السلام عليكم ورحمة الله وبركاته
قبل لا ابدأ بحيرتي واسألتي
رجاء من الاخوان اصحاب التويوتا والنيسان .. أو الاشخاص اللي راح يردون ويعيبون بالوكيل أو السعر بعد الشراء انهم يوفرون على أنفسهم الكتابه [COLOR=black]الموضوع جاي بقسم الأوربي والألماني [/COLOR]
لأني إن شاءالله ابشتري شي جديد وعليه ضمان ومقتنع بالشركتين وجودة تصنيعهم
بالبدايه خل اعطيكم فكرهـ عن السعر والمواصفات
بالنسبة للطوارق
شكل جديد نزل من موديل 2011 ومختلف عن الجيل السابق جذاب وشبابي وبنفس الوقت عليه طابع الرسمية
فيه ثلاث فئات (طبعا كلها 6 سلندر)
الفئة الأولى سعرها 153 ألف ستاندر بدون بانورما وبدون كاميرهـ ومراتب قماش
الفئة الثانية سعرها بعد العرض 189 ألف سقف بانورما وتخشيب وجلد وكاميرات ومواصفات لا تعد ولا تحصى باستثناء انه مافيه بصمه ولا نافيقيشن مع العلم انه فيه شاشة معلومات
الفئة الثالثة سعرها 224 ألف فيها نظام الهيدروليك وجنوط أكبر ونافيقيشن وتشغيل بصمة
بالنسبة Q7 الأودي (6سلندر) جاي فئتين
الأولى سعرها تقريبا 231 بدون بصمة وبدون نافيقشن مع العلم انه فيه زر النافيقيشن فقط مجرد برمجة عند الوكالة وبدون خط أس لاين
الفئة الثانية الأعلى سعرها تقريبا 258 ألف تجي أس لاين ونافيقيشن وتشغيل بصمة
طبعا أنا لو حبيت أشتري بالطوارق راح آخذ الفئة الوسطية اللي سعرها 189 ألف لأنه مستقبلا تقدر تدفع فرق وتغير الشاشة >> نافيقيشن
والمغري بالطوارق انه راح تكون مميز .. السيارة لسىى ما انتشرت ومواصفاتها لا يعلى عليها
فيه اشياء تخليني احتار بالاختيار ... اللي هو الحجم الطوارق اصغر نسبيا (أقصد انه معجبني الحجم) .. وبالنسبة لنظام التعليق الطوارق اكثر تحمل وقوهـ بالبر والمناطق الوعرة والسيارة فيه متانة غنية عن التعريف
والأودي بصراحه لو اشتريته ابشتريه علشان الأسم .. لأنه اكثر رسمية وفخامه
طبعا انا عزوبي غير متزوج ... المساحة غير مهمة لي ..
لكن بصراحة والله احترت بين هالسياراتين .....
ممكن يا أخواني تكرمون علي بأرائكم ومشورتكم ... وياليت لو فيه أحد مجرب وحدهـ منهم يفيدنا الله يعطيه العافيه
وبالاخير .. ارجع اكرر واعيد ..
رجاء لا يجي احد يقول اشتر جيب لكزس ولا اشتر جيب انفنتي .. ولا اشتر باترول ..
أو يجي احد يناقشني على السعر أنه راح يطيح .. إلخ
كل هالأشياء خارج حساباتي ...
