جيب BMW X5 موديل 2011 وش رايكم فيه

[بانميرا]

السلام عليكم

انا من الناس المعجبين بالبي ام بجميع انواعها ووقعت عيني امس في وكالة بي ام على الاكس فايف ال 8 سلندر وبصراحة اعجبني ولكن السؤال هل السيارة عملية وقليلة الاعطال وانا مخير بينه وبين الفئة السابعه وايهما اعلى جودة وقوة

ورحت للوكالة وقالوا لي سعره 330 الف
وال 740 فل كامل 426 الف
وال 740 العادي 380 الف

وش رايكم ووش تنصحون فيه مع انه بيتغير بعد سنتين ومو فارقة معي كثير

لذلك شوروا علي بحكم خبرتكم او احد جرب التكس فايف

[Ahmed 11]

اهلين اخوي .. اختيارك موفق لجيب الاكس 5 سياره عرف عنها القوه والاعتماديه والتحمل ويكفي انها من افضل الجيوب على الاطلاق وموديل 2011 حمل بعض التغيرات (الفيس لفت) والاسطبات الجديده زادت من جمال السياره .. اغلب المصارد وان لم تتاكد تقول ان السياره سوف تتغير بعد سنتين او 3 سنوات .. المقارنه صعبه لكن اذا اخترت الرفاهيه والراحه ال 740 انتظر موديل ال2012 يشمل تغير ( الفيس لفت) الاكس 5 قوه وتحمل ويتحمل شوارعنا الجميله بس نظام التعليق قاسي يختلف عن الفىه السابعه وعليك بصلاه الاستخاره وربي يوفقك ان شالله

[صعـب المنـال]

السلام عليكم
والله ياغالي لو إني منك راح آخذ الـفئة الـسـابعه
والسبب إن المقصورة الداخلية لـ7Series أفخم بكثير من الـ X5
وأيضا الفخامة الخارجية لـ 7Series أفخم بكثير من الـX5
اما عن تغيير الـ X5 فاعذرني والله
راح تكون فخامة الجيب حقك مثل هذا الحين


انت دافع مبلغ عالي فحرام بعد سنتين أو حتى ثلاث تطير هيبته ومايسوى لك حاجه
اقتراحي لك وأتمنى تتقبله
إذا انت مصمم على جيب
فعندك الرنج روفر سبورت قيمته تقريبا بـ 340 ألف للفل كامل V6 وممكن تحصل عليه عروض تعجبك >>لأن مرة حطو عرض عليه وصار الفل بـ 300 ألف
جيب البورش كايين فل كامل بـ300 ألف ريال V6 >>أفضل سيارات اخذت جوائز بسبب قله الخرابات هي الـ بـورش بصفه عامه
إذا كان باستطاعتك تنتظر سنة وحده
وتشتري لك الشكل الجديد من جيب اودي Q7 فهو أفضل لك
بالتوفيق لك
ومبروك لك مقدما^_^

[α3ž εℓ ηαss]

انا ارشح الفئه السابعه .. اكيد افضل و اوسع و اريح من الـ X5 ..

ان شاء الله يفيدونك الشباب اكثر

موفق

[M I X I S]

الاكس 5 خيار رائع
و في الغالب راح يتغير في 2015 ..

لكن اذا تبغى الرفاهيه الممزوجه بالتقنيه و الترف
خذ لك ال740 فل اوبشن ..

و تمتع بالقياده
...

[ماهرالحربي]

وعليكم السلام ورحمة الله وبركاته ....

الإختيار من بينهم راجع لك ولمتطلباتك ،

إذا تهتم بالسعر والدفع الرباعي والسبعة مقاعد فخذ الـ X5 ....

وإذا تهتم بالراحة والترف والتطور والهيبة فخذ الفئة السابعة ....

استخير + جرب السيارتين + الله يوفقك للأفضل .....

[بانميرا]

الف شكر لكل من رد
ولكن احد الاصحاب ذكر لي ان الاكس فايف تحمل اكثر من الفئة السابعه؟

[المحتار2009]

بصراحه الــX5 سيارة عادية جدا وشكلها من فتره ما تغير
وأفضل خيار هو الفئة السابعة 740Li بدون تردد

مووفق