اهل الخبرة والتجربه في التاهو .. لحظة من وقتكم ..

albalaji @user_36382 · 21-09-2011

حقيقة ولله الحمد والمنه شريت تاهو lt دبل 2011 ..ولدي عدة استفسارات:
1. ماهي فائدة M في القير؟ وماهي استخداماته؟
2. صراحه ابي اعرف كيف استخدام الدبل ؟ وهل لازم انسم الكفرات ؟ وماهي قوته في الرمل ؟ وهل الطعوس والطلعات مناسبة لدبل التاهو؟
3. احس ان الموتر ثقيل في القومة ؟ والتعشيق ؟ هل هذا طبيعي ؟

شاكر لكم تجاوبكم ...

al3meed 18 @user_206412 · 23-09-2011

انا قبل 3 ايام كنت في الوكاله وقالي مثل مواصفات سيارتك بـ 146
وانت تقول انك شاريه بـ 133 يعني ارتفعت الاسعار ولا كيف .. ؟؟

albalaji @user_36382 صاحب الموضوع · 22-09-2011

اود شكر الاخ tohoe- ltz كفيت ووفيت وبيض الله وجهك ..
ولايهينون الباقين ماقصرتوا

انا شريته قبل رمضان باسبوع وحسبوه علي 133 بعد اخذ وعطاء وشد وجذب ..

ولكم تحياتي

GM_TAHOE @user_23867 · 22-09-2011

ماقصر اخوي TAHOE_LTZ
وما اضيف على كلامه شيء

SIERRA_HD @user_143138 ..:: TAHOE//YUKON GRP. MEMBER ::.. + RiYaDh 4X4 GrOuP · 22-09-2011

1. ماهي فائدة M في القير؟ وماهي استخداماته؟

لما تحط القير على M بتصير السياره قير عادي , وتتحكم بالتعشيقات من خلال الزر اللي موجود بالقير وعليه رسمه سالب وموجب , واستخداماته غالبا تكون في الطريق اللي فيه مرتفعات كبيره عشان تحط القير على نمره قويه شوي , او منحدرات قويه عشان برضو تخلي القير على نمره قويه وما تجهد الفرامل , والاستخدام الاخير يكون بالبر .

2. صراحه ابي اعرف كيف استخدام الدبل ؟ وهل لازم انسم الكفرات ؟ وماهي قوته في الرمل ؟ وهل الطعوس والطلعات مناسبة لدبل التاهو؟

الدبل فيه ثلاث اشياء :

اوتو : هذا يخلي السياره دفع رباعي مستمر ( زي الدينالي ) , واشوف انك ما تستخدمه افضل .

اربعه وسهم فوق : هذا الدبل الخفيف , وتقدر تشبكه وانت ماشي مشي بسيط مو شرط توقف , وطبعا استخدامه لما تبي تطعس ولا زم تنسم الكفرات الى 15 تقريبا وبعدها بتلاقي الرمل كنه زفلت ماشاء الله :wink:

اربعه وسهم تحت : هذا الدبل الثقيل , وما تشغله الا والسياره واقفه والقير على n وتستخدمه فقط اذا غرزت , وبعد ماتطلع من التغريز ترجع للدبل الخفيف .

3. احس ان الموتر ثقيل في القومة ؟ والتعشيق ؟ هل هذا طبيعي ؟

بعد 10 الى 15 الف تقريبا بتلاحظ فرق كبير بالنقطتين اللي ذكرتها , وبيصير الموتر افضل بكثير .

mylovely @user_266930 · 22-09-2011

a

albalaji

حقيقة ولله الحمد والمنه شريت تاهو lt دبل 2011 ..ولدي عدة استفسارات:
1. ماهي فائدة M في القير؟ وماهي استخداماته؟
هذا طال عمرك التبترونيك (يصير مثل القير العادي تتحكم في تعشيقاته بنفسك)
2. صراحه ابي اعرف كيف استخدام الدبل ؟ وهل لازم انسم الكفرات ؟ وماهي قوته في الرمل ؟ وهل الطعوس والطلعات مناسبة لدبل التاهو؟
استخدامه والله سهل مره بس والله يالغالي اناا موتري مو دبل ومالي خلفيه في هالمجال يفيدونك فيه اصحاب الدبل
3. احس ان الموتر ثقيل في القومة ؟ والتعشيق ؟ هل هذا طبيعي ؟
طبيعي يالغالي انا مثلك لاحظت كذا بس مع الوقت يلين وتتغير تعشيقاته وكذا وتحس بالفرق ولو قدرت تسافر عليه واول ماترجع من السفر بتلاحظ فرق مره وهذا الي صار معي
فتره معينه وبعدين تزين اعتبرها فتره تمرين للسياره ولا تخاف طبيعي بيجيك ثقيل شوي

شاكر لكم تجاوبكم ...

الله يعطيك خيره يارب ويكفيك شره ان شاء الله ولا تنسى الرابطه حقت التاهو واليوكن سجل فيهاا وفيها رجال شرواك يعجبونك ويفيدونك بكل صغيره وكبيره
بالتوفيق

محب GMC @user_253501 · 22-09-2011

حرف m تحكم النرة ولازرار + و - تلقاها على القير

كم حسبوه لك ؟

al3meed 18 @user_206412 · 22-09-2011

الله يعطيك خيره ويكفيك شره
بس كم سعره ؟ ؟:bigggrin:

اليوم وبكره @user_167460 · 22-09-2011

الف مبروك
وانا اقدر افيدك بخصوص
1. ماهي فائدة M في القير؟ وماهي استخداماته؟
الجواب لما تحط القير على m تقدر تتحكم بانمرة السياره يعني عندك علامه + و - تقدر تتحكم بتعشيقات السياره
انا مافهمت شرحي ههههههههههههههههههه
ان شاء الله يكون وصل الشرحه
وان شاء الله الشباب يفيدووك