قناة السيارات
السلام عليكم و رحمة الله و بركاته،،،، مبارك الشهر للجميع و الله يعينكم على صيامه و قيامه
يا اخوان انا جاني عرض حلو على الجاكور xj 2011 بس سمعت السيارة مو مرة، طبعا تغير الوكيل و الشكل،،،، هاذا عامل مهم جدا. ابي رايكم السيارة شكل و فخامة، بس ودي من اصحاب التجربة لو يعطوني رايهم عن الصيانة و خدمة الناغي و اسعار الصيانة المعتادة و اذا في مشاكل شافوها او مرت عليهم، ياليت تعطوني رايكم اللي ما نستغني عنه.
شكرا.
طبعاً السيارة ما شاء الله تبارك الله , توب بالفخامة والرحابة والعزل والثبات وما غيرة من المستلزمات الي لازم تكون بالسيارة الفخمة , يعني كمواصفات مافيه شئ يعيبها ما شاء الله تبارك الله
المشكل بسيارات الجاغوار هي هل هي سيارات تتحمل أجوائنا الحارة وطرقنا الي زفلتتها 10 على 10 أو لا ؟ وهالشئ الي غير معروف للأسف لأن مجربين الجاغوار قليلين جداً عندنا بالسعودية ويبيلك فترة لين ما تنتشر السيارة وتعرف كيف وضعها عندنا بالسعودية من ناحية تحملها للحرارة الشديدة الي عندنا واكلها اليومي للمطبات والحفر
بالاضافة بان صيانة الجاغوار طبعاً مرتفعه بالسعر وهالشئ معروف عند السيارات الأوروبية وما يبيلها
بالتوفيق ان شاء الله
وعليكم السلام ورحمة الله وبركاته ....
كل عام وانت بخير ....
السيارة ماعليها كلام من الناحية النظرية ( أرقام الأداء والمواصفات ) ....
لكن من ناحية تجربة السيارة والإنطباع عنها يفيدوك مجربيها إن شاء الله ....
بالتوفيق .....
وكيل كاتعامل يمدحونه وافضل من السيف كاتعامل واسعار صيانه وقطع
وبالنسبه للاعتماديه وقلة الاعطال ماقدر افيدك فيها لاكن جاكوار متحسنه بشكل كبير جدا
واحد من الشباب معه 2009 وكرفها كرف ويمدحها والله
وبالنسبه للشركه الام ماعطت الزبون ضمان 5 سنوات او 150 الف كيلو الا وهم ضامنين منتجاتهم
ومعليش على اللقافه كم بيطلع عليك الموتر واي فئه ؟
موفق اخي الكريم
بسم الله الرحمن الرحيم
انا من ملاك السيارة
XJ L 2011
6 سلندر
السيارة اجمالا جمليه و فخمة وعمليه
فيه ملاحظة مهمة جدا:
يوجد خلل فني في صناعة الهيكل ونتج عنه صوت في سقف السيارة عند الملفات او تعرج الطريق
ذهبت بالسيارة للصيانه ولكن للاسف لم يستطيعو اصللاحها وما زال الصوت موجود
الصوت مزعج خاصة بسيارة بهذا السعر والفخامة
ارجو اني قد افدتك وان اردت اي استفسار انا مستعد للمساعدة
الاخ دهنوش
الخلل موجود فسيارتك ولا العيب موجود فسياره XJ بشكل عام
عايبتني السياره بس متخوفه من خرابها
ويقولون ما تتحمل الحر
وممكن اسال عن المكيف اذا يبرد تمام لانه عدنا سياره الطوارق فوكس فيجن مكيفها تعبان مثلا
وهل تنصح غيرك باقتنائها بعد ما اشتريتها ؟
واسمحلي اخوي صاحب الموضوع ع المداخله ع موضوعك
الاخ دهنوش شكرا على المشاركة، الاخت فاطمه حياك الله لان دخت ابي راي اللي مجربين السيار بس ما لقيت اتمنى ان الموضوع يصير مرجع لكل من يفكر يشتريها.
الاخ الملقوف، مستخدم سوبر تشارج. السعر تقوبيا ١٨٠ الف بس بينزل اتوقع و ماشي ٣٠٠٠ بس
المشاركة الأصلية كتبت بواسطة fatima2002
الوكالة يقولون بعض السيارات فيها العيب
من ناحية المكيف ممتاز جدا
رد مع اقتباس
