لاصحاب الكريرا 911 ياريت يدخلون

[all3ssaf]

السلام عليكم ورحمه الله وبركاته

كيفكم يالغالين سؤال وياريت ما يرد علي الا الناس الي مجربه او عندها خلفيه كبيره ومتاكده من الكلام الي تقوله

عموما انا قررت اشتري بورش 911 كريرا الشكل الجديد وطلبعا باخذ الاستاندر الكاين

السؤال الي اتمنا القا اجابته بينكم يالغالين هل السياره هذي سياره للاستخدام اليومي يعني انا بشتريها وبخليها سيارتي الوحيده هل السياره راعيه خرابات يعني انا جربت البي ام دبليو تجربه سيأه ولا افكر اكررها لان السياره بدون سبب تصحا الصبح تلقاها مولعه لك لمبه وكل كوم والجلنط الي كل يوم خربان كوم

المهم هل البورش 911 سياره يوميه هل خراباتها قليله هل صيانتها معقوله اتمنا القا اجابه منكم يالغالين

وانا عارف ان اصحاب متعصبين ويحق لهم من جد البورش يستاهل بس ابي رد صريح

[aghiato]

خذها نصيحه ... الألماني لا يشترى الا وكااااااااااله

مستعمل انسى لانه ما احد يبيع الماني الا يكون فيه غلط او عيب

و لا انصحك بالبورش ابدا اولا موديلها راح .. ثانيا قطعها نار جدا جدا

ثالثا مو اي احد يفهم فيها ويعرف يصلح مشاكلها .. الكراجات يالله يالله بالمرسيدس والبي ام

كيف بالبورش

واخيرا سعرها غالي ولا تنفع للاستخدام اليومي ..

[SUPERCHARGED]

تجربتك مع البي ام دبليو غير موفقه انا عكسك تماما جربت الفئه السابعه والخامسه 2007 لمدة 4 سنوات ماشكيت ابد منهم ماشالله

مب موضوعنا ...

بالنسبه للبورشه انا املك بورشه كايمان أس والله اسعار الصيانه مبالغ فيها يعني فحمات هي اللي غيرتها بـ2250 مع حساسات البريك طبعا ركبتها خارج الوكاله لان شغل اليد باهض بسماكو طبعا فحمات سيراميك

البورشه سياره ممتازه جدا للاستخدام اليومي طبعا هذا كلام مجلات عالميه افضل سياره من السوبركارز للاستعمال اليومي هي البورشه

لكن احسب حساب الصيانه لانها مكلفه اذا الكايمان اسعارها مكلفه كيف الكاريرا

طبعا كله كوم .. ووكيلها سماكو بكوم من ناحية التعامل والاسعار

يعني الموظفين اخلاقهم صفر يكلمك بطرف خشمه وبكل برود يقولك تعال بعدين واذا كنت عصبي ماانصحك تروح لهم خصوصا اللي بالضباب اللي بالرياض لان بتتهاوش معهم

لابوهم لابو من عطاهم وكالة الاودي والبورشه والفولكس

[الاصلي 99]

انا اللي اعرفه ان الكايمين افضل سياره عمليه في بورش
لا كن الكريرا قريت عنها انها عمليه

[all3ssaf]

بختصار اغسل يدي

طيب مافيه احد بالرياض يسوي صيانه للبورش غير الوكاله الاغبياااا