شريت كابرس 2011 نصائحكم ..

مبروووووووكــ عليكـ السيارة :wavey:
الله يعطيكـ خيرها ويكفيكـ شرها ( بسم الله ما شاء الله ) .............

أول ما تسويه تحط فيلم عازل للمقدمة أو للسيارة كاملة وتظليلة خفيييييييفة من v-cool .......

والبنزين طبعاً 95 .........................

وتغلف الداخلية قد ما تقدر نايلون وفواحة و دبدوب صغير معلق بالمراية .......... :tongue:


ثانيا ً : لا ما عليكـ شغل المكيف ولا تمشي وأنت جاي أكثر من 80 فاهم ولا لا ههههههه !!!!!!! :smilie16:

وإنتبه قبل ( الألف كيلو ) إنكـ ما تآكل مطبات كثير ( مهم ) والفرامل تكون رجلكـ خفيفة عليها عشان السيارة تتعود على إستخدامكـ .....................

موفق

تقبل مروري

جزآكم الله خير جميعا والله ماقصرتم
واحد واحد

وآبشروا بتقرير مصور للسيارة قريب ان شاء الله

عندي مكتوب في الكاتلوج حق الكابرس 2006 يتغير كل 100 الف
و2009 نفس الشي
الافضل كل 40 الف

مبرووك الف مبروك والله يعطيك من خيرها ويكفيك شرها

ملاحظة : تغيير زيت القير كل 60 الف وليس كل 40 الف
وتاكد من هالمعلومه من دليل المالك قسم الصيانه

السيارة عندي 2010 نفس النوع

السيارة مجنونة بكل صراحة صاروخ

انا اعبيها 95 ولا عمري عبيتها 91

بالنسبة للمكيف ماعندك مشكلة عادي افتحه انا اي سيارة نشتريها نفتح مكيفها من اول مانشتريها ابد مافيه ولا مشكلة

والله يعطيك من خيره ويكفيك شره :smile:

مبروك والله يديك خيرها ويكفيك شرها

الله يعينك شكها يبغالها اهتمام ممل

اقول لاتكذب ولاتخربط .. سلامات انا عندي سياره يابانيه ماكسيما وسوناتا وكلهم يتضررون من الحفر اذا بطب فيهم عمدا انا اقصد الحفر الكبيره
واللي عنده سياره المانيه سعر وبقدره تجيب له 3 كابرس بقعد يطب فيها بالحفر سلامات !! وبعدين اذا اخترب عليه شي بالسيارات الالماني قطع غياار نااار واضعاف باقي قطع سيارات ثانيه بالعكس اكثر ناس يحافظون ع سيارات اللي عندهم سيارات المانيه ..
تكلم بالمنطق والا اسكت :a1120(121):

الشباب ماقصرو بس فية شئ ماذكروة الشباب
الا هو البانزين
تبي تحافظ على البخاخات والطرمبة ان شاء الله
1- تعبي البانزين عند محطات كبيرة مثل النفط الدريس والشركات الكبيرة ولاتروح محططات عادية .
2- لاتفضي البانزين مرة اقل شئ 25 لتر او 30 لتر لان فل الكابرس 30 ريال اذا صار قليل مرة 35 ريال دايم تعبي خله على واحد لايضغطة كلة لان يصير فية هواء بجميع السيارات هذا الكلام
3- غير الزيت اذا مشى 1000 كيلو عند الوكالة مجاناً وامشي 80 كيلو .

مبروك الف مبروك الله يعطيك خيرها ويكفيك شرها

السيارة ممتازة ولك بعض النصائح للمحافظة :-
1- قبل ما تشغل السيارة سم بالله وحط المفتاح في السوتش وشغل العدادات ولا تشغل السيارة لمدة 5 ثواني بعدين شغلها ليش.؟ لأن خلال هذه الفترة يتم تشغيل كمبيوترات السيارة وفحص جميع الأجهزة الألكترونية.
2- غير أي زيت تخليقي خفيف مثل موبيل ون أو فوكس تيتان مع فلتر زيت المكينة وفلتر الهواء كل 10,000 كم مرة وابعد عن الزيت ذات العيار 20/50 أو 10/30 فهي ثقيله وتتسبب بخراب طرمبة الزيت بعد 80 ألف كم وبالتالي خراب المكينة وطلوع صوت التكايات تك تك تك
3- كل سنه بشهر 4 أو 5 ميلادي غير لها جميع السيور والبواجي وألاسلاك البواجي وصفاية البنزين وفلتر القير مع الزيت الأصلي دكسترون 5 وليس 3 وموية الرديتر الأصلي والأذرعة الأمامية تراها رخيصة والبطارية قبل ما تفضى وبكذا تكون تقريباً محافظ عليها
4- البنزين 95 فقط عشان ما تخرب RPM ومت تتفتف عليك السيارة.
5- التحمية فقط 30 ثانية في الصيف و دقيقة الى دقيقة ونص في الشتاء فقط كافية.
6- بعد ثلاث سنوات غير طرمبة البنزين والموية بقطع أصلية من الوكالة.
7- الصيانة عند العيسى أفضل.
8- شيّك كل سنة على المكيف الكمبروسور والفريون وووو عند العيسى فقط.

