزاشي من سوزوكي , الستاندراد ب 74 الف والفل غير متوفر واذا وصل بيترواح من 88 الى 92 الف

2- الجيتا فولكس واجن , النص فل ب 81 الف ريال مواصفاتها جدا رائعة خارجيتها هادئة وانيقة , داخليتها ممتازة وعليها صيانة مجانية 3 سنوات وضمان 5 سنوات مفتوح الكم

وهذه هي العلوم , جعل عزكم يدوم

على فكرة اخوي خلاص بيشتري الايدج الليميتد 2 لكن بالحجز , عن نفسي اشوف الايدج حلوة لكن ميزانيتي 100 الف ريال .



اهلا وسهلا

الالتيما اتفق معاك سيارة ممتازة لكن !!! واه من لكن , لو الوكيل كمل جميله وخلى مواصفاتها كاملة كان اشتريناها

المازدا من الماركات اللي بسبب كلام الناس كنت مبعد عنها لكن امكن بعد الحج امرهم واشوف المازدا 6 -2012

شفت كم واحدة فل هاتش باك ابيض بالشارع وصراحة شكلها الخارجي ابداع شبابي وانسيابي لكن الخوف من جودتها عالمدى البعيد ومن وكيلها

ومشكور على المرور



الله يحييك

ثاني رد وراء بعض ينصح بالمازدا شكلي باشوفها , لكن زي ما قلت لك المشكلة الافكار القديمة صعب تغير بسرعة , ولو دخلت معرض المازدا باحس بتردد كبير وقت الجد اني اشتري سيارة من عندهم




ايوه عندي ميزانية اقصى شي 100 الف ريال

والاوربي ببالي الفولكس واجن جيتا 2012 امكن اتهور واشتريها :)

ومشكور على المرور

مواصفات الامان هي السبب الاساسي في ترددي

تغير الشكل اكيد يفرق لكن الشكل الحالي مقبول ومهضوم

مشكور



اربعة ايرباجات بتحمي الركاب الاماميين فقط

6 اقل حد كما هو باغلب الدول المتقدمة في الاهتمام بالسلامة

مشكور



الفل ب 81 الف ريال كما ذكرت بموضوعي

الستاندراد او type 1 كما يسموها نسيت سعرها لكن بدل ما اعطيك سمكة باعطيك صنارة

Email: [email]mhabili@nissan.com.sa[/email]

هذا ايميل الاستاذ محمد حبيلي مندوب مبيعات متعاون ويرد على الايميل راسله وخذ الاسعار

وشكرا




اتفق معك السيارة جيدة وهذا اللي قاهرني اكثر !!

يعني لو كانت سيئة كان طنشتها بداية !

لكن القهر انها جيدة وممتازة وعال العال لكن نقطة اساسية وجوهرية وهي وسائل الامان خربت الصفقة

وشكرا

انا مستغرب يامراقب انك سقت ايدج وماحطيتو في اختياراتك:confused1:
انتا محدد ميزانيه يعني؟؟
تصدق باقولك شي خالي كان معاه مرسيدس موديل 2006 فئة ايه ام جي باعها وتخيل ايش اشترى؟؟

سوناتا:smilie16:

انا عارف الناس لو دخلت الاوربي تتقدم لقدام ماترجع لورا او عالاقل يرجع للكزس اقل مستوى من المرسيدس

بس لمن سئلتو ليش يقولي قطع غيارها مره نارررررر عشان كدا باعها واشترى سوناتا فل اوبشن وفيها الايربيقات الي تهمك وتهمنا كلنا

الصراحة ردك هذا به بعض الخطورة خصوصا الذي بالاحمر , مشكلة لمن تسمع من شخص انه ما عنده اهتمام بالايرباج !

