لمبة الأفوردرايف ما أقدر أفيدك عنها بصراحة و تحتاج فحص كمبيوتر.
جزاك الله خير أخي super-safari
الموضوع مو بس فضاوة
الحين اكون ماشي مثلا واهدي عند سرعة 30 مثلا ولماادعس بنزين ماتستجيب السيارة
واضطر اهدي السرعة الى الصفر تقريبا ثم ادعس بنزين من جديد فتبدأ تستجيب
إذا الموضوع بهذا الشكل فيوجد فعلاً بعض الكلتشات محترقة. فيلزم التوضيب.
سؤال جانبي: هل تسمع صوت حنة (يشبه صوت طرمبة الدركسون لما ينقص زيتها)؟ لأن الحنة تعني خراب الطنجرة و إذا خربت فيصير القير يفضي. لكن لو ما فيه صوت حنة فهذا احتراق كلتشات , يعني أهون.
أنا في الرياض و لا أعلم شيء في الشرقية للأسف.
لما تسوي توضيب اتفق على تسليم الورشة أجرة اليد فقط و لا تترك لهم موضوع القطع. اشتر القطع بنفسك و أصلي فقط نصيحة لك.
يستحسن تغير كامل الكلتشات ؛ لأن بعض الورشات يشوف الي باقي فيها شوية نفس و يخليها!! لأنك مو كل شوي بتفك القير.
عند التوضيب يلزمك التالي:
كلتشات (طقم كامل كما قلت لك)
وجوه (وجوه جرم مع وجه الكارتير)
فلتر و زيت (عيار الزيت لموديل سيارتك 2005 هو: Mercon-V و ليتك تتأكد من الوكالة)
رمانات إن لزمت.
طقم إصلاح (ربلات تتواجد داخل القير بهدف منع تسرب ضغط الزيت في الأنابيب القير)
الطنجرة أرجو أن تكون سليمة لأنها ستزيد تكلفة التوضيب كثيرًا.
موفق إن شاء الله و مبارك عليك الشهر.
