عزم سيارة افيو مالحل.؟؟؟

^^^^^^^^^^^^^

نسيت ما اقلك لو فتشت في اليوتيوب يتحصل مقاطع كثير زي كدا

حبيبي انا قصدي توصل 280 مو يتعديلات بيسطة
لا انا قصدي بعد ما تعدل تعديل جامد وميزة السيفك السي ار اكس الوزن الخفيف جدا وما يتعدى 800 كيلو

وشوف المقطع دا وانتا احكم بنفسك انه مافي شي مستحيل في عالم التعديل

http://www.youtube.com/watch?v=3Orje0u-lDc

^

حبيبي انا بتابع ردودك والله يهدييك بتباالغ مررة كتير ,
سياره 1.3 توصل لمستوى كابريس او لومينا ,!
وفين السيفيك الي تمشي 280 الله يرحم والديك !
يراجل اللومينا بعد التعديل والبرمجه وفك الفصله بعديين ممكن تجيبها
اجل سيفيك 280 ولا افيو تطلع على 6 و 8 سلندر !

الله يهدييك !!!

حبيبي ترى الوزن شي جدا عادي
انتا شوف السيفك السي ار اكس شوف كيف الشباب بيطارحو فيها وبيوصلو سرعات عالية توصل لحد 280 بعد التعديل

ولو اتعدلت تعديل بسيط اتحدى ابن امه الي يطرحها بكابريس او لومينا ستوك

خخخخخ يبن الحلال بالعقل افيو سيارة تنقل داخل المدينة وسعر رخيص ..

لوزاد عزمها كم بيزود _ ولو زودها بقطع رياضية اذا كان لها قطع اصلا وش بيمسكها على الارض _ والاخ يقول بعد موتر شركة يعني المفروض ممعوط قلبها وعزمها زين _

جرب كلام الاخوان نظف البخاخ وغير بواجي _ وعطنا تجربتك

جميع الإخوة لم يقصروا.
كل ما يلزم هو تصفية المكينة و سيارتك ما فيها إلا العافية.

واضافة عشانك بالنسة للزيت حق المكينة ترى والله فرق كثير معايا لانه اذا حطيت لزوجة 20w50 لأنه بيطيح عزمها وقومتها بالذات بشكل كبير وانا غيرته الى 10w30 وقومتها جدا خفيفة.

لكن اذا السيارة قربت من 100.000 كيلو فالأفضل تخليه على 20w50 اذا كنت تستخدمه.
لانه حسب الاخوان في المنتدى ذكروا انه ممكن تتخبط المكينة معاك او يعجل في خرابها .

صدقني لا تتعب نفسك معاها كثير لكن الحل بسيط لانه عندي نفس الموديل 2008 وعزمه ضعيف جدا .
اول شي لازم تعرف انه البخاخات حقها فتحتها صغير وتتوسخ بسرعة يعني اي وسخ بالتانكي او بنزين غير نظيف رح يأثر معاك اكثر من اي سيارة ثانية
ونبدأ بممشى السيارة اذا افترضنا انها مشيت 40.000 كيلو وفوق لازم تعمل لها صيانة وهي ضرورية في الاربع سلندر اذا كنت تبغى عزم جيد لها
اول شي تنظيف البخاخات.
ثاني شي بعد التنظيف غير البواجي وغير فلتر البنزين ولا تغيرها قبل ما تنظف البخاخات! وشيك على اسلاك البواجي لأني بصراحة ما اعرف اذا تتشيك او لا لانه اذا كانت تعبانة وما تتعطي كهرب جيد فلازم تغيرها
والثالث بالنسبة للبنزين انا السيارة من يوم ما خرجت من الوكالة وهي 91 وكان جدا سيئ وصوت المكينة عالي وتفتفة وغيره مع انه البنزين الموصى به في الكاتالوج 91 وانت جرب 95 لانه الفرق معاي كان كبير في العزم من بعد ما غيرته الى 95 . واذا فرق معاك استمر عليه
وللعلم حسب الي حصل معي انه 91 يوسخ البخاخات اكثر من 95.
الرابع ضروري تشيك على فلتر الهواء اذا ما شيكت عليه ونظفه والأفضل تغيره .
والخامس مو مهم كثير لكن انت اذا سويت كل المذكور فوق وكان في رجة مثلا عند الوقوف مع المكيف جرب نظف البوابة وانشاء الله تفرق معاك.


هذا كل المطلوب الي عملته عشان ترجع السيارة بكامل عزمها بس المشكلة الي عندي انه البخاخات تتوسخ بسرعة ما تكمل اسبوع من بعد التنظيف وتضعف .
والله اعلم اذا كان التانكي معدوم وسخ من السيول

ومثل ما قلت لك ...اذا افترضنا ما عندك اي مشاكل ميكانيكية والسيارة عدت 40.000 الف كيلو وما عملت اي صيانة لها تذكر فهذا هو الحل الوحيد وبيفرق معاك كثييييييير
هذا كل الي تحتاجه وترجع السيارة مثل ما اشتريتها والحمد لله هذه الي عملته وماشي حالها.
وسامحني مقدما على المبلغ الي بتخسره لكن هو بسيط جدا مقارنة بالسيارات الأخرى ويعتبر تقريبا الأرخص ...

وبعدين تعال مع الأخ km260 راعي الكابرس وبتطرح سيارته .......:smilie16:

^

ياغالي مو عشان معاك كابرس تقول للرجال كدا ,

هيا فعلاً مكينتها ضعيفه لكن اذا انت ملاحظ ان مستواها طاح عن اول
فـ لازم جداً تنضف البخاخات وتغيّر بواجي والامور هدي.. لانها بتفرق في عزم السياره