لدينا طريقتين :

1- شخص يكتفي بالاذكار ولا يهتم بوسائل السلامة وهذا خطا
2- شخص يهتم بوسائل السلامة ولا يهتم بالاذكار وهذا خطا ايضا

اضافتك للاذكار اضافة جيدة واشكرك على تذكيرنا بها , لكن المشكلة فيها انك ذكرتها فقط كرد على الزميل kaka عندما ذكرك باهمية السلامة , واحدة من المشاكل التي نقع بها جميعا عن غير قصد اننا نستخدم الدين بعض الاحيان كغطاء لاخطائنا او كدفاع عن مواقفنا

عبارة * المكتوب لك يجيك ولو ببيتك * جملة صحيحة على ظاهرها لكن عندما تستخدم عند التعليق مثلا على وسائل الامان بالسيارات فهي تعطي مفهوم عكسي !

يعني تصور انك تقل لزميلك ابغى اتزوج ويكون لي اطفال , يقوم يقل لك المكتوب مكتوب !خلك بالبيت وكل شي بيجيك ! كيف ما ادري ! المكتوب مكتوب !

الانسان على كذا لا يذهب للدراسة ولا للوظيفة ولا يبحث عن تكوين اسرة ويجلس بالبيت وبيجيه المكتوب !

كلام غير صحيح لا شرعا ولا عقلا

اقتباس من رد لي وللزميل FireBox على نفس النقطة





بالنسبة لموديلات 2013 حاليا صعب انتظرها الا اذا جد شيئ جديد وغير الالتيما حتى الاكورد والمازدا 6 كلها بتتغير لكن باقي فترة فما اظني باصبر

وشكرا لك على رايك وانا اطلت في الرد عليك واقتبست من هنا وهناك لان هذا هو اساس موضوعي
التيما سيارة مميزة بكل شيئ الا الامان فهل اشتريها ؟

وردود الاخوان ارجعتني الى صوابي من ناحية وسائل الامان

خذ لك التيما وريح بالك .. وإذا كان مـُـصر على نظام الأمان وعدد الإيرباق فأنصحك بمازدا 6 الفل

سيارة روعة ومواصفات عجيبة وفيها 6 ايربقات

الله يوفقك ويكتب لك اللي فيه الخير

السلام عليكم ....انا راح اعطيك ماعندي

شوف اثنين من اصدقائي عندهم التيمات وكلهم 2010 ...

الاول ستاندر قير عادي وكارفها كرف ماشاء الله ومايرحمها .

والثاني فل اوبشن قير اوتو لكن محافظ يعني علا حسب المزاج الدعس والهجوله .

....
طبعا من كلامهم الاثتين ومع اني معاهم تقريبا بشكل شبه دائم ماشاء الله السياراتين ميكانيكيا لم تشتكي رغم الضغط على السيارة لكنها صبورة ماشاء الله ..والديكورات بس راعي القير العادي يقول لاحظ اصوات جدا بسيطة !!! مع انه استغرب من الي يقوول يسمع طرب ايش لدي الدرجه يعني ؟ ماعتقد والله اعلم .

من ناحية المكينه والقير : مكينه 4 سلندر بقوة 6 سلندر من الأخر ولا اربعه سلندر يصف جنبك الا البعض .

الشكل علا حسب الذوق وانا اشوفه اجرام وخاصة الفل .




ومن ناحية الاامان والله ماني عارف ايش اقولك خاصة انه هذا الشي الي موقفك ومن حقك تفكر بالامر خاصه انه خوي لما جا ياخد الفل مالقا شي بنفس السعر وفيه كل هالمواصفات وغيرها ومن جهه اخرى من الاسباب الي خلته ياخذها نظام الدفعه اولى وفي الاخر دفعه وبينهم اقساط يعني هيا الظروف بعض الاحيان ياصاحبي تحد الواحد وهو اتوكل على الله وانتا عاد لاتنسى الاستخارة هي اهم شي قبل اي حاجة .

للمعلومية : (( واحد ايضا من العيال معاه سوناتا 2011 فل الفل والاخر كامري سبورت ايضا الجديد كلهم لما جربو الالتيما قالو ماشاءالله تحس انك تسووق سيارة ذات جودة وما انكر جمال السواناتا الداخلي من اضاءات وديكوات اما الكامري لاتعليق صراحه )

وانا عن نفسي لو بشتري مارح افكر الا بالمازدا 6 وبسسس صراحه رووعه وكرف وامان وكل شي ...والامان والتوفيق من الله .

