من العنوان حبيت اوضع موضوع عن تجربتي لسيارتي السوبارو موديل 2008
الحمد الله السيارة ماتزال ممتازة من جميع النواحي الديكور ماتغير ولا يطلع لي اصوات ولاشي بالرغم ان اوقف السيارة في الشمس فترة طويله وانا اصلا ماعندي قراج.المكيف ماشاء الله بارد وتحس ببرودته حتى في الظهر وتعرفوا الحرارة في الشرقيه مو طبيعيه في الظهر يعني توصل 50 بالراحه. السيارة ممشاها 82000 كيلو.السيارة صار لها عندي 3 سنوات. في كل سنه اغير الفرامل او القماشات مره وحده.نوع التواير "الكفرات" الحاليه قودييرز صار لهم سنه ونص. هالسنه هذي اخترب عندي الجابين وقيمته 650 ريال. وبدلته في احدى الورش وكان شغلهم حلو لان الوكاله سعرها غالي في الصيانه. وانا استخدم السيارة كثير لاكن داخل البلد بس هالسنه طلعت بها مشوار طويل من القطيف الى المدينه المنورة . وكان المشوار ممتاز بالسيارة وماواجهتني الحمد الله اي مشاكل. وطلعت الكويت وان شاء الله باروح الامارات بعد اسبوعين بالسيارة. اتمنى الموضوع يعجبكم
واي استفسار انا حاضر.
