اولا السلام عليكم
عارف اني جديد بينكم بس ما شاء الله احسكم خبرة
انا ما افهمش اوي بالسيارات
اخوكم مصري اسمي ابو عبد الله عارف اني اكيد هلاقي النصيحة والمشورة من اخواني هنا :)
انا سيارتي شفر اوبترا 2005 قبل يمكن سنة لاحظت اني لما امشي في الزحمة لما ادوس بريك عداد الريس ينزل للصفر وتفصل السيارة نفس الوضع برضو لما الف على دوار او ادخل يمين او شمال وانا دايس البريك تفصل السيارة
الكلام ده فترة الصبح بس عشان بمشي بالزحمة ويفضل عداد الريس ينزل ويطلع واحس روحي تنزل وتطلع معاه
روحت عند ميكانيكي قالي هعملك حاجه لو زبطت تمام ولو لا روح اعمل فحص كمبيوتر
اخد بخاخ معاه اعتقد انو منظف ومش عارف كان بيلف حاجه في المكنه كل ما يلفها يرتفع صوت السيارت
كرر الموضوع ده يمكن 3 مرات بعدها السيارة زبطت والريس مبقاش يوصل للصفر
صحيح اصبح يطلع فوق ال 2 لكن على الاقل مبتفصلش وده اهون بكتير
طنشت بعدها مر يمكن سنة وظهرت المشكله تاني وبنفس الوقت البطارية خربت اول ما غيرت البطارية رجعت السيارة تمام والعداد ثابت ومفيش مشكله
بعدين حصلت مشكله في الراديتر وغيرته بعدين قالولي ان السيارة بتطلع دخان اسود
روحت عند ميكانيكي وصلي السيارة بالكمبيوتر ومظهرش عندو حاجه خااااااااالص ومن وقتها وانا ملاحظ ان عداد الريس بيرتفع اول ما اشغل السيارة بس مش بيطلع وينزل لا مجرد يرتفع وبعد دقيقه يرجع وضعه الطبيعي
روحت عملت فحص كمبيوتر قالو لازم تصفيه عملت التصفيه وغيرت فلتر هوا وفلتر بنزين وغيرت البوجيهات وغيرها والدخان لسه موجود
المشكله ان الدخان لسه موجود ورجعت المشكله القديمة
اللي هي لعب عداد الريس اخر حاجه قولت اروح الوكالة
وهناك كانت الكارثة
بعد عمل فحص بالكمبيوتر قالي الموظف سيارتك فيها مشاكل كهربا ومش فيها سنسر هوا اصلا
قلتله ازاي
قالي الظاهر انك سبت سيارتك تبات عند ميكانيكي وسرقها
انا فعلا سيارتي قبل سنتين قعدتها عند ميكانيكي يمكن 3 ايام بس هل معقوله ان السيارة تمشي سنتين من غير سنسر هوا؟
المهم قالي على حاجات اجيبها وان المشكله في الكهربا لقيت رئيسه بالعمل قالي لا انتا مشكلتك وش مكينه وبلاش تعملها في الوكالة هتكلف كتييييير وبيع سيارتك احسن بس الموظف كان شكله مش راضي عن كلام رئيسه وقالي من وراه لو روحت وعملت وش مكينه هتلاقي نفس المشكله عندك لان الكمبيوتر ظاهر انها مشكله كهربا وسناسر
ومش عارف مين كلامه صح هل هي وش مكينه ام مشاكل كهربا ولو مشاكل كهربا المفروض اعمل ايه
انا بجد تعبت والسيارة سحبت مني فلوس كتييييييييييييييييير الشهرين اللي فاتو والمشكله مش عارف هي اصلا فيها ايه
عداد الريس مش ثابت ابدا واول ما اشغل السيارة يرتفع ل 3 ويكون صوت المكينه عالي ولو مشيت بالزحمة مع دوس البنزين والبريك العداد ينزل للصفر وتطفي السيارة ده غير الدخان الاسود وان السيارة بتتفتف لما اسخنها الصبح
مشاكل كتيره بس اهم حاجه موضوع ان السيارة تطفي وان حتى الوكاله مختلفين في سببها اللي يقول وش سلندر واللي يقول مشاكل كهربا انا تعبت بجد
وسمعت كلام كتير اللي يقول افصل البطارية نص ساعه وركبها واللي يقول تنظيف منظم الريس وحساس الهوا (اللي هو اصلا مش موجود بسيارتي)
اعمل اييييييييه :c020:
