واسعد الله اوقاتكم بكل خير
هنا وفي هذا المنتدى الرائع وفي هذا الموضوع سيجتمع كل عشاق وملاك ومحبي
الاسطور الامريكية والنجمة ( فورد ايدج )
لكثرة المواضيع المطروحة وكثرة الاستفسارات عن هذه النجمة وبداية انتشارها بشكل كبير
قررنا عمل رابطة لملاكها ومحبيها وعشاقها
لنتبادل الخبرات ونجيب ونستفسر
اتمنى كل من يملك تلك النجمة ان يشاركنا برأيه ويفيد الاخوان ويكتب لنا عن تجربته ورضائه عن السيارة ومميزاتها وعيوبها وماينصح فيها ومايحذر منها
وانا راح اكون اول المبادرين لطرح تجربتي الي ماتعدت 36 ساعة عن السيارة
بصراحة انا ماكنت اعرف السيارة ولا اعرف شي عنها وكنت راكب راسي وقلت مستحيييييييييل بيوم من الايام اغير عن الانفنتي FX وكل يوم مع الوكالة ومع المعارض ومع ملاك السيارة واستفسار وحالة
لين جاني واحد من الشباب في يوم من الايام قالي انت شفيك مسكر مخك مع الانفنتي ياخي شوف الايدج الجديد الشعب كله طايح فيه قلتله لا لا لا لا لا انفنتي وبس لاتقولي غيرها
يوم من الايام طفشان وانا عالنت قلت خليني اطقطق اشوف هالايدج الي الشعب كله طايح فيها
ومن هنا بدأ الاعجاب وكان الحب من النظرة الاولى
قلبت راسي فوق تحت واقلب مميزات السيارة و و و لييين اتصلت عالرجال قلتله تعرف احد في وكالة فورد ؟ قام يضحك وقلي ابشر وارسلي رقم واحد وعن طريقه تم شراء السيارة
ووالله العظيم اني شريت السيارة ماشفتها على الطبيعة ولا ركبتها ولا اعرف شي عنها الا من النت فقط لاغير .
حتى الفلوس مو انا الي رحت دفعتها ارسلت واحد دفع الفلوس ماركبت السيارة الا يوم الي استلمتها وبصراحة خايف اني اندم اني هونت على الانفنتي وشريت الايدج
لكن الان بعد ماركبتها وجربتها بصراحة اقول ابدااااااااااااااااااااااع يافورد وربي ابداع
السيارة بنظام التأجير المنتهي بالتمليك
سعرها النقدي : 138500
الحمد الله استلمت السيارة في 17/08/2011 الساعة 1 ليللا
اللون كحلي وبصراحة انا اشوفه من أجمل الالوان الي طالعة عالايدج ( الالوان مسألة اذواق )
الفئة ليميتد 1
اضفت عليها زينون من الوكالة بقيمة 2300 ريال
السيارة حتى الان ماشية 225 كيلو
المميزات بالنسبة لي كثيرة لاتعد ولاتحصى وبصراحة بحكم اني لسا توي ها عالسيارة فما أحصيتها ولا لحقت اتقنها كاملة
العيوب :
المكيف هواه ضعيف مدري هل هذا العيب عندي فقط او عند جميع الملاك
طبعا ضعيف مقارنة بسيارتي السابقة ( لومينا ) ماشاء الله هوا مكيف اللومينا تقول مكيف موية من قوته
المرايا ماتتقفل كهربائيا
عدم وجود GPS وبعدم وجوده راح تقريبا نص الاوامر الصوتية الي عددها 10 الاف بدون فايدة
الاستفسارات :
هل تنصحوني اركب عليها جنوط غير جنوط بلدها مثلا مقاس 22" ؟
وش افضل شركة تظليل وحماية ؟
امشي على الزيت حتى الصيانة الدورية 8 الاف كيلو ؟ ؟ ؟ مو كثييييييييير ؟؟
وهذي صور لسيارتي
صلو عالحبيب :smile:
ختاما اتمنى ان تنال الرابطة على أعجابكم ويكون في تفاعل حتى نفيد ونستفيد بأذن الله