ع العموم تقبل تحياتي والله يكتبلك الي فيه الخير

مشكور عالمقاطع عن نفسي مقتنع بجودة الالتيما لكن اللي خلاني اتردد مواصفات الامان الناقصة وبعد ردود الزملاء بالموضوع بدات اصرف النظر عنها



مشكور على وجهة نظرك

حقيقة اصوات الديكور ما تؤثر في كثير من ناحية قرار الشراء



الاكورد تبدا ب 86 الف ريال بمواصفات امان جيدة لكن باقي الموصافات الاخرى صفر
الالتيما 81 الف مواصفات راااااائعة لكن امكان ناقص

!!!!!!

الزين ما يكمل



مشكور

الفيوجن والاكورد مخليهم في ركن خفي بدماغي لارجع لهم عند الضرورة :smile:

السوزوكي كيزاشي بدات اميل لها اكثر منهم



مشكور والالتيما حلوة ومن ناحية الامان كما ذكرت انت بها نظام الثبات ومانع الانغلاق وغيرها لكن اللي قاهرني ليه 2 ايرباج فقط !!!!!!!



اهلا وسهلا

مشكور على تحليلك للسيارة

الكيزاشي ما تزال بالبال لكن مشكلتها انها جديدة ونادرة ! يعني باكون مربوط بالوكالة في الصيانة والوكالة القيت نظرة سريعة عليهم بجدة وحسيتهم كانهم حراج ( يعني مقارنة باستقبال صيانة تويوتا عبداللطيف جميل جائتني صدمة حضارية :bigggrin: حسيت صيانة بامعروف في سيريلانكا او موزمبيق ) والامر الاخر مندوب المبيعات ما كان عنده مرونة بتخفيض السعر ولا صيانة مجانية والضمان قليل 3 سنوات فقط على سيارة جديدة في العالم وفي السوق !

الكيزاشي ما تزال بالبال وارجع للمعرض على نزوال 2012 واشوف العلوم الجديدة

الالتيما ركبتها مع اصحابي جربتها والسيارة رائعة بالنسبة لي وتكييفها مذهل !!!!! وقيادتها جيدة وزوايا الرؤية واضحة , وسعر ممتاز والورش يعرفوا لها يعني بالنسبة لي السيارة ممتازة من تجربة لكن نقطة الامان اتوقعت انها تنحل ممكن بالدفعات الحالية لكن للاسف ما انحلت , فقلت انزل هذا الموضوع لاستانس باراء الزملاء

شكلي انتظرك تشتري واخذ زيك :bigggrin: بس لا تجلد بي ارسل لي عالخاص اذا شريت

بدي الالتيما مو خفيف عادي جدا مثل السيارات الجديده
واتوقع الفايف ستار في الكراش تيست ماجاء من عبث
تحياتي

بالنسبه للبدي ... مثل ما ذكرت لك تجربتي بالبيت عندنا التيما واكورد

البدي يتشابه تقريباً نفس الشيء ... حتى لما تجي تسكر الباب تحس السيارتين نفس الثقل بالضبط

وحتى باب الشنطه الخلفيه نفس الثقل تقريباً

علشان كذا انا اقوول لك ان بدي الالتيما يتشابه مع منافساتها تقريباً ... كلامي من حكم تجربه

كثير يقولون بدي الالتيما خفيف

هل هذا صحيح ؟؟

:)