وتقبل تحياتي

الف مبروك اخوي
يعطيك من خيرها ويكفيك من شرها
اهم شي اهم شي غير اسمك في المنتدى لانه ماعاد ينفع هههههههه
ولا تتعدا ال80
ولا يهبكون في الي بالشارع يدعسون جمبك
ولا كأنهم فيه
امممم
البقره كامله
ورش مويه زمزم عليها كلها من جوا وبرا مكينه وكل شي
تأكد كل شي موجود في السياره
وبس الله يوفقك ولا تنسى مهم
صور العداد ع 1000
و 1001و 1111 و 1432و 1999 و 2000 و 2011 و 2022
هع
خلك زيي

^^^^^^^^^^^^^^

الله يرزقني بخرووف استرالي جديييد ويفضل لو كان روياال قل آميين




الله يعطيك خيره ويكفيك شره يَ رب واهنيك على اختيارك

الكابريس سياره جامعة كلش


اهم شي الركاده انا واخوك السياره طيااااره واذا رجلك حااره الله يعينك

أي كابريس مبهذلني الله يصلحك يا بوس ؟

تقصد الخروف الاسترالي اللي معك ؟

هذا تسميه كابريس :smile:

:xyxwave:

يآخي والله فهمنا
خلاص ريحنا

كل يوم حاشر عمرك ومبهذلك هالكابريس :bigggrin:

يبدو أنك تعتقد أني أقول أنها دايم تخرب ولا تحمل المطبات والحفر
أنا قلت وأنا معي هلي ماسلمت من الحفر والمطبات لأني مره من المرات
أنكسر المساعد بسبب حفره..اللي أقصده أنه وهي هلي اللي مصممه
لتتحمل لم تسلم فما ببالك بالسيدان؟؟.

أنا ما كذبتك الله يحفظك وحاشاك

كل ما في الأمر أنني أعلم بمدى جودة هذه السيارة

حيث أني استعملت 88 و 93 و 98 و 2000

وأخيرا ً سيارة أخوي 2008

سيارة اعتمادية وقوية على الحفر والمطبات من الدرجة الأولى

عموما ً أنا أعتذر إذا كنت أسأت أليك من غير قصد مني

وكل عام وأنت بخير ،،،

كأنك تقول .....تكذب ما معك هايلكس..وأنا قارنت بالكابرس وغيرها؟؟!!..عجباُ لأمر بعض الناس
أنا قلت على تحمل الهايلكس ما سلمت من الحفر والمطبات.سواء صدقت أم لا فهذا أمر
لايهمني..أهم شي أني صدقت مع ربي بما قلت .
وبعدين أنا أكره الأشخاص اللي يستخدم اسلوب استهزائي مثلك ومن على شاكلتك
(إلا إذا كنت تبحث عن الحفر وترمي نفسك فيها هذا شيء ثاني )

أعلم بأن الحفر ضررها كبير على جميع أنواع السيارات لكن ما أدرت توضيحة

هو أنه يوجد سيارات عضلاتها قوية وتتحمل الحفر والمطبات وتعيش معك فترة أطول مع شوارعنا الجميلة

بالنسبة للهايلكس وأنا أخوك لا تغالط نفسك

الهايلكس من أقوى السيارات وأكثرها اعتمادية

معروف أنها سيارة مصممة لتحمل وعورة الطريق ولا تقارن أبدا ً بالكابريس وأخواتها .

إلا إذا كنت تبحث عن الحفر وترمي نفسك فيها هذا شيء ثاني

تحياتي

الله يحفظك مو هذا قصدي..ياسبحان الله سكان السعوديه كلهم ما اشتكوا من الحفر والمطبات
إلا راعين الكوابرس واللومينا.!!؟؟..المطبات والحفر عدو لكل سياره.بالأخص السيدان
أنا معي هلي ماسلمت من الحفر والمطبات..