هل تحرص على تنسيم الكفرات اثناء القيادة في الرمال ؟

salehhd

وعليكم السلام

بالنسبة للثمامة ، ما يحتاج مواطير لأن فيه ناس كثيرين ينفخون لك وانت بوسط السيارة بخمسة ريال ! اما خارج الثمامة فشراء ماطورين وتدبيلها امر جيد ، انا عندي ماطورين لها عشر سنين بالخدمة واستفدت منها كثير :)

fhad2007


اللي ما ينسم ما يقدر يمشي على هونه لانه بيغرز :)

شكراً لك !

Dr.Moe-50

حسب التجربة ، ما يضر الكفرات بشرط انك ما تمشي على السيارة بالاسفلت كثير او بسرعة عالية لأن البعض يتكاسل ولا ينفخ الكفرات وهذا يضرها كثير :)

جي ام تاهو

الله يعافيك :)

ولا شك ان لكل مكان وزمان تنسيم معيّن :)

ابو ديالا وابو زياد

حياكم ربي :)

ابو رغد

اتفق معك في ان المكان يختلف وحاجة التنسيم تختلف من مكان لآخر ومن وقت لآخر ،
لما تكون الارض ما تمشي عليها سيارات كثير مثل بعض اماكن الدهناء يكون التنسيم أقل من الارض اللي تمشي عليها سيارات كثير مثل الثمامة لانها ارض محروثة والسيارة تتعب فيها ،

كذلك لما تكون الأرض فيها مطر تكون صلبة والتنسيم يكون أقل !


تشكرات افندم :)

نسم براحتك . بس التنسيم مو عملي . مثل كفرات البالون [ مـُجرد رأي ] عن واقع تجربه . ع اليوكن 2009 الدبل ما يشتغل ابد اذا كنت مركب له كفرات بالون .
و لو نسمت [ على كفراته الاصليه ] . أقعد ازرزرله ، و الدبل شغال و بالقوة يطلع .
و نفس الحكاية مع السفاري .
و بعدين حنا كـُل كم نطلع البر . يآلله يآلله فـ السنه حسنه . لا نزل مطر . و زانت الاجواء . [ يعني تقدر تقول 5 او 6 مرات فـ السنه ]
و على فكرة . لا توطيتلك حجر و انت منسم . [ شف وش بيصير بالكفر ] اذا ما تشخمط و لا لك الحق .
البالون متين ترى . و لا ينشق . [ لا سمح الله اعترض الكفر شي حاد ] انسى يصير به شي .

- بس مو تروح تركب ماكسس [ تراهـ سيء للغايه ] .
عندك 1 - سيام تاير . 2- الدانلوب .
و ركب 900 و تحت . الـ 950 ما يصلح . كبير ع الفاضي .

هذا اللي بينفرنا من البر !!
اقعد كل مرة بطلع البر أغير الكفرات و ود وجيب وشيل وحط !

ماعليش خلنا على التنسيم ابرك واخف على الجيب :smile:

وشوله التنسيم ؟
اشتر لك كفرات [ بالون ] و لا جيت بتطلع للبر ركبها [ ما تاخذ منك 5 دقايق عند البنشري ]
و ان شاء الله انك ما تشغل الدبل و انت راقي اقدح طعس .

والله مانيب انسم

والسبب متعيجز + اني ما اطول في الرمل وامشي على هوني ما عندي مطامر

والحمد لله ماشيه مع الامور

السلام عليكم
التنسيم ضروري واتفق معاك في النقاط الي ذكرت

المواطير كثيرة ونواع عديده افضلها حسب ما اعلم ابو جمل الاصلي وسفاري الاصلي
وحق تويوتا يباع في الاسواق منه الاصلي ومنه التجاري
عدم التنسيم اثناء التصعيس يعتبر نوع من قله الخبرة في التطعيس او الكسل

الله يعطيك العافية على هذه المعلومة
وبالفعل كلامك صحيح خصوصا النقطة الاولى والثانية

والافضل التنسيم الى 20 مبدئيا وفي حال الحاجه التنسيم الى 15

طيب التنسيم ما راح يضر الكفرات ؟

انا عني ماعندي مشكلة انسم لكن كيف ارجع انفخهم احتاج منفاخ والأفضل على ما اسمع تيوتا وهذا وين تلقاه!

والله التنسيم ماهو على كل حال اذا بدخل نفود قريب ما يحتاج تنسم
وحتى ان نسمت اذا النفود صعب شوي خليتها على عشرين خمسه وعشرين
اما اذا رحلة تطعيس الهواء 12 وحولها

لكن تكلمني عن الثمامه وما ادراك ما الثمامه
تكسر الموتر حتى لو تنسم

شكرا اخوي عل هذا الطرح
التنسيم امر ضروري يساعد ان السيارة تاخذ راحتها عل الاخر
ولك تحياتي

فعلاً التنسيم أساسي بالرمال

وللأسف البعض يضن أن السيارة المدبله ما يحتاج لها تنسيم , وهذا أكبر خطأ

هلا ابو سلطان ،

الله يعوّض عليك ، ولعله يكون درس لك ولغيرك في الحياة ، والأخطاء تعلمنا ضرورة البحث عن الصواب :)