هلابك اخوي بلو سي ...
ماشاء الله عليك انت الى الحين باقي تدور على السيارة :smilie16: ولا تزعل علي تراني
امزح و ان شاء الله تتوفق بسيارة العمر ...
بالنسبة للامان هذا شي ضروري و من متطلبات الحياة مو بس بالسيارة حتى في العمل
او في البيت او اي مكان فية نسبة خطورة و طبعا بعد التوكل على الله و زي ما اذكرو الاخوان ان المكتوب راح يصيبك لو تعمل الي تعمل ولكن الشي هذا ما يمنع من العمل بالاسباب وعندك قصة مريم عليها السلام اذ امرها رب العالمين بهز جذع النخلة ليتساقط عليها الثمر جنيا و الله سبحانة قادر انه ينزل الثمر بدون هز جذع النخلة ولاحظ وهي في اشد مرحلة الولادة الي هي المخاض ولكن عشان يربينا على العمل بالاسباب و التوكل على الله سبحانة و تعالى ... و قصة الرسول علية الصلاة والسلام في غزوة احد يوم قال للصحابة ما كان لنبي ان يلبس لامة الحرب ثم ينزعها و هذا هو الرسول طالع الى الجهاد يعني السالفة فيها حياة او موت وكان يلبس درع الحرب <<< قلب الموضوع حصة دينية:smilie16: و لا احد يفهم انك لازم تشتري سيارة فيها انواع موصفات الامان زي الفولفو وابد تمشي وما همك شي او تاخذ سيارة بدون موصفات امان ويجي واحد ابن حلال وينتفك بالسيارة زي سالفة جارنا الله يرحمة يمشي بالسيارة في امان الله وعلى حسب كلام الي معة كان يمشي اقل من 110 ويجي راعي كامري يمشي الطبلون و يسقط على جارنا ويضرب السيارة من الزاوية الخلفية لسيارة جارنا و تتقلب فية 2 او 3 قلبات و سبحان الله طلع من السيارة وضرب راسة بالرصيف ومات وقتها و الي معة و راعي الكامري كلهم نجو وهو الوحيد الي طلع من السيارة و مات ...
و المقصد ان الايرباقات سواء كانت 2 او 8 كلها مهمة و خاصة الجانبية و الامامية ...
و اذا ملزم على الـــ 6 مالك الا الفيوجن و الماليبو ولو كنت انا مكانك و ما ابي سيارة
امريكية راح اختار الحل الوسط ... راح ادور على سيارة تكون فيها 4 ايرباقات و تكون
امامية و جانبية ... ولكن ما اتنازل عن الامان ابدا ..
وبالنسبة للالتيما فا هي سيارة ممتازة و كثير يمدحنها و اشوف لو فيها 4 ايرباقات بتصير
خيار مناسب جدا ..
وعندك الكراون فكتوريا ادري ما راح تناسبك ولكن فيها 4 ايرباقات ستاندر وتكد وقطعها متوفرة ورخيصة و سعرها بحدود المبلغ الي معك و اتوقع الازيرا فيها 4 ايرباقات و لكن ما ادري كم سعرها او مالك الا الاروبي شي ممتع الصراحة بموصفات الامان ولكن الله يعينك على القطع و الصيانة ....
وتقبل مروري بصدر رحب و شكرا ...

الي اعرفه ان البدي حقها خفيف والكامري والاكورد افضل منها في العزل الارضي واصوات الديكور طرب و المراتب الخلفية ضيقة

هذا الي اعرفه حتى الان

مشكور على ذكر تجربتك , اللي قاهرني ورافع ضغطي ال 2ايربااااااااااج :mad1:





هلا بمؤسس الرابطة
انا سالت مندوب الوكالة - محمود تركستاني والاخر محمد الحبيلي - وكان كلامه ان حتى ال 6 سلندر من الالتيما ما تجي الا 2 ايرباج !! للاسف

الموديل الجديد اتوقع يوصلنا ك 2013 يعني بعد سنة وانا بالكثير ناوي على السيارة في الشهرين القادمة لظروف اجتماعية



هلا يا اباعابد

صحيح الايرباجات مهمة وشكلي باهون عن السيارة لهذا السبب
لكن معقولة الفورد توروس الثقيلة انقلبت !! شكله ماشي اكثر من 160 ! حرام والله فورد ليمتد واحد يطارح فيها ! وهذه الحادثة تؤكد اهمية الامان بالسيارة

مشكور



هلا بطير السعد , البودي اشوفه معقول والديكور مهو مشكلة عندي , اذا كورولتي 2005 احس ما فيها صوت ديكور ههههههه لاني ما ادقق بالاشياء هذه كثير

لكن قلة مواصفات الامان دمرت الصفقة حقيقة !



الايرباجات ما ينفع فيها ان تحبها او تكرهها , باختصار برايي كلنا نحتاجها !

والالتيما زي ما انت ذكرت بردك متوفقة بكثير على منافسيها بالمواصفات والسعر الجديد 81 الف ريال ! مغري جدا

لكن للاسف الزين ما يكمل

مشكورين على مشورتكم يا شباب كل باسمه :) انا عن نفسي كما ذكرت اشوف ان ديكوراتها معقولة فما بتسبب لي مشكلة وشخصيا مقتنع بجودة الالتيما وانها مثل الكورولا اللي معي ممكن تخدم 7 سنوات واكثر بدون مشاكل لكن قلت اخذ اراءكم وعن نفسي الان بعد ما راجعت الموضوع اهم شي باي سيارة اشتريها 3 اشياء:
1- مواصفات الامان ( ABS انظمة الفرامل والثبات و 6 ايرباج )
2- قلة الاعطال وتوفر الصيانة والاصلاح بالوكالة وخارج الوكالة
3- قوة التكييف
وبالهامش اي اضافات اخرى ( الشكل الخارجي والداخلي الاكسسوارات سعر اعادة البيع الخ )




مشكور على رايك , الجودة اظنك تقصد الديكورات وممكن نظام التعليق بما ان السيارة تطيح , لكن ميكانيكيا وكهربائيا وايضا ناقل الحركة اعتقد ان جودتها مرتفعة ...



مشكور عالمرور



تصدق كلامك اثر في ! على قولك طالما اني مقتنع باهمية ال 6ايرباجات لو اخذت سيارة باقل من كذا ما حارتاح معاها



صحيح شكلي بارجع للفيوجن او الكيزاشي



هلا يا سامي

صراحة رايك ايضا خلاني ادحدر عن السيارة اكثر
الماكسيما رائعة لكن سعرها فوق الميزانية



الجيتا انيقة وسعر معقول لكن وكيلها سمعته في الطراوة وايضا ما لها صيانة لا بمكة ولا المدينة ولا الطائف يعني بالغربية مالك الا جدة ! ( لكن بيني وبينك ممكن اسويها واشتريها !)



كذا بتزعل عشاق الالتيما والمازدا !
مشكور على رايك
شكلي باخلي الفيوجن مع الكيزاشي بخياراتي ( وان كنت من الناس اللي بعض الاحيان اميل لمقاطعة المنتجات الامريكية قد ما اقدر عند توفر البديل )
الماليبو مشكلتها خلفيتها مهما حاولت ابلعها ماني قادر !
الجيل الجديد منها خلفيتها صارت روعة واذا وصلت قريب باخليها بالاختيارات واتوقع سعرها يكون معقول اذا كانت تجميع كوري

ليس الخبر كالمعاينة لدي التيما فل اوبشن موديلها 2010ولها معي الان سنة وتسعة اشهرولله الحمد لايوجد اي مشاكل بالعكس اشعرفيها بارتياح لقيادتها وسلاستها ولو حصل لي اي موديل جديد انا اول من يمتلكها وبامانه حبيتها وبالتوفيق لكل من يرغبها

هذي التيما ليموزين ماشيه نص مليون

وحسب كلام راعيها ماشتكى من شي

http://www.google.com.sa/imgres?q=%D8%A7%D9%84%D8%AA%D9%8A%D9%85%D8%A7+500+%D8%A7%D9%84%D9%81&hl=ar&safe=active&biw=1280&bih=675&gbv=2&tbm=isch&tbnid=jZVYOL2vQ8gqyM:&imgrefurl=http://www.nissan-arabia.com/vb/showthread.php%3Ft%3D63405%26page%3D1&docid=u7ktuF4Us6F6tM&imgurl=http://www.nissan-arabia.com/vb/images/imgcache/2011/07/2264.jpg&w=720&h=383&ei=w8KnTtPOAcfHsgb7sOWEDg&zoom=1

بالنسبه لاصوات الديكور مايعتبر عيب بشوارعنا واستخدامنا الخيالي

السياره تستاهل وافضل من بقيه فئاتها تقريبا

طيب احد يعرف اسعارها ستاندر وفل 4v